ତାମିଲନାଡୁର ବାଣ କାରଖାନାରେ ବିସ୍ଫୋରଣ; ଚାଲିଗଲା ୮ ଜୀବନ, ୧୦ ଆହତ
1 min read
ଆଜି ବାଣ କାରଖାନାରେ ବିସ୍ଫୋରଣ |ଏପରି ଘଟଣା ଘଟିଛି ତାମିଲନାଡୁର ବିରୁଧୁନଗରରେ | ଖବର ଅନୁଯାୟୀ, ବିସ୍ଫୋରଣରେ ଅତିକମ୍ ରେ ୮ ଜଣଙ୍କର ମୃତ୍ୟୁ ହୋଇଛି | ପୋଲିସର ପ୍ରାରମ୍ଭିକ ଯାଞ୍ଚ ଅନୁଯାୟୀ, ମୃତକଙ୍କ ମଧ୍ୟରୁ ମହିଳା ମଧ୍ୟ ସାମିଲ ଥିଲେ | କିନ୍ତୁ ଏବେ ପର୍ଯ୍ୟନ୍ତ ବିସ୍ଫୋରଣର କାରଣ ସ୍ପଷ୍ଟ ହୋଇପାରିନାହିଁ | ଏହି ଦୁର୍ଘଟଣା ଭେମ୍ବକୋଟାଇ ପୋଲିସ ଷ୍ଟେସନ ଅଧୀନରେ ହୋଇଥିବା ସୂଚନା ମିଳିଛି |
ଅଗ୍ନିଶ୍ରମ ବିଭାଗର ଅଧିକାରୀଙ୍କ କହିବାନୁସାରେ, “ବିରୁଧୁନଗର ଜିଲ୍ଲାର ଏକ ବାଣ କାରଖାନାରେ ବିସ୍ଫୋରଣରେ ୮ ଜଣଙ୍କର ମୃତ୍ୟୁ ହୋଇଛି। ଏହି ଘଟଣାରେ ୧୦ ଜଣ ଆହତ ହୋଇଛନ୍ତି। ବିସ୍ଫୋରଣର କାରଣ ଏପର୍ଯ୍ୟନ୍ତ ଜଣା ପଡିନାହିଁ।”
ଘଟଣାର ଭିଡିଓରେ ଜଣାପଡୁଛି ଯେ ସେଠାରେ ଅନେକ କ୍ଷୟକ୍ଷତି ହୋଇଛି ଏବଂ ବିସ୍ଫୋରଣ କିପରି ସମଗ୍ର ବାଣ ଇଣ୍ଡଷ୍ଟ୍ରିଆଲ୍ ୟୁନିଟ୍କୁ ନଷ୍ଟ କରିଦେଇଛି | ଘଟଣାସ୍ଥଳରେ ଆମ୍ବୁଲାନ୍ସ ମଧ୍ୟ ଉପସ୍ଥିତ ଅଛନ୍ତି। ବର୍ତ୍ତମାନ ଘଟଣା ସ୍ଥଳରେ ଉଦ୍ଧାର କାର୍ଯ୍ୟ ଚାଲିଛି। ଏହି ବିଷୟରେ ଅଧିକ ସୂଚନାକୁ ଅପେକ୍ଷା କରାଯାଇଛି।
