ଆଖି ପିଛୁଳାକେ ହାଇୱା ସହ ଜୀବନ୍ତ ଜଳିଗଲା ଡ୍ରାଇଭର
1 min read
ସୁନ୍ଦରଗଡ : ଆଜି ଏକ ହୃଦୟବିଦାରକ ଘଟଣା ଦେଖିବାକୁ ମିଳିଛି ସୁନ୍ଦରଗଡ ଜିଲ୍ଲା ଟେନିସ ଫାଣ୍ଡି ନିକଟରେ । ଚାହୁଁ ଚାହୁଁ ଆଖି ପିଛୁଳାକେ ଗାଡି ସହ ଜଳିଯାଇଥିଲେ ଡ୍ରାଇଭର ।
ସୂଚନା ଅନୁ୍ଯାୟୀ ଆଜି ସକାଳ ସମୟରେ ହାଇୱା ଗାଡିଟି ଟେନସା ଫାଣ୍ଡି ଅଧୀନସ୍ଥ ଗୀତାରାଣୀ ମାଇନ୍ସକୁ ମାଲ୍ ଲୋଡ୍ କରିବାକୁ ଆସିଥିଲା । ଗାଡିଟିକୁ ରାସ୍ଥା ପାଶ୍ୱରେ ରଖି ଡ୍ରାଇଭର ଜଣଙ୍କ ଡାଲାଟିକୁ ଉପରକୁ ଉଠାଇଥିଲେ । ଏହି ସମୟରେ ଦୁଃଭାଗ୍ୟ ବସତ ଡାଲାଟି ୧୧ କେଭି ବିଦ୍ୟୁତ ତାର ସହ ସଂସ୍ପର୍ଶରେ ଆସି ଯାଇଥିଲା । ଯାହା ଫଳରେ ସମ୍ଫୂର୍ଣ୍ଣ ଗାଡିଟିରେ ବିଦ୍ୟୁତ ସଂଯୋଗ ହୋଇଯିବାରୁ ଗାଡିଟିରେ ନିଆଁ ଧରିନେଇଥିଲା । ଫଳରେ ଘଟଣା ସ୍ଥଳରେ ହିଁ ଡ୍ରାଇଭର ଜଣଙ୍କର ମୃତ୍ୟୁ ଘଟିଥିଲା ।
ଏହାପରେ ଟେନସା ଫାଣ୍ଡି ଅଧିକାରୀ ସେଠାରେ ପହଞ୍ଚି ପ୍ରଥମେ ବିଦ୍ୟୁତ୍ ସଂଯୋଗକୁ ଗାଡରୁ ଦୂର କରିଥିଲେ । ସ୍ଥାନୀୟ ଲୋକଙ୍କ ସହାୟତାରେ ନିୟାକୁ ମଧ୍ୟ ଆୟତ କରାଯାଇଥିଲା । ତେବେ ବିଦ୍ୟୁତ୍ ଓ ନିଆଁ ସଂଯୋଗରେ ଆଶି ଡ୍ରାଇଭର ଜଣଙ୍କ ଅର୍ଦ୍ଧ ଦଗ୍ଧ ହୋଇ ଯାଇଥିବାରୁ ଏଯାଏଁ ତାଙ୍କ ପତା ମିଳିପାରିନାହିଁ ।ଏନେଇ ପୋଲିସ ତଦନ୍ତ ଚାଲୁରଖିଛି ।
