ଭୋଜି ଖାଇ ଫେରିବା ବେଳେ ଘଟିଲା ମର୍ମନ୍ତୁଦ ଦୁର୍ଘଟଣା , ଏକା ସାଙ୍ଗରେ ଆଖି ବୁଜିଲେ ୪ ଜଣ ..
1 min read
କେତେବେଳେ ଯେ ମୃତ୍ୟୁ ଆସିବ ତାହା କାହାକୁ ବା ଜଣା । ଯେଉଁ ଘର ହସ ଖୁସିରେ ଫାଟି ପଡୁଥିଲା। ସେହି ଘରେ ଖେଳିଗଲା ଦୁଃଖର କଳାବାଦଲ । ବଡ ଭାଇର ବାହଘରର ଖୁସି ବେସି ସମୟ ରହିଲାନି । ଭୋଜି ଖାଇ ହସଖୁସିରେ ଫେରୁଥିବା ବେଳେ ଚାଲିଗଲା ସାନ ଭାଇ ସହିତ ଆଉ ତିନିଜଣଙ୍କର ଜୀବନ । ବଡ ଭାଇର ବାହାଘର ସରିବା ପରେ ପରିବାର ଲୋକେ ବହୁତ ଖୁସିଥିଲେ । ହେଲେ ସେହି ଖୁସିରେ ଲାଗିଗଲା କାହାର କଳା ନଜର । ଆଉ ଚାଲିଗଲା ସାନ ପୁଅର ଜୀବନ । ବାହା ଘର ଭୋଜି ସରିବାପରେ ସମ୍ପର୍କୀୟ ଙ୍କୁ ଛାଡିବାକୁ ଗଲା ବେଳେ ବାଟରେ ଛକି ବସିଥିଲା ଯମ । ବାଛି ବାଛି ନେଇଗଲା ଜୀବନ ।
ସୂଚନା ଅନୁଯାୟୀ ଗତକାଲି ବିଳମ୍ବିତ ରାତିରେ ତିଗିରିଆ ଥାନା ଅନ୍ତର୍ଗତ ଗଦାଧରପୁରରୁ ସ୍ଥିତ ଖଜୁରୀପଦା ରୁ ବିବାହ ଭୋଜି ଖାଇ ବରର ସାନ ଭାଇ ତପନ ରାଉତ ଓ ତାଙ୍କ ସାଙ୍ଗ ଟିଲୁ ରାଉତ ସମ୍ପର୍କୀୟଙ୍କୁ ଛାଡ଼ିବାକୁ ବାହାରି ଥିଲେ । ହେଲେ କିଏ ଜାଣିଥିଲା ବାଟରେ କାଳ ସାଜି ବସିଥିଲା ନିଷ୍ଠୁରମୃତ୍ୟ । କାର ଟି ଭାରସାମ୍ୟ ହରାଇ ଏକ ଘର କୁ ଧକ୍କା ଦେଲାପରେ ଓଲଟି ପଡିଥିଲା । ଏହାପରେ ଘଟଣା ସ୍ଥଳରେ ଚାରି ଜଣଙ୍କର ପ୍ରାଣ ବାୟୁ ଉଡିଯାଇଥିଲା । ସକାଳୁ ସକାଳୁ ଏଭଳି ଦୁର୍ଘଟଣା ସ୍ଥାନୀୟ ଅଞ୍ଚଳରେ ଶୋକାକୁଳ ପରିବେଶ ସୃଷ୍ଟି କରିଛି । ଖବର ପାଇ ଘଟଣା ସ୍ଥଳରେ ତିଗିରିଆ ପୋଲିସ୍ ଓ ଆଠଗଡ଼ ଏସ୍ ଡିପିଓ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛନ୍ତି ।
