WhatsApp ଆଣିଲା ବଡ ପରିବର୍ତ୍ତନ; ନେଇପାରିବନି ଆଉ screenshot
1 min read
WhatsApp କମ୍ପାନୀ ସଦାବେଳେ ନୂଆ ନୂଆ ଫିଚର ଆଣି ବ୍ୟବହାରକାରୀଙ୍କୁ ଚକିତ କକରିଥାଏ | ଏବେ ଏପରି ଏକ ଫିଚର ନେଇ WhatsApp ଆସିଛି ଯାହା ବ୍ୟବହାରକାରୀଙ୍କୁ ଖୁସି କରିଦେବ | ଫେସବୁକ ପ୍ରୋଫାଇଲ ପରି ଏବେ WhatsAppରେ ଦେଇହେବ ନିଜର ପ୍ରୋଫାଇଲ୍ ଫଟୋକୁ ଅଧିକ ସୁରକ୍ଷା | ଏହି ଫିଚର ବର୍ତ୍ତମାନ ବିଟା ସଂସ୍କରଣରେ ଉପଲବ୍ଧ। ଏହାକୁ ବ୍ୟବହାର କରି ପ୍ରୋଫାଇଲ୍ ଫଟୋକୁ ବର୍ତ୍ତମାନ ଅଧିକ ସୁରକ୍ଷିତ କରାଯାଇ ପାରିବ।
ପୂର୍ବରୁ ୟୁଜର୍ ପ୍ରୋଫାଇଲ୍ ଫଟୋକୁ ସେବ୍ କରିବା କିମ୍ବା ଡାଉନଲୋଡ୍ କରିବା ବିକଳ୍ପକୁ WhatsApp ବନ୍ଦ କରିଦେଇଥିଲା। ବର୍ତ୍ତମାନ ଫାଇଲ୍ ଫଟୋର ସ୍କ୍ରିନସଟ୍ ନେଇହେବନାହିଁ | ବେଳେବେଳେ କ’ଣ ହୁଏନା କାହିଁକି ଲୋକେ ଅନେକଙ୍କ ପ୍ରୋଫାଇଲ୍ ଫଟୋକୁ ଚୋରି କରିବାକୁ ଚେଷ୍ଟା କରନ୍ତି। ଏହାକି ଲକ୍ କଲେ ମଧ୍ୟ ସେମାନେ ପ୍ରୋଫାଇଲ୍ ଫଟୋର ସ୍କ୍ରିନସଟ୍ ନେଇଯାଆନ୍ତି। କିନ୍ତୁ ତାହା ଏବେ ହେବା ଅସମ୍ଭବ | WABetaInfo ର ରିପୋର୍ଟ ଅନୁଯାୟୀ, WhatsApp ବିଟା ସଂସ୍କରଣରେ ପ୍ରୋଫାଇଲ୍ ଫଟୋର ସ୍କ୍ରିନ୍ସଟ୍ ବନ୍ଦ କରିବାର ଫିଚର ସାମିଲ କରିଛି।
ଏହି ଫିଚର୍ ବର୍ତ୍ତମାନ ଆଣ୍ଡ୍ରଏଡ୍ ବ୍ୟବହାରକାରୀଙ୍କ ପାଇଁ ଉପଲବ୍ଧ ହେବ। ଏହି ନୂଆ ଫିଚର ଯୋଡିହେବା ପରେ, ଯେତେବେଳେ ଆପଣ କାହାର ପ୍ରୋଫାଇଲ୍ ଫଟୋର ସ୍କ୍ରିନସଟ୍ ନେବାକୁ ଚେଷ୍ଟା କରିବେ ସେତେବେଳେ ସ୍କ୍ରିନ୍ କଳା ହୋଇଯିବ ଏବଂ ଏକ ମେସେଜ୍ ମଧ୍ୟ ଦେଖାଯିବ ଯେ ଆପ୍ ରେଷ୍ଟ୍ରିକ୍ସନ କାରଣରୁ ସ୍କ୍ରିନ୍ସଟ୍ ନିଆଯାଇପାରିବ ନାହିଁ। ଯେଉଁମାନେ ଆପଣଙ୍କର ଅନୁମତି ନେଇ ନାହାଁନ୍ତି କିମ୍ବା ଅନୌପଚାରିକ ଭାବରେ ଏକ ଉପଭୋକ୍ତାଙ୍କର ପ୍ରୋଫାଇଲ୍ ଫଟୋର ସ୍କ୍ରିନ୍ସଟ୍ ନେବାକୁ ଏବଂ ଏହାକୁ ଶେୟାର୍ କରିବାକୁ ଚାହୁଁଛନ୍ତିତାହାଙ୍କୁ ଏହା ବାରଣ କରିଛି | ଏହି ଫିଚର୍ର୍ ଆକ୍ସେସ ବର୍ତ୍ତମାନ ବିଟା ଟେଷ୍ଟର୍ସର ଏକ ଚୟନ ଗୋଷ୍ଠୀକୁ ଦିଆଯାଇଛି। ଖୁବ ଶୀଘ୍ର ଏହା ସମସ୍ତ ବ୍ୟବହାରକାରୀଙ୍କ ପାଇଁ ଉପଲବ୍ଧ ହେବ।
