ବେଧଡକ ଚାଲିଛି ପଥର ଚୋରା ଚାଲାଣ, ପୋଲିସ୍କୁ ଚକମା ଦେଲେ ପଥର ମାଫିଆ
1 min read
ପୋଲିସ୍କୁ ଚକମା ଦେଲେ ପଥର ମାଫିଆ । ପୋଲିସ୍ ଟ୍ରାକ୍ଟର ଜବତ କରିବାକୁ ଯାଇଥିବା ବେଳେ ଗାଡିର ଚାଳକ ଟ୍ରାକ୍ଟରରୁ ପଥର ଢାଳି ଦେଇ ଖସାଇ ନେଲା ଟ୍ରାକ୍ଟର । ଏଭଳି ଘଟଣା ଘଟିଛି ଉଦଳା ଥାନା କୁଣ୍ଡାବାଇ ଫାଣ୍ଡି ଅଞ୍ଚଳରେ । କୁଣ୍ଡାବାଇ ଫାଣ୍ଡି ଠାରୁ ମାତ୍ର କେଇ ମିଟର ଦୂରରେ ଏକ ପଥର ବୋଝେଇ ଟ୍ରାକ୍ଟର ଯାଉଥିବା ସମୟରେ ରାସ୍ତା ପାଶ୍ୱର୍ରେ ଛିଡା ହୋଇଥିଲା । କୁଣ୍ଡାବାଇ ଫାଣ୍ଡିକୁ ଏହି ଖବର ମିଳିବା ପରେ ପୋଲିସ୍ କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ପଥର ବୋଝେଇ ଟ୍ରାକ୍ଟର ଜବତ କରିବା ପାଇଁ ଚେଷ୍ଟା କରିଥିଲେ। ହେଲେ ପୋଲିସ୍ କର୍ମଚାରୀ ଗାଡି ଅଟକାଇବାକୁ ଯିବା ଦେଖି ଗାଡିର ଡ୍ରାଇଭର ଟ୍ରାକ୍ଟର ଚଲାଇ ପଡିଆ ଭିତରେ ପୋଲିସ୍ କର୍ମଚାରୀଙ୍କୁ ଦୌଡାଇଥିବା ବେଳେ ଟ୍ରାକ୍ଟର ଅଟକାଇ ନ ଥିଲା ।ବରଂ ପୋଲିସ୍ ସମ୍ମୁଖରେ ଟ୍ରାକ୍ଟରରେ ଥିବା ପଥରକୁ ଢାଳି ଦେଇ ଟ୍ରାକ୍ଟର ନେଇ ଖସିଯାଇଥିଲା ଚାଳକ ଜଣକ । ଏପରିକି ପୋଲିସ୍ ଟ୍ରାକ୍ଟରକୁ ଅଟକାଇବା ପାଇଁ ଦୌଡିଥିଲେ ହେଲେ ଟ୍ରାକ୍ଟର ଚାଳକକୁ ଧରିବାରେ ପୋଲିସ୍ ବିଫଳ ହୋଇଥିଲା । ତେବେ ଟ୍ରାକ୍ଟର ଚାଳକ ଜଣକ ନିଶାସକ୍ତ ହୋଇଥିବାରୁ ସେ ଦୃତଗତିରେ ଗାଡି ଚଳାଉଥିବା ହେତୁ ଧରିବା ସମ୍ଭବ ହୋଇ ନ ଥିଲା ବୋଲି କହିଛନ୍ତି ପୋଲିସ୍ କର୍ମଚାରୀ ।
