ପୁଣି ପିକନିକ୍ ବସ୍ ଦୁର୍ଘଟଣା ଗ୍ରସ୍ତ ; ହୀରାକୁଦରୁ ପିକନିକ୍ ସାରି ଫେରିବାବେଳେ ପିଟିଲା ଟ୍ରକ୍ , ୪ ଗୁରୁତର ……
1 min read
ଢେଙ୍କାନାଳ ; ପୁଣି ପିକନିକ୍ ବସ୍ ଦୁର୍ଘଟଣା ଗ୍ରସ୍ତ । ଓଡିଶାରେ ଭୟ ଜମାଇଲାଣି ବସ୍ ଦୁର୍ଘଟଣା । କେନ୍ଦ୍ରାପଡାରୁ ଆସୁଥିବା ମନୋରମା ବସ୍ ଦୁର୍ଘଟଣାରେ ରାଜ୍ୟବାସୀଙ୍କ ମନରେ ଭୟ ଖେଳାଇଥିବା ବେଳେ ଗୁରୁବାର ମହାବିରୋଡ଼ ଥାନା ୧୪୯ ଜାତୀୟ ରାଜପଥ ଭେଜିଆ ମନ୍ଦିର ଛକ ନିକଟରେ ଟୁରିଷ୍ଟ ବସ୍ ଦୁର୍ଘଟଣାଗ୍ରସ୍ତ ହୋଇଛି । ଯେଉଁଥିରେ ୫୧ ଜଣ ଯାତ୍ରୀ ଥିଲେ , ଯେଉଁଥିରୁ ପ୍ରାୟ ୪୦ ଜଣ ଆହତ ହୋଇଥିବା ଜଣାପଡିଛି । ସେମାନଙ୍କ ମଧ୍ୟରୁ ୪ ଯାତ୍ରୀଙ୍କ ଅବସ୍ଥା ସଙ୍କଟାପନ୍ନ ରହିଛି। ସମସ୍ତଙ୍କୁ ତାଳଚେରସ୍ଥିତ ମଣ୍ଡାପାଳ ହସ୍ପିଟାଲରେ ଭର୍ତ୍ତି କରାଯାଇଛି।
‘ନିରୂପମା’ ନାମକ ଏକ ପିକନିକ ବସ୍ ଆଜି ସକାଳେ ସମ୍ବଲପୁରରୁ ବଡ଼ଚଣା ଅଞ୍ଚଳକୁ ଫେରୁଥିଲା। ଉକ୍ତ ବସ୍ରେ ପ୍ରାୟ ୪୦ ଯାତ୍ରୀ ଥିଲେ। ସେମାନେ ପିକ୍ନିକ୍ ସାରି ବଡ଼ଚଣା ଅଞ୍ଚଳରେ ଥିବା ନିଜ ଗାଁକୁ ଫେରୁଥିଲେ। ଏହି ସମୟରେ ମହାବୀରରୋଡ ଥାନା ଭେଜିଆ ଛକରେ ଏକ ଟ୍ରକ୍ ସହ ଧକ୍କା ହୋଇଥିଲା । ସ୍ଥାନୀୟ ଲୋକେ ଓ ମହାବିରୋଡ୍ ପୋଲିସ ଘଟଣା ସ୍ଥଳରେ ପହଞ୍ଚି ଯାତ୍ରୀମାନଙ୍କୁ ଉଦ୍ଧାର କରି ତୁରନ୍ତ ତାଳଚେର ସ୍ଥିତ ମଣ୍ଡାପାଳ ହସ୍ପିଟାଲରେ ଭର୍ତ୍ତି କରାଇଥିଲେ ।
