ଭାରତୀୟ କ୍ରିକେଟ୍ ଟିମର ବଡ ଦାୟିତ୍ୱରେ ମାଲକାନାଗିରି ପୁଅ ସତବୀର ସିଂ ।
1 min read
ନୂଆଦିଲ୍ଲୀ ; କମାଲ କଲେ ଓଡିଆ ପୁଅ , ଏବେ ସମ୍ଭାଳିବେ ଟିମ୍ ଇଣ୍ଡିଆର ବଡ ଦାୟିତ୍ୱ । ଓଡ଼ିଶା କ୍ରିକେଟ୍ ଆସୋସିଏସନର ସଦସ୍ୟ ସତ୍ୟବୀର ସିଂ ରିଆରଙ୍କୁ ଦକ୍ଷିଣ ଆଫ୍ରିକାରେ ଟେଷ୍ଟ ସିରିଜ୍ ପାଇଁ ଭାରତୀୟ କ୍ରିକେଟ୍ ଦଳର ମ୍ୟାନେଜର ଭାବେ ନିଯୁକ୍ତି ଦିଆଯାଇଛି। ପୂର୍ବରୁ ଅନେକ ଟିମ୍ ପାଇଁ ମ୍ୟାନେଜର ଭାବେ ଦାୟିତ୍ୱ ତୁଲାଇଛନ୍ତି ସତବୀର । ମାଲକାନଗିରି ଜିଲ୍ଲାର ସତବୀର, ସେଞ୍ଚୁରିଅନରେ ପ୍ରଥମ ଟେଷ୍ଟ ଏବଂ କେପଟାଉନରେ ଦ୍ୱିତୀୟ ଟେଷ୍ଟରେ ଦଳର ମ୍ୟାନେଜର ଭାବରେ କାର୍ଯ୍ୟ କରିବେ।
ତେବେ ଏତେବଡ ଖୁସିରେ ସତବୀର ନିଜ ପତିକ୍ରିୟା ରଖି କହିଛନ୍ତି ଯେ “ମୁଁ ନୂଆ କାର୍ଯ୍ୟ ପାଇଁ ଗର୍ବିତ ଏବଂ ଖୁସି ଅନୁଭବ କରୁଛି। ସୁଯୋଗ ପାଇଁ ମୁଁ ଙଉଇ କୁ ଧନ୍ୟବାଦ ଦେବାକୁ ଚାହୁଁଛି । ମୁଁ ଏହା ପୂର୍ବରୁ ଓଡିଶା ଟ-୧୬, ଟ-୧୯ ଏବଂ ରଣଜୀ ଦଳର ପରିଚାଳକ ଭାବରେ କାର୍ଯ୍ୟ କରିଥିଲି । ମୋର ଭଲ କାମ ଆଧାରରେ ମୁଁ ଟିମ୍ ଇଣ୍ଡିଆ ପାଇଁ ମଧ୍ୟ ସମାନ କରିବାର ସୁଯୋଗ ପାଇଲି ବୋଲି କହିଛନ୍ତି ସତବୀର।
“ଯଦି ମାଲକାନଗିରିରୁ ଆସିଥିବା ସତ୍ତ୍ୱେ ମୁଁ ଏଠାରେ ପହଞ୍ଚି ପାରିବି, ଯାହା ପ୍ରାୟତ ପଛୁଆ ଜିଲ୍ଲା ଭାବରେ ପରିଗଣିତ ହୁଏ, ଅନ୍ୟ ଖେଳାଳିମାନେ ଏଥିରୁ ପ୍ରେରଣା ପାଇବେ। ଦୁଇ ମାସ ମଧ୍ୟରେ ମାଲକାନଗିରିରେ ଏକ କ୍ରିକେଟ୍ ଏକାଡେମୀ ଖୋଲାଯିବ । ସେଠାରେ ପ୍ରତିଭା ପ୍ରତିପୋଷଣ ପାଇଁ ମାଗଣା କୋଚିଂ ଦିଆଯିବ ବୋଲି ସେ କହିଛନ୍ତି। ସେ ଆହୁରି ମଧ୍ୟ କହିଛନ୍ତି ଯେ ମୁଁ ଚାହୁଁଛି ଓଡିଶାର କ୍ରିକେଟ୍ ଖେଳାଳିମାନେ ଆନ୍ତର୍ଜାତୀୟ ସ୍ତରରେ ଦେଶକୁ ପ୍ରତିନିଧିତ୍ୱ କରନ୍ତୁ ଏବଂ ଆଇପିଏଲରେ ଖେଳନ୍ତୁ। ଓସିଏ ସଭାପତି ପ୍ରଣବ ପ୍ରକାଶ ଦାସ ଏବଂ ସଚିବ ସଞ୍ଜୟ ବେହେରା ଏହି ନିଯୁକ୍ତିକୁ ନେଇ ସତବୀରଙ୍କୁ ଅଭିନନ୍ଦନ ଜଣାଇଛନ୍ତି।
