ଗୋଟିଏ ଗୋଡ଼ରେ ନାଚି କମାଲ କରୁଛି କୁନି ଝିଅ, ଦିବ୍ୟାଙ୍ଗ ଛାତ୍ରୀଙ୍କ ନାଚରେ ବିଭୋର ହେଲେ ଦର୍ଶକ….

କୋରାପୁଟ ; ଗୋଟିଏ ଗୋଡ଼ରେ କମାଲ ନୃତ୍ୟ କରି ମନ ଜିଣି ନେଲେ କୁନି ଝିଅ । ବୋରିଗୁମ୍ମା ସ୍ଥିତ ମିନି ଷ୍ଟାଡିୟମରେ ବ୍ଲକ ସ୍ତରୀୟ ଦିବ୍ୟାଙ୍ଗ ଶିଶୁଙ୍କ ନିମନ୍ତେ କ୍ରୀଡା ଓ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ବୋରିଗୁମ୍ମା ବ୍ଲକର ବିଭିନ୍ନ ପ୍ରାଥମିକ ବିଦ୍ୟାଳୟର ଦିବ୍ୟାଙ୍ଗ ଛାତ୍ରଛାତ୍ରୀ ଅଂଶଗ୍ରହଣ କରିଥିଲେ। ବିଭିନ୍ନ ପ୍ରକାରର ଖେଳ ଏବଂ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।

ସବୁଠାରୁ ଆକର୍ଷଣ ନୃତ୍ୟ ପରିବେଷଣ କରିଥିଲେ ବୋରିଗୁମ୍ମା ବ୍ଲକ ଢୁଟିଗୁଡା ପ୍ରାଥମିକ ବିଦ୍ୟାଳୟର ଜଣେ ଦିବ୍ୟାଙ୍ଗ ଛାତ୍ରୀ ଗୋଟିଏ ଗୋଡ଼ରେ ଖୁବ ସୁନ୍ଦର ହୃଦୟସ୍ପର୍ଶୀ ନୃତ୍ୟ ପରିବେଷଣ କରିଥିଲେ ।ଏହି ନୃତ୍ୟକୁ ଦେଖି ସମସ୍ତଙ୍କ ଆଖିରେ ଲୁହ ଆସି ଯାଇଥିଲା । ଭଗବାନ ଲୋକଙ୍କୁ ଅନେକ କିଛି ଦେଇ ମଧ୍ୟ ମଣିଷଜାତି ସବୁବେଳେ ଅଭିଯୋଗ ଆଣିଥାଏ । କିନ୍ତୁ ଏହି କୁନି ଝିଅଟି ନିଜର ଇଛା ଶକ୍ତି ଆଉ ବିଶ୍ୱାସ ବଳରେ ଅନେକ କିଛି ଅସମ୍ଭବ କୁ ସମ୍ଭବ କରିଦେଇଖେଇଛି ।

Advertisement