ପିକନିକ୍ ସାରି ଫେରୁଥିଲେ , ଘଟିଗଲା ଭୟଙ୍କର ଦୁର୍ଘଟଣା …..
1 min read
ଦଶପଲ୍ଲା : ଶୀତର ମଜା ନେବା ପାଇଁ ଖୁସିରେ ଦାରିଙ୍ଗବାଡି ପିକନିକ୍ ଯାଇଥିଲେ । ହେଲେ ଫେରିବା ସମୟରେ ଘଟିଗଲା ଭୟଙ୍କର ଦୁର୍ଘଟଣା , ଚାଲିଗଲା ଜୀବନ । ଗାଡି ଭିତରର ଖୁସିର ହୋ ହା କିଛି ସମୟରେ କାନ୍ଦ ବୋବାଳିଲେ ପରିଣତ ହୋଇଗଲା । ଘରୁକୁ ଫେରିଲା ବେଳେ ଅଧ ବାଟରେ ପିକନିକ୍ ଭ୍ୟାନ୍ ରାସ୍ତା କଡରେ ଥୁଆ ହୋଇଥିବା ଏକ ଟ୍ରଲରକୁ ଜୋରରେ ଧକ୍କା ଦେଇଥିଲା ।
ବୁଧବାର ଭୋର ୩ ଟା ସମୟରେ ଏଭଳି ଏକ ମର୍ମନ୍ତୁଦ ଦୁର୍ଘଟଣା ନୟାଗଡ ଜିଲ୍ଲା ଦଶପଲ୍ଲା ଥାନା ଅନ୍ତର୍ଗତ ବୁଗୁଡା ଟାକରା ମଧ୍ୟସ୍ଥଳ ଖରଡାପିଟା ଘାଟି ନିକଟରେ ଘଟିଛି । ଟ୍ରଲରକୁ ପଛରୁ ଧକ୍କା ଦେଇଛି ଏକ ଯାତ୍ରୀବାହି ଟ୍ରାଭେଲର । ଫଳରେ ଘଟଣା ସ୍ଥଳରେ ହିଁ ଜଣଙ୍କର ମୃତ୍ୟୁ ଘଟିଥିବା ବେଳେ ଜଣ ଗୁରୁତର ଆହତ ହୋଇଛନ୍ତି ।
ମିଳିଥିବା ସୂଚନା ଅନୁଯାୟୀ ଆଠଗଡରୁ ୧୫ ରୁ ଉର୍ଦ୍ଧ ଯୁବକ ଦାରିଙ୍ଗିବାଡିରୁ ପିକନିକ୍ ସାରି ଏକ ଭ୍ୟାନରେ ଫେରୁଥିବା ସମୟରେ ଗାଡିଟି ଭାରସାମ୍ୟ ହରାଇ ଟ୍ରଲରରେ ପିଟିହୋଇଥିଲା । ଯାହା ଫଳରେ ଏଭଳି ଅଘଟଣ ଘଟିଯାଇଛି । ତେବେ ଦୁର୍ଘଟଣାରେ ମୃତ୍ୟୁ ବରଣ କରିଥିବା ଯୁବକ ହେଉଛନ୍ତି ତ୍ରୀଲୋଚନ ରାଉତ । ସେ ଆଠଗଢ ଅଂଚଳର ବୋଲି ସୂଚନା ମିଳିଛି । ଘଟଣା ସ୍ଥଳରେ ଦଶପଲ୍ଲା ଅଗ୍ନିଶମ ବାହିନୀ ପହଞ୍ଚି ଆହତମାନଙ୍କୁ ଉଦ୍ଧାର କରି ୧୦୮ ଆମ୍ବୁଲାନ୍ସ ଯୋଗେ ଦଶପଲ୍ଲା ଡାକ୍ତରଖାନା କୁ ପଠାଇଥିବା ଜଣାପଡିଛି।
