ଗ୍ୟାସ୍ ସିଲିଣ୍ଡର ଫାଟି ଭୁସୁଡିଲା ଘର ,୨ ଗୁରୁତର

ଭୁବନେଶ୍ୱର : ଗଞାମ ଗୋପାଳପୁର ଥାନା ଅନ୍ତର୍ଗତ ରାମଚନ୍ଦ୍ରପୁର ଗାଁର ଦେବରାଜ ନାୟକଙ୍କ ଘରେ ଘଟିଛି ଏକ ବଡ ଧରଣର ଅଘଟଣ । ତେବେ ସୂଚନା ମୁତାବକ ଦେବରାଜଙ୍କ ଘରେ ପ୍ରାୟ ୫୦ ରୁ ଉର୍ଦ୍ଧ କମର୍ସିଆଲ ଗ୍ୟାସ ସିଲିଣ୍ଡର ଥିଲା । କୌଣସି କାରଣ ବସତ ଏହା ଲିକ ହୋଇ ଏକ ବଡ ଧରଣର ବିସ୍ପୋରଣ ହେବାସହ ଘରେ ନିଆଁ ଲାଗିଯାଇଥିଲା । ଯେଉଁଥିରେ ତାଙ୍କ ଘରର ଛାତ ଓ କାନ୍ଥ ଭୁସୁଡିବା ସହ ୨ ଜଣ ବ୍ୟକ୍ତି ଗୁରୁତର ଆହତ ହୋଇଥିବ ଜଣା ପଡିଛି ।

ଆହତଙ୍କୁ ବ୍ରହ୍ମପୁର ଏମକେସିଜି ଚିକିତ୍ସାଳୟରେ ଭର୍ତ୍ତି କରାଯାଇଛି ।ଏହାପରେ ଘଟଣା ସ୍ଥଳରେ ବ୍ରହ୍ମପୁର ଅଗ୍ନିବାହୀ ଟିମ ପହଞ୍ଚି ନିଆଁକୁ ଆୟତ କରିବାପରେ , ଗୋପାଳପୁର ପୋଲିସ ପହଞ୍ଚି ତଦନ୍ତ ଆରମ୍ଭ କରିଦେଇଛି ।ତେବେ ଗ୍ୟାସ୍ ସିଲିଣ୍ଡର କିପରି ଲିକ୍ ହେଲା ତାହା ଏଯାଏ ଅସ୍ପଷ୍ଟ ରହିଛି ।

Advertisement