ସାଙ୍ଗ ସାଜିଲା ସୈତାନ : ଢେଙ୍ଗାରେ ପିଟି ନେଲା ସାଙ୍ଗର ଜୀବନ

ଭୁବନେଶ୍ୱର : ସାଙ୍ଗ ପାଇଁ ସାଙ୍ଗ ଜୀବନ ଦେବା ତ ଜାଣିଥିବେ ।କିନ୍ତୁ ଏଠି ଜଣେ ସାଙ୍ଗ ହିଁ ଜୀବନ ନେଇଛି ଆଉ ଜଣେ ସାଙ୍ଗର । ସାଙ୍ଗର ଠେଙ୍ଗା ମାଡ଼ରେ ଅନ୍ୟଜଣେ ସାଙ୍ଗ ମୃତ। ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ଗଞାମ ଜିଲ୍ଲାରେ ।ତେବେ ଘଟଣାଟି ଗଞାମର କବିସୂର୍ଯ୍ୟନଗର ଥାନା ବଡଆଗୁଳ ରାସ୍ତାରେ ଗତକାଲି ରାତିରେ ଘଟିଛି ।

Advertisement

ସୂଚନା ମୁତାବକ ବଡଆଗୁଳ ଗାଁର ଅମର ମଲ୍ଲିକ ଏବଂ ତାଙ୍କ ସାଙ୍ଗ ମୂଷା କରଣ ଗତକାଲ ସନ୍ଧ୍ୟାରେ ମୂଷା କରଣଙ୍କ ଘର ଆଗରେ ବସି ମଦ୍ୟପାନ କରିଥିଲେ ।ଏହାପରେ କିଛି କଥାକୁ ନେଇ ଉଭୟଙ୍କ ମଧ୍ୟରେ ଯୁକ୍ତି ହୋଇଥିଲା । ଯୁକ୍ତି ବଢିବା କାରଣରୁ ମୂଷା କରଣ ଏକ ଠେଙ୍ଗାରେ ଅମରଙ୍କ ମୁଣ୍ଡକୁ ଆକ୍ରମଣ କରିଥିଲେ । ଫଳରେ ସେହିଠାରେ ହିଁ ଟଳିପଟିଥିଲେ ଅମର । ଏହାପରେ ଗାଁ ଲୋକେ ଓ ଅମରଙ୍କ ପରିବାର ଲୋକେ ଘଟଣା ସ୍ଥଳରେ ପହଞ୍ଚି କବିସୂର୍ଯ୍ୟନଗର ପୋଲିସ କୁ ଖବର ଦେଇଥିଲେ ।ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଦେଇଛି ।