ଘାଟିରୁ ଖସିଲା ବସ୍ : ଘଟଣା ସ୍ଥଳରେ ଚାଲିଗଲା ୬ITBP ଯବାନଙ୍କ ଜୀବନ
1 min read
ନୂଆଦିଲ୍ଲୀ : ଆଜି ଜାମମୁକାଶ୍ମୀରରେ ଘଟିଯାଇଛି ଏକ ହୃଦୟ ବିଦାରକ ଦୁର୍ଘଟଣା । ସୁରକ୍ଷାକର୍ମୀ ମାନଙ୍କୁ ନେଇ ଯାଉଥିବା ବସ୍ଟି ଘାଟିରୁ ଖସି ଚାଲିଯାଇଛି ୬ ଜଣ ଇଣ୍ଡୋ ତିବ୍ଦତୀୟ ସୀମା ସୁରକ୍ଷାକର୍ମୀଙ୍କ ଜୀବନ ।
ନିକଟରେ ଅମରନାଥ ଯାତ୍ରାର ସମାପ୍ତି ପରେ । ଅମରନାଥ ଯାତ୍ରା ଡ୍ୟୁଟିରେ ନିୟୋଜିତ କରାଯାଇଥିବା ସୁରକ୍ଷାକର୍ମୀ ମାନେ ନିଜ ନିଜ ୟୁନିଟ୍କୁ ଫେରୁଥିଲେ ।ତେବେ ୨ଟି ବସ୍ ଯୋଗେ ଆଗ ପଛ ହୋଇ ଫେରୁଥିଲେ ଯବାନ। ବସଟି ଚନ୍ଦନୱାଡିରୁ ପାହଲଗ୍ରାମ ନିମନ୍ତେ ବାହାରିଥିଲା । ଦୁଃଭାଗ୍ୟ ବସତଃ ପ୍ରଥମେ ଆସୁଥିବା ବସ୍ର ବ୍ରେକ୍ ଫେଲ୍ ହୋଇ ବସ୍ଟି ଘାଟିରୁ ନଦୀକୁ ଖସିପଡିଥିଲା । ଏହାପରେ ପଛରେ ଆସୁଥିବା ଆଇଟିବିପିର ଆଉ ଏକ ବସ୍ର ଯବାନ ମାନେ ସେଠାରେ ଅଟକି ସଙ୍ଗେ ସଙ୍ଗେ ଉର୍ଦ୍ଧାର କାର୍ଯ୍ୟରେ ଲାଗିପଡିଥିଲେ । ସୂଚନା ଅନୁଯାୟୀ ନଦୀକୁ ଖସିପଡିଥିବା ବସରେ ପ୍ରାୟ ୩୭ ଜଣ ଆଇଟିବିପି ଯବାନ ଓ ୨ ଜଣ କଶ୍ମୀର ପୋଲିସ ଥିଲେ ।
ଏହା ପରେ ରେସ୍କ୍ୟୁ ଅପରେସନ୍ ଆରମ୍ଭ କରି ଆହତମାନଙ୍କୁ ଏୟାରଲୁଫ୍ଟ କରାଯାଇ ଶ୍ରୀନଗର ଆର୍ମି ହସ୍ପିଟାଲରେ ଭର୍ତ୍ତି କରାଯାଇଥିଲା । ତେବେ ସେମାନଙ୍କୁ ମଧ୍ୟରୁ ଘଟଣା ସ୍ଥଳରେ ୪ ଜଣ ଯବାନ ସହିଦ ହୋଇଯାଇଥିବା ବେଳେ ୧୦ ଜଣଙ୍କ ଅବସ୍ଥା ଏଯାଏ ଗୁରୁତର ରହିଛି । ସେହିଭଳି ଆଉ ୨୫ ଜଣ ଯବାନଙ୍କ ସ୍ୱାସ୍ଥ ଅବସ୍ଥାରେ ଅଳ୍ପ ସୁଧାର ଆସିଛି ବୋଲି କହିଛନ୍ତି ଡାକ୍ତର ।
