ଭାରତୀୟ ନୌସେନା ଲଞ୍ଚ କଲା ନୂଆ ଏପୋଲେଟ୍ସ, ନୌସେନା ଅଧିକାରୀଙ୍କ କାନ୍ଧରେ ସାଜିବ ଶିବାଜୀଙ୍କ ‘ରାଜମୁଦ୍ରା’…

ଭାରତୀୟ ନୈାସେନା ନିଜର ବରିଷ୍ଠ ଅଧିକାରୀଙ୍କ ପାଇଁ ନୂତନ ଏପୋଲେଟ୍ସ ଲଞ୍ଚ କରିଛି । ଯାହା ନୈାସେନା ଅଧିକାରୀ ମାନେ ୟୁନିଫର୍ମରେ ପନ୍ଧିିବେ। ଗୁରୁବାର ନୈାସେନା ଲଞ୍ଚ କରିଥିବା ନୂଆ ଏପାଉଲେଟ୍ସ ହେଉଛି ଏକ ପ୍ରକାର ସାଜସଜ୍ଜା ସଙ୍କେତ । ମହାନ ଯୋଦ୍ଧା ମହାରାଜା ଛତ୍ରପତି ଶିବାଜୀଙ୍କ ରାଜମୁଦ୍ରାରୁ ପ୍ରେରିତ ହୋଇ ଏହାକୁ ନିର୍ମାଣ କରାଯାଇଛି । ଯାହାକୁ କେବଳ ନୈାସେନାର ଆଡମିରାଲ, ଉପ ଆଡମିରାଲ ଓ ରିଅର ଅଡମିରାଲ ରାଙ୍କର ଅଧିକାରୀମାନେ ସେମାନଙ୍କର ୟୁନିଫର୍ମରେ ପନ୍ଧିିପାରିବେ । ଏହି ଏପୋଲେଟ୍ସରେ ରହିଥିବା ଛତ୍ରପତି ଶିବାଜୀଙ୍କ ରାଜମୁଦ୍ରା ଉପରେ ସଂସ୍କୃତ ଭାଷାରେ ଏକ ଶ୍ଲୋକ ଲେଖାଯାଇଛି । ଗତ ଡିସେମ୍ବର ୪ ରେ ନୈାସେନା ଦିବସ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମହାରାଷ୍ଟ୍ରର ସିନ୍ଧୁଦର୍ଗରେ ଏପାଉଲେଟ୍ର ନୂତନ ଡିଜାଇନ୍ ପ୍ରବର୍ତ୍ତନ କରିବାକୁ ଘୋଷଣା କରିଥିଲେ । ଆଡମିରାଲ୍‌, ଭାଇସ୍ ଆଡମିରାଲ୍ ଏବଂ ରିୟର ଆଡମିରାଲ୍ ପଦବୀ ପାଇଁ ନୂତନ ଡିଜାଇନ୍ ହୋଇଥିବା ଏପାଲେଟ୍ ଜାରି କରାଯାଇଛି । କାରଣ ନୈାସେନାରେ ଏହି ତିନୋଟି ସର୍ବୋଚ୍ଚ ପଦବୀ ଉଚ୍ଚ ପଦସ୍ଥ ରାଙ୍କ ହୋଇଥାଏ ।

ପୂର୍ବରୁ ଇଂରେଜ ଅମଳରୁ ଥିବା ଏପୋଲେଟ୍ସକୁ ବଦଳାଇ ଗୁଲାମୀ ମାନସିକତା ଥିବା ସମସ୍ତ ସଙ୍କେତକୁ ହଟାଯିବ ବୋଲି ପ୍ରଧାନମନ୍ତ୍ରୀ କହିଥିଲେ । ଏପାଉଲେଟ୍ସର ଚିତ୍ର ବାଣ୍ଟି ନୈାସେନା କହିଛି ଯେ ନୂତନ ଡିଜାଇନ୍ ନାଭାଲ୍ ଏନ୍ସାଇନ୍ ଠାରୁ ନିଆଯାଇଛି ଏବଂ ଛତ୍ରପତି ଶିବାଜୀ ମହାରାଜଙ୍କ କୋଟ୍ ଦ୍ୱାରା ଅନୁପ୍ରାଣିତ ହୋଇଛି । ଏହା ଆମର ସମୃଦ୍ଧ ସାମୁଦ୍ରିକ ଐତିହ୍ୟକୁ ପ୍ରତିଫଳିତ କରେ । ଏପାଉଲେଟ୍ସର ଡିଜାଇନ୍ରେ ଅନ୍ତର୍ଭୁକ୍ତ ମାର୍କିଂଗୁଡ଼ିକର ଅର୍ଥ କ’ଣ?

ଗୋଲଡେନ୍ ନେଭି ବଟନ୍‌: ଏହି ପ୍ରତୀକ ଦାସତ୍ୱର ମାନସିକତାକୁ ସମାପ୍ତ କରିବାର ବିନ୍ଦୁକୁ ଦୋହରାଇଥାଏ ।
ଅକ୍ଟାଗୋନ୍‌: ଏହା ଆଠଟି ଦିଗକୁ ପ୍ରତିନିଧିତ୍ୱ କରେ । ଯାହା ନୈାସେନାର ସାମଗ୍ରିକ ଦୀର୍ଘକାଳୀନ ଦୃଷ୍ଟିକୁ ପ୍ରତିଫଳିତ କରିବାରେ ସାହାଯ୍ୟ କରେ ।
ଭାରତୀୟ ଖଣ୍ଡା: ଏହି ପ୍ରତୀକ ଭାରତକୁ ଜାତୀୟ ଶକ୍ତିରେ ଅଗ୍ରଣୀ ହେବାକୁ ଗୁରୁତ୍ୱ ଦେଇଥାଏ । ଏହା ବ୍ୟତୀତ, ପ୍ରାଧାନ୍ୟ ମାଧ୍ୟମରେ ଯୁଦ୍ଧ ଜିତିବା, ଶତ୍ରୁମାନଙ୍କୁ ପରାସ୍ତ କରିବା ଏବଂ ଆଗାମୀ ଆହ୍ୱାନର ମୁକାବିଲା କରିବା ପାଇଁ ନ ଚ୍ଚ ସେନାର ଉଦ୍ଦେଶ୍ୟକୁ ଗୁରୁତ୍ୱ ଦେବା ପାଇଁ ଏହା ସେବା କରେ ।
ବାଇନୋକୁଲାର: ଏହି ପ୍ରତୀକ ଦୀର୍ଘସ୍ଥାୟୀ ଦୃଷ୍ଟିକୋଣ, ଦୂରଦୃଷ୍ଟି ଏବଂ ପରିବର୍ତ୍ତନଶୀଳ ଦୁନିଆରେ ପାଗ ଉପରେ ନଜର ରଖିବାର ପ୍ରତୀକ ଅଟେ ।

ଏଥି ସହିତ ନୈାସେନା ବ୍ରିଟିଶମାନଙ୍କଠାରୁ ଉତ୍ତରାଧିକାରୀ ନାବିକମାନଙ୍କ ପଦବୀ ମଧ୍ୟ ସମୀକ୍ଷା କରିଛି । ଉପନିବେଶିକ ସାମରିକ ପରମ୍ପରାକୁ ଶେଷ କରିବା ପାଇଁ ନୈାସେନା ଏକ ପ୍ରମୁଖ ଅଭିଯାନରେ କାର୍ଯ୍ୟ କରୁଛି । ଏହାର ଏକ ଅଂଶ ଭାବରେ ନାବିକମାନଙ୍କ ପଦ ଭାରତୀୟ ନାମ ସହିତ ବଦଳାଯିବ । ଏହିପରି, ୬୫ ହଜାରରୁ ଅଧିକ ନାବିକ ନୂତନ ପଦବୀ ପାଇବେ ।