ଶୁବମାନ୍ ଗିଲ୍ଙ୍କ ବ୍ୟାଟରେ ଲାଗିଛି ଗ୍ରହଣ , ମାତ୍ର ୫୦ ରନ୍ କରିବା ହୋଇପଡ଼ିଲାଣି କଷ୍ଟ …
1 min read
ଶୁବମାନ୍ ଗିଲ୍ଙ୍କ ବ୍ୟାଟରେ ଲାଗିଛି ଗ୍ରହଣ । ବାରମ୍ବାର କ୍ରୀଡା ପ୍ରେମୀଙ୍କୁ ନିରାଶ କରୁଛନ୍ତି ଗିଲ୍ । ଯେଉଁଥିପାଇଁ ଟିମ୍ ଇଣ୍ଡିଆର ବଢି ଯାଇଛି ଟେନସନ୍ । ଭାରତ ଏବଂ ଇଂଲଣ୍ଡ ମଧ୍ୟରେ ଟେଷ୍ଟ ସିରିଜ୍ । ହାଇଦ୍ରାବାଦର ରାଜୀବଗାନ୍ଧୀ ଇଣ୍ଟରନ୍ୟାସନାଲ ଷ୍ଟାଡିୟମରେ ଚାଲିଛି ପ୍ରଥମ ଟେଷ୍ଟ । ବିରାଟଙ୍କ ଅନୁପସ୍ଥିତିରେ ଷ୍ଟାର କ୍ରିକେଟର ଶୁବମାନ୍ ଗିଲ୍ଙ୍କଠାରୁ ଜବରଦସ୍ତ ପ୍ରଦର୍ଶନ ଆଶା କରିଥିଲା ଭାରତୀୟ ଦଳ । ହେଲେ ସମସ୍ତଙ୍କ ଆଶାକୁ ଧୁଳିସାତ୍ କରିଦେଇଛନ୍ତି ଗିଲ୍ ।
ମାତ୍ର ୨୩ ରନ୍ କରି ଆଉଟ୍ ହୋଇଯାଇଥିଲେ ଗିଲ୍ । ଲଗାତାର ଭାବେ ଏହି ଷ୍ଟାର କ୍ରିକେଟର ଆଉଟ୍ ଅଫ୍ ଫର୍ମରେ ରହିଛନ୍ତି । ବିଶ୍ୱକପ୍ ଫାଇନାଲ୍ ଠାରୁ ଆରମ୍ଭ କରି ଆଜି ପର୍ଯ୍ୟନ୍ତ ୫୦ ରନ୍ ମଧ୍ୟ କରିପାରିନାହାନ୍ତି ଗିଲ୍ । ଦକ୍ଷିଣ ଆଫ୍ରିକା ଗସ୍ତ ସମୟରେ ମଧ୍ୟ ସେପିରି ଆଖିଦୃଶିଆ ପ୍ରଦର୍ଶନ କରିପାରିନଥିଲେ ଗିଲ୍ । ଚାରଟି ଇନିଂସ୍ ରେ ମାତ୍ର ୪୭ ରନ୍ କରିବାରେ ସକ୍ଷମ ହୋଇଥିଲେ ଗିଲ୍ ।
ଶୁବମନ୍ ଗିଲ୍ଙ୍କ ଶେଷ ଶତକ ୯ ମାର୍ଚ୍ଚ ୨୦୨୩ ରେ ଅଷ୍ଟ୍ରେଲିଆ ବିପକ୍ଷରେ ଅହମ୍ମଦାବାଦ ରେ ହାସଲ କରିଥିଲେ । ଏହାପରେ ଗିଲ୍ ୧୩ , ୧୮ , ୬ , ୧୦ ,୨୯ , ୨ ,୨୬ , ୩୬ , ୧୦, ୨୩ , ରନ୍ ହିଁ କରିଛନ୍ତି । ଟେଷ୍ଟରେ ଗିଲ୍ଙ୍କ ପାଖାପାଖି ୩୦ ଆବରେଜ ରହିଛି । ବର୍ତ୍ତମାନ ପର୍ଯ୍ୟନ୍ତ ଗିଲ୍ ୨୧ଟି ଟେଷ୍ଟ ମ୍ୟାଚ ଖେଳିସାରିଛନ୍ତି । ଯେଉଁଥିରେ ୨ଟି ଶତକ ୪ଟି ଅର୍ଦ୍ଧଶତକ ହାସଲ କରି ମୋଟ ୧୦୬୩ ରନ୍ କରିପାରିଛନ୍ତି ।
