‘ଟିମ୍ ଇଣ୍ଡିଆର ୩ ଉତ୍ତରାଧିକାରୀ ; ଜୈସୱାଲ-ଜୁରେଲ-ସରଫରାଜ୍ , ଜାଣନ୍ତୁ ଏହି ତିନି ଖେଳାଳିଙ୍କ ସଂଘର୍ଷର କାହାଣୀ ….
1 min read
ନୂଆଦିଲ୍ଲୀ ; ରାଜକୋଟରେ ରାଜ କଲେ ରୋହିତ ବାହିନୀ । ଟେଷ୍ଟ ଡେବ୍ୟୁରେ ୩ ଖେଳାଳୀ ଦେଖାଇଲେ ଜଲୱା
ଆଉ ପାଲଟିଗଲେ ଟିମ ଇଣ୍ଡିଆର ଆଗାମୀ ଭବିଷ୍ୟତ । ରାଜକୋଟ ଟେଷ୍ଟ ମ୍ୟାଚରେ ଇଂଲଣ୍ଡ ବିପକ୍ଷରେ ୪୩୪ ରନରେ ଭାରତୀୟ ଦଳ ଏକ ଅଦ୍ୱିତୀୟ ବିଜୟ ହାସଲ କରିଛି । ଟେଷ୍ଟ ଇତିହାସରେ ଟିମ୍ ଇଣ୍ଡିଆର ଏହା ସବୁଠାରୁ ବଡ ବିଜୟ ଥିଲା । ଏହି ବିଜୟ ସହିତ ଏହା ୫ ମ୍ୟାଚ୍ ଟେଷ୍ଟ ସିରିଜରେ ୨-୧ ଅଗ୍ରଣୀ ହାସଲ କରିଛି । ଦୁଇ ଦଳ ମଧ୍ୟରେ ସିରିଜର ଚତୁର୍ଥ ମ୍ୟାଚ୍ ୨୩ ଫେବୃଆରୀରୁ ରାଂଚିରେ ଖେଳାଯିବ । ରାଜକୋଟ ଟେଷ୍ଟରେ ଭାରତୀୟ ଦଳର ବିଜୟରେ ତିନି ଜଣ ନୂଆ ଖେଳାଳି ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ । ତେବେଏହି ତିନି ଖେଳାଳି ହେଉଛନ୍ତି ଯଶସ୍ୱି ଜୟସୱାଲ, ସରଫରାଜ ଖାନ ଏବଂ ୱିକେଟ୍ କିପର ଧ୍ରୁଭ ଜୁରେଲ । ୩ୟ ଟେଷ୍ଟରେ ଜଶସ୍ୱୀ ଦ୍ୱିଶତକ ହାସଲ କରି ଇଂଲଣ୍ଡଙ୍କୁ ସ୍ତବ୍ଧ କରିଦେଇଥିବା ବେଳେ ସରଫାରାଜ ଡେବ୍ୟୁ ଟେଷ୍ଟ ମ୍ୟାଚର ଉଭୟ ଇନିଂସରେ ଶକ୍ତିଶାଳୀ ଅର୍ଦ୍ଧଶତକ ହାସଲ କରିଥିଲେ । ଜୁରେଲ ୪୬ ରନର ଏକ ଉପଯୋଗୀ ଇନିଂସ ଖେଳି ନିଜର ଡେବ୍ୟୁରେ ଦର୍ଶକଙ୍କୁ ପ୍ରଭାବିତ କରିଥିଲେ । ଯଦି ଦେଖାଯାଏ, ଟିମ୍ ଇଣ୍ଡିଆରେ ସାମିଲ ହେବା ପାଇଁ ଯଶସ୍ୱୀ ଜସୱାଲ, ସରଫରାଜ ଖାନ ଏବଂ ଧ୍ରୁବ ଜୁରେଲଙ୍କ ଯାତ୍ରା ସହଜ ନଥିଲା । କାହା ପାଖରେ ଅର୍ଥ ନଥଲା ତ କାହାକୁ ଘରର ଦାୟିତ୍ୱ ସମ୍ଭାଳିବାକୁ ପଡିଥିଲା । ତେବେ ତା ଭିତରେ ବି ଏହି ୩ ଖେଳାଳି ନିଜ ସ୍ୱପ୍ନକୁ ଭୁଲି ନଥିଲେ ।ଆସନ୍ତୁ ଜାଣିବା ସେହି ୩ଖେଳାଳିଙ୍କ ସଂଘର୍ଷମୟ କାହାଣୀ ।
ଯଶସ୍ୱୀ ଜସୱାଲ-ଭଦୋହିରୁ ମୁମ୍ବାଇରେ ପହଞ୍ଚିଥିବା ଯଶସ୍ୱୀ ଜସୱାଲଙ୍କ କାହାଣୀ ଅତ୍ୟନ୍ତ ଆକର୍ଷଣୀୟ । ସେ ଏକ କ୍ଷୀର ଫ୍ୟକ୍ଟ୍ରି ରେ କାମ କରୁଥିଲେ ଏବଂ ଗୁପଚୁପ ମଧ୍ୟ ବିକ୍ରି କରୁଥିଲେ । ୨୮ ଡିସେମ୍ବର ୨୦୦୧ ରେ ଭଦୋହି, ୟୁପିରେ ଜନ୍ମ ହୋଇଥିବା ଯଶସ୍ୱୀ ୧୨ ବର୍ଷ ବୟସରେ ମୁମ୍ବାଇରେ ପହଞ୍ଚି ଆଜାଦ ମଇଦାନରେ କ୍ରିକେଟ ଶିକ୍ଷା କରିଥିଲେ । ଏଠାରେ ସେ ମୁସଲିମ ୟୁନାଇଟେଡ୍ କ୍ଲବର କୋଚ୍ ଇମ୍ରାନ ସିଂଙ୍କ ସହ ଯୋଗାଯୋଗ କରିଥିଲେ । ଯଶସ୍ୱୀଙ୍କ ଜୀବନରେ ବଡ ୟୁ-ଟର୍ଣ୍ଣ ଅକ୍ଟୋବର ୨୦୧୯ ରେ ଆସିଥିଲା । ଯଶସ୍ୱୀ ଏପର୍ଯ୍ୟନ୍ତ ଭାରତ ପାଇଁ ୭ ଟି ଟେଷ୍ଟ ଏବଂ ୧୭ ଟି -୨୦ ଆନ୍ତର୍ଜାତୀୟ ମ୍ୟାଚ ଖେଳିଛନ୍ତି ।
ଧ୍ରୁବ ଜୁରେଲ-ସେହିପରି ୨୦୦୧ ମସିହା ଜାନୁଆରୀ ୨୧ରେ ଆଗରେ ଜନ୍ମ ହୋଇଥିଲେ ଧ୍ରୁବ ଜୁରେଲ । ୨୦୨୦ରେ ଅଣ୍ଡର ୧୯ ୱାର୍ଲକପ ଖେଳିଥିବା ଭାରତର ଉପଅଧିନାୟକ ଥିଲେ ଧ୍ରୁବ । ତାଙ୍କ ବାପା କାରଗିର ଯୁଦ୍ଧ ଲଢିଛନ୍ତି । ବାପାଙ୍କ ପରି ଧ୍ରୁବ ବି ସେନାରେ ଯିବାକୁ ଚାହୁୂଁଥିଲେ କିନ୍ତୁ କ୍ରିକେଟ ପ୍ରତି ଥିବା ଭଲ ପାଇବା ତାଙ୍କୁ ଖେଳିବାକୁ ସାହାସ ଦେଇଥିଲା । ଆଉ ମାର ସୁନା ଚେନ ବିକି ସେ କ୍ରିକେଟର କିଟ କିଣି ଖେଳିବା ଆରମ୍ଭ କରିଥିଲେ । ବର୍ତ୍ତମାନ ଜୁରେଲ ଅନୁଭବ କରିଛନ୍ତି ଯେ ତାଙ୍କ ଭବିଷ୍ୟତ କେବଳ କ୍ରିକେଟରେ ଅଛି। ସେ ୧୪ ବର୍ଷ ବୟସରେ ଏକ କିଟ୍ ଚାହୁଁଥିଲେ ଜ୍ଝ କିନ୍ତୁ ତା’ପରେ ତାଙ୍କ ବାପା ତାଙ୍କୁ ଅଧ୍ୟୟନ ଉପରେ ଧ୍ୟାନ ଦେବାକୁ କହିଥିଲେ। ତା’ପରେ ପୁଅର ଇଚ୍ଛା ପୂରଣ କରିବା ପାଇଁ ତାଙ୍କ ମା ସୁନା ଚେନ୍ ବିକ୍ରି କରି ତାଙ୍କ ସ୍ୱପ୍ନ ପୂରଣରେ ସାହାର୍ଯ୍ୟ କରିଥିଲେ ।
ସରଫରାଜ ଖାନ –୩ୟ ଖେଳାଳି ହେଲେ ସରଫରାଜ ଖାନ । ତାଙ୍କ କାହାଣୀ ମଧ୍ୟ ବହୁତ ପ୍ରେରଣାଦାୟକ । କ୍ୱଚିତ୍ ଦେଖାଯାଏ ଯେ ହାରାହାରି ୭୦ ସହିତ ଜଣେ ବ୍ୟାଟ୍ସମ୍ୟାନ୍ଙ୍କୁ ତାଙ୍କର ପ୍ରଥମ ଟେଷ୍ଟ ମ୍ୟାଚ୍ ଖେଳିବା ପୂର୍ବରୁ ୪୫ ଟି ପ୍ରଥମ ଶ୍ରେଣୀ ମ୍ୟାଚ୍ ଖେଳିବାକୁ ପଡିବ । ଏହାର ଅର୍ଥ ସରଫରାଜଙ୍କ କ୍ୟାରିୟରରେ ଜିନିଷଗୁଡିକ ସୁରୁଖୁରୁରେ ଚାଲିନାହିଁ ଏବଂ ତାଙ୍କୁ ଜାତୀୟ କଲ୍ ଅପ୍ ପାଇଁ ବହୁତ ସମୟ ଅପେକ୍ଷା କରିବାକୁ ପଡିବ । ଏପରିକି କୁହାଯାଇଥିଲା ଯେ ସରଫରାଜଙ୍କର ଓଜନ ଅଧିକ ଥିଲା … ସେଥିପାଇଁ ତାଙ୍କୁ ମନୋନୀତ କରାଯାଇ ନାହିଁ । ଘରୋଇ କ୍ରିକେଟ୍ ଠାରୁ ଆରମ୍ଭ କରି ଆଇପିଏଲ୍ ପର୍ଯ୍ୟନ୍ତ ତାଙ୍କ ଶରୀର ବିଷୟରେ ଅନେକ ଥଟ୍ଟା କରାଯାଇଥିଲା । କିନ୍ତୁ ସରଫରାଜ ନିଜ ଉପରେ କାମ କରି ଚାଲିଥିଲେ ଏବଂ ଶେଷରେ ପ୍ରମାଣ କରିବାରେ ସଫଳ ହୋଇଥିଲେ ଯେ ପତଳା ଏବଂ ଟ୍ରିମ୍ ଦେଖାଯିବା ଫିଟନେସ୍ ନୁହେଁ । ତେବେ ଏହି ୩ ଖେଳାଳିଙ୍କ ପ୍ରଦର୍ଶନରେ ବେଶ ଖୁସି ଅଛନ୍ତି ଅଧିନାୟକ ରୋହିତ ଶର୍ମା । ଆଉ ସେ କହିଥିଲେ ଯେ ଏମାନେ ଆଗାମୀ ଭାରତୀୟ ଦଳର ଭବିଷ୍ୟତ ଅଟନ୍ତି ।
