ଆମେରିକାରେ ଭୟଙ୍କର ବିମାନ ଦୁର୍ଘଟଣା , ପାଇଲଟଙ୍କ ସହିତ ଏକାଧିକ ଯାତ୍ରୀଙ୍କ ମୃତ୍ୟୁ …
1 min read
ସାମ୍ନାକୁ ଆସିଛି ଭୟଙ୍କର ବିମାନ ଦୁର୍ଘଟଣାର ଖବର । ଏହି ଦୁର୍ଘଟଣାରେ ପାଇଲଟଙ୍କ ସହିତ ଏକାଧିକ ଲୋକଙ୍କର ମୃତ୍ୟ ଘଟିଛି । ଆମେରିକାର ଫ୍ଲୋରିଡା ରାଜ୍ୟର କ୍ଲିଟର ୱାଟର ସହରରେ ଏହି ଦୁର୍ଘଟଣା ଘଟିଛି । ଦୁର୍ଘଟଣାର ଶିକାର ହୋଇଥିବା ବିମାନର ଆକାର ବଡ଼ ନଥିଲା । ଏହା ଗୋଟିକିଆ ଇଞ୍ଜିନ ବିଶିଷ୍ଟ ବିଚକ୍ରାଫ୍ଟ ବୋନାନଜା V35 ବିମାନ ଥିଲା । ଏହି ବିମାନର ଇଞ୍ଜିନ୍ ରେ ଯାନ୍ତ୍ରୀକ ତୃଟି ଦେଖଯାଇଥିଲା । ଏହି ତୃଟି ବିଷୟରେ ପାଇଲଟ ମଧ୍ୟ ସୂଚନା ଦେଇଥିଲେ । ହେଲେ ପାଇଲଟଙ୍କ ସୂଚନାର କିଛି ସମୟ ପରେ ବିମାନଟି ଦୁର୍ଘଟଣାଗ୍ରସ୍ତ ହୋଇଥିଲା ।
ବିମାନଟି ବାଇସାଇଡ୍ ୱାଟର ମୋବାଇଲ୍ ହୋମ୍ ପାର୍କର ଏକ ଟ୍ରେଲର ପାର୍କରେ ଖସିପଡିଥିଲା । ଏବଂ ବିମାନରେ ନିଆଁ ଲାଗିଯାଇଥିଲା । ଏହି ବିମାନରେ ନିଆଁର ପ୍ରଭାବ ଏତେ ଥିଲା ଯେ ପାଖରେ ଥିବା ଆଉ ଦୁଇଟି ପାର୍କରେ ମଧ୍ୟ ନିଆଁ ଲାଗିଯାଇଥିଲା । ଅଗ୍ନିଶମ ବିଭାଗ ଅଧିକାରୀ କହିଛନ୍ତି ଯେ ବିମାନରେ ନିଆଁ ଲାଗିବା ମାତ୍ର ସେମାନେ ସେଠାରେ ପହଞ୍ଚି ନିଆଁକୁ ଆୟତ୍ତ କରିଥିଲେ ।
ବର୍ତ୍ତମାନ ଏହି ବିମାନ ଦୁର୍ଘଟଣାର ଭିଡିଓ ସାମ୍ନାକୁ ଆସିଛି । ଯେଉଁ ଭିଡିଓରେ ଦୁର୍ଘଟଣା ପରେ ବିମାନଟି କିପରି ଜଲୁଛି ତାହା ଦେଖିବାକୁ ମିଳଛି । ହେଲେ ଏହି ଦୁର୍ଘଟଣାର କାରଣ ଏପର୍ଯ୍ୟନ୍ତ ଜଣାପଡିନାହିଁ । ବିମାନରେ କେତେ ଯାତ୍ରୀ ଥିଲେ ତାହା ନିଶ୍ଚିତ ହୋଇନାହିଁ । କିନ୍ତୁ ଏହି ଦୁର୍ଘଟଣା ଯୋଗୁଁ ବିମାନରେ ଉପସ୍ଥିତ ଥିବା ଯାତ୍ରୀ ଏବଂ ପ୍ରଥମ ଟ୍ରେଲର ପାର୍କରେ ଥିବା ଲୋକଙ୍କର ମୃତ୍ୟୁ ଘଟିଛି । ଏହି ଦୁର୍ଘଟଣାରେ ଅନ୍ୟ ଦୁଇ ପାର୍କରେ ଉପସ୍ଥିତ ଥିବା ଲୋକ ମଧ୍ୟ ଆହତ ହୋଇଛନ୍ତି । ଆହତମାନଙ୍କୁ ନିକଟସ୍ଥ ଡାକ୍ତରଖାନା ରେ ଭର୍ତ୍ତି କରାଯାଇଛି ।
