ଗୋଟିଏ ଟ୍ରାକରେ ୨ ଟ୍ରେନ; ଦୁର୍ଘଟଣାରେ ଖସିପଡିଲା ୪ ବଗି
1 min read
ଗୋଟିଏ ଟ୍ରାକରେ ୨ ଟ୍ରେନ | ମୁହାଁମୁହିଁ ହେଲା ଧକ୍କା | ତେବେ ରାଜସ୍ଥାନର ଆଜମେରରେ ସୋମବାର ରାତିରେ ଘଟିଛି ଭୟାବହ ଦୁର୍ଘଟଣା | ସାବରମତୀ -ଆଗ୍ରା କ୍ୟାଣ୍ଟ ସୁପରଫାଷ୍ଟ ଏକ୍ସପ୍ରେସ ଏବଂ ଅଜମେରର ମଦର ରେଳ ଷ୍ଟେସନ ନିକଟରେ ଏକ ମାଲବାହି ଟ୍ରେନ ମଧ୍ୟରେ ହୋଇଥିଲା ଧକ୍କା । ଏହି ଦୁଘଟଣା ଏତେ ଭୟଙ୍କର ଥିଲା ଯେ ସାବରମତୀ -ଆଗ୍ରା କ୍ୟାଣ୍ଟ ସୁପରଫାଷ୍ଟ ଏକ୍ସପ୍ରେସ ସମେତ 4ଟି କୋଚ ଖସିପଡିଥିଲା | ଏହି ଦୁର୍ଘଟଣା ରାତି ପ୍ରାୟ ୧:୧0 ମିନିଟରେ ଘଟିଥିଲା |
ତେବେ ସୂଚନା ମୁତାବକ ମାଦାରା ଷ୍ଟେସନ ନିକଟରେ ସମାନ ଟ୍ରାକରେ ମାଲବାହି ଟ୍ରେନ ଏବଂ ଏକ୍ସପ୍ରେସ ଟ୍ରେନ ଆସିଥିଲେ | ମୁହାଁମୁହିଁ ଧକ୍କାରେ ହୋଇଥିଲା ଦୁର୍ଘଟଣା | ଏହାପରେ ଟ୍ରେନର ଲୋକା ପାଇଲଟ ଜରୁରୀକାଳୀନ ବ୍ରେକ ପ୍ରୟୋଗ କରିଥିଲା କିନ୍ତୁ ସବରାମତି ଏକ୍ସପ୍ରେସ ଟଁଟ୍ରେନ୍ରୁ ସହିତ ମୁହାଁମୁହିଁ ହୋଇଥିଲା | ଦୁର୍ଘଟଣା ସମୟରେ ଟ୍ରେନରେ ହଜାର ହଜାର ଯାତ୍ରୀ ଉପସ୍ଥିତ ଥିଲେ | ଟ୍ରାକରୁ ଖସିଯିବା ପରେ ଟ୍ରେନ୍ଟିର ବଗି ବହୁ ଦୁରକୁ ପଡିଥିଲା | ଏହି ଦୁର୍ଘଟଣାରେ ଇଲେକ୍ଟ୍ରିକ୍ ଲାଇନ ପୋଲ ସଂପୂର୍ଣ୍ଣ ନଷ୍ଟ କରିଦେଇଥିଲା | ଦୁର୍ଘଟଣାର ବହୁ ସମୟ ପରେ ରେଳ ଅଧିକାରୀମାନେ ଘଟଣାସ୍ଥଳରେ ପହଁଚି ରିଲିଫ କାର୍ଯ୍ୟ ଆରମ୍ଭ କରିଥିଲେ | ସୌଭାଗ୍ୟବଶତଃ ଏହି ଦୁର୍ଘଟଣାରେ କେହି ଯାତ୍ରୀ ଆହତ ହୋଇନାହାନ୍ତି |
ଏହି ଘଟଣା ପରେ ଯାତ୍ରୀମାନଙ୍କୁ କହିବାନୁଯାୟୀ, ସେମାନେ କହିଥିଲେ ଯେ ରାତି ପ୍ରାୟ ୧୨:୫୫ ସମୟରେ ଟ୍ରେନଟି ଆଜମେରବ ରେଳ ଷ୍ଟେସନ ଛାଡିଥିଲା | ଏବଂ କିଛି କିଲୋମିଟର ଯାତ୍ରା କରିବା ଆରେ ଏହି ଦୁର୍ଘଟଣା ଘଟିଥିଲା | ଦୁର୍ଘଟଣା ସମୟରେ ଟ୍ରେନରେ ଯାତ୍ରା କରୁଥିବା ଯାତ୍ରୀଙ୍କୁ ଭୟଙ୍କର ଝଟକା ଲାଗିଥିଲା | ଏବଂ ଶୋଇଥିବା ଯାତ୍ରୀମାନେ ତଳେ ପଡିଯାଇଥିଲେ | ଦୁର୍ଘଟଣା ପରେ ରେଳ ଅଧିକାରୀମାନେ ଘଟଣାସ୍ଥଳରେ ବିଳମ୍ବ ରାତିରେ ପହଞ୍ଚିଥିଲେ ଏବଂ ଯାତ୍ରୀମାନେ ତାଙ୍କ ଅଭିଯୋଗ ଜଣାଇଥିଲେ |
