ବେଙ୍ଗାଲୁର କୋଚିଂ ସେଣ୍ଟରରୁ ନିଖୋଜ ହୋଇଥିବା ୧୨ ବର୍ଷର ବାଳକ , ହାଇଦ୍ରାବାଦ୍ରୁ ଉଦ୍ଧାର।
1 min read
ନୂଆଦିଲ୍ଲୀ: ରବିବାର ଦିନ ବେଙ୍ଗାଲୁରୁରୁ ନିଖୋଜ ହୋଇଯାଇଥିବା ଜଣେ ୧୨ ବର୍ଷର ବାଳକ ଆଜି ସକାଳେ ହାଇଦ୍ରାବାଦର ଏକ ମେଟ୍ରୋ ଷ୍ଟେସନରେ (ବେଙ୍ଗାଲୁରୁ ନିଖୋଜ ବାଳକ) ମିଳିଥିଲା। ସୋସିଆଲ ମିଡିଆରେ ଆବେଦନ କରାଯିବା ପରେ ତାଙ୍କୁ ଖୋଜାଖୋଜି କରାଯାଇଥିଲା। ବେଙ୍ଗାଲୁରୁରୁ ନିଖୋଜ ଥିବା ବାଳକଟି ପ୍ରାୟ ୫୭୦ କିଲୋମିଟର ଦୂରରେ ଥିବା ହାଇଦ୍ରାବାଦରୁ ମିଳିଥିଲା। ନିଖୋଜ ବାଳକଟିର ନାମ ପାରୀନବ, ସେ ଡିନ୍ସ ଏକାଡେମୀର ୬ମ ଶ୍ରେଣୀ ଛାତ୍ର ଭାବରେ ପଢୁଥିଲେ। ଗତ କିଛି ଦିନ ଧରି ପାରୀନବଙ୍କୁ ଟ୍ରାକ କରିବାକୁ ପୋଲିସ ଚେଷ୍ଟା କରିଥିଲା, କିନ୍ତୁ ସେ ପୋଲିସଠାରୁ ଖସିଯିବାରେ ସଫଳ ହୋଇଥିଲେ।
ଯେତେବେଳେ ପୋଲିସ ହାଇଦ୍ରାବାଦ ମେଟ୍ରୋ ଷ୍ଟେସନରେ ପହଞ୍ଚିଲେ ସେତେବେଳେ ପରୀନବ ସେଠାରୁ ପଳାଏ ସାରିଥିଲା।ପାରୀନବ ସକାଳ ପ୍ରାୟ ୧୧ଟା ବେଳେ ୱାଇଟଫିଲ୍ଡରେ ଏକ କୋଚିଂ ସେଣ୍ଟରରୁ ବାହାରିବାର ଦେଖିବାକୁ ମିଳିଥିଲା। ଆଉ ଖରାବେଳେ ପ୍ରାୟ ୩ଟା ବେଳକୁ ୟେମଲୁର ନିକଟରେ ଥିବା ଏକ ପେଟ୍ରୋଲ ପମ୍ପରେ ଦେଖା ଯାଇଥିଲା। ଶେଷ ଥର ପାଇଁ ପରୀନବକୁ ସନ୍ଧ୍ୟା ସମୟରେ ବେଙ୍ଗାଲୁରୁର ମାଜିଷ୍ଟେଟ ବସ୍ ଟର୍ମିନାସରୁ ବସରୁ ବାହାରିଥିବାର ଦେଖିବାକୁ ମିଳିଥିଲା ଯାହା ସହରକୁ କର୍ଣ୍ଣାଟକ ଆଉ ତା ବାହାର ସହରକୁ ସଂଯୋଗ କରୁଛି।
ଯେତେବେଳେ ସେ ଘରେ ପହଞ୍ଚିନଥିଲା , ସେତେବେଳେ ତାଙ୍କ ବାପା ମା ବହୁତ ଚିନ୍ତିତ ହେଲେ। ପୁଅକୁ ଖୋଜିବା ପାଇଁ ସେ ସୋସିଆଲ ମିଡିଆର ସାହାଯ୍ୟ ନେଇଥିଲେ। ସେ ଏକ ସିସିଟିଭି ଫୁଟେଜ ସାହାଯ୍ୟରୁ ଜାଣିବାକୁ ପାଇଥିଲେ, ଯେଉଁଥିରେ ତାଙ୍କ ପୁଅ ରାସ୍ତାରେ ଯାଉଥିବା ଦେଖିବାକୁ ମିଳିଥିଲା। ପୁଅର ମା ସୋସିଆଲ ମିଡିଆରେ ଏକ ଭିଡିଓ ପୋଷ୍ଟ କରି ପୁଅକୁ ଘରକୁ ଫେରିବା ପାଇଁ ନିବେଦନ କରିଥିଲେ। ସୋସିଆଲ ମିଡିଆରେ ଆବେଦନ କରିବାକୁ ବାପା ମାଙ୍କ ଉଦ୍ୟମ ଫଳ ଦେଇଥିଲା।
ସୋସିଆଲ ମିଡିଆରେ ବାଳକର ଫଟୋ ଦ୍ରୁତ ଗତିରେ ପ୍ରସାରିତ ହୋଇଥିଲା, ଏହା ପରେ ହାଇଦ୍ରାବାଦରେ ପହଞ୍ଚିଥିବା ବେଙ୍ଗାଲୁରୁର ଜଣେ ବ୍ୟକ୍ତି ମେଟ୍ରୋରେ ବାଳକକୁ ଚିହ୍ନିଥିଲେ। ବୁଧବାର ହାଇଦ୍ରାବାଦର ନାମ୍ପାଲି ମେଟ୍ରୋ ଷ୍ଟେସନରେ ତାଙ୍କୁ ଦେଖିବା ପରେ ବାଳକକୁ ପଚରାଉଚରା ବେଳେ ନିଜର ପରିଚୟ ପ୍ରକାଶ କରିଥିଲା। ବାଳକଟି ନିଜେ ମେଟ୍ରୋ ଷ୍ଟେସନରେ ଅଟକି ଯାଇଥିଲା ଏବଂ ତୁରନ୍ତ ତାଙ୍କ ବାପା ମାଙ୍କୁ ସୂଚନା ଦିଆଯାଇଥିଲା। ସେ ପୁଅକୁ ଫେରାଇ ନେବାକୁ ହାଇଦ୍ରାବାଦ ଯାଇଥିଲେ।
ପରୀନବଙ୍କ ବାପା ସୁକେଶ ବୃତ୍ତି ଅନୁଯାୟୀ ଜଣେ ଇଞ୍ଜିନିୟର। ସେ କହିଛନ୍ତି ଯେ ତାଙ୍କ ପୁଅ ହାଇଦ୍ରାବାଦରେ କିପରି ପହଞ୍ଚିଛନ୍ତି ସେ ଜାଣି ନାହାଁନ୍ତି। ଏହା ସହିତ ସେ ସେହି ସମସ୍ତ ଅଜ୍ଞାତ ଲୋକଙ୍କୁ ମଧ୍ୟ ଧନ୍ୟବାଦ ଜଣାଇଲେ, ଯେଉଁମାନେ ତାଙ୍କ ପୁଅ ଖୋଜିବାରେ ସାହାଯ୍ୟ କରିଥିଲେ। ବାପା କହିଛନ୍ତି ଯେ ଯଦି ତାଙ୍କ ପୁଅର ଫଟୋ ସବୁଆଡେ ବିସ୍ତାର ହୋଇନଥାନ୍ତା, ତେବେ ସାହାଯ୍ୟକାରୀ ତାଙ୍କୁ ଅଟକାଇ ପଚରାଉଚରା କରିବାକୁ ଚିନ୍ତା କରିନଥାନ୍ତେ।
