ରାଲିରେ ରହିଲେ ଚୁପ ପରେ କଲେ ଗୋଡ଼ାଇ ଗୋଡ଼ାଇ ଆକ୍ରମଣ…..
1 min read
ଜଗମରା ନୂଆ ରୋଡରେ ଗୋଡ଼ାଇ ଗୋଡ଼ାଇ ଆକ୍ରମଣ କରିଥିବା ଘଟଣାରେ ୪ ଜଣଙ୍କୁ ଗିରଫ କରିଥିଲା ଖଣ୍ଡଗିରି ପୋଲିସ । ଗତ ୩୦ତାରିଖ ରାତିରେ ଘଟିଥିଲା ଏହି ଘଟଣା ଏବଂ ରଣକ୍ଷେତ୍ର ପାଲଟିଯାଇଥିଲା ରାସ୍ତା । କିଛି କେହି ବୁଝିବା ପୂର୍ବରୁ ମାଡ଼ ହୋଇଥିଲା କାଚ ବୋତଲ ଓ କାଠ ବାଉଁଶ ରେ |ସୂଚନା ଅନୁଯାୟୀ ଘଟଣା ପଛରେ ଥିଲା କଂଗ୍ରେସ କର୍ମୀଙ୍କ ଭିତରେ କଥା କଟା କଟି ଏବଂ ପରେ ହୋଇଥିଲା ହାତାହାତି ।
ସୂଚନା ଅନୁଯାୟୀ ସୋମବାର ଦିନ କଂଗ୍ରେସର ଏକ ବିଶାଳ ରାଲି ହୋଇଥିଲା ।ସେହି ରାଲିରେ ଏହି ଅଭିଯୁକ୍ତ ମଧ୍ୟ ଉପସ୍ଥିତ ଥିଲେ | ସେଠାରେ କୌଣସି କଥାକୁ ନେଇ ଏହି ଦୁଇ ଗୋଷ୍ଠୀ ଭିତରେ ବଚସା ଆରମ୍ଭ ହୋଇଥିଲା । ସେଠାରେ ବରିଷ୍ଠ ବ୍ୟକ୍ତିଙ୍କ ହସ୍ତକ୍ଷେପ ଯୋଗୁଁ ସେଠାରେ କିଛି ଅପ୍ରିତିକିକର ଘଟଣା ସୃଷ୍ଟି ହୋଇନଥିଲା ।ହେଲେ ରାଲି ସରିବା ପରେ ଅମନ୍ ଚମ୍ପତି, ବବଲୁ ଓ ତାଙ୍କର କିଛି ସହଯୋଗୀ ଏବଂ ଅନ୍ୟ ଗୋଷ୍ଠୀର ସ୍ଵାଧୀନ ଲେଙ୍କା , ସହିଲ ତ୍ରିପାଠୀ ଆଉ ବିଶ୍ଵ ବିଜୟ ସିଂ ଙ୍କୁ ମାରିବା ପାଇଁ ଜଗମରା ଆସିଥିଲେ । କିନ୍ତୁ ଏହି ଖବରର ଭନକ ସ୍ଵାଧୀନ ଙ୍କୁ ଲାଗିଯାଇଥିଲା ଏବଂ ସେମାନେ ଆଗରୁ ପ୍ରସ୍ତୁତ ହୋଇଯାଇଥିଲେ । ସେ ଗୋଷ୍ଠୀ ଆସିବା ପୂର୍ବରୁ ହିଁ ରଖା ଯାଇଥିଲା କାଠ ବାଉଁଶ, କାଚ ବୋତଲ,ଓ ଅନ୍ୟାନ୍ୟ ମାରଣାସ୍ତ୍ର।ଆସିବା ପରେ ହୋଇଥିଲା ଘମାଘୋଟ ମାରପିଟ |
ଗୋଟିଏ ଦିନ ର ମାରାଥନ ତଦନ୍ତ ପରେ ୪ଜଣଙ୍କୁ ପୋଲିସ ଗିରଫ କରିଥିଲା ଏବଂ ଘଟଣାରେ ବ୍ୟବହୃତ ହୋଇଥିବା କାଚ ବୋତଲ କାଠ ବାଉଁଶ ଏବଂ ମାରଣାସ୍ତ୍ର ଆଦି ଯୋଗାଇଥିବା ଦୁଇ ସହଯୋଗୀ ଦୋକାନୀ ଦିଲ୍ଲୀପ ବିଶ୍ଵାଳ ,ସଞ୍ଜୟ ସେନାପତିଙ୍କୁ ଗିରଫ କରାଯାଇଥିଲା । ଆତଙ୍କ ଖେଲାଇଥିବ ଯୁବକଙ୍କ ଆଡ୍ଡାସ୍ଥଳୀକୁ ମଧ୍ୟ ପୋଲିସ ବୁଲ୍ଡୋଜର ଲଗାଇ ଭାଙ୍ଗି ଦେଇଥିଲା। କିନ୍ତୁ ଏବେ ଯାଇ ମୁଖ୍ୟ ଅଭିଯୁକ୍ତ ଫେରାର ଅଛି ।ପୋଲିସ ସେହି ଅଭିଯୁକ୍ତକୁ ଖୋଜିବାର ଚେଷ୍ଟା ଚଳାଇଛି |
