ରାଜନୀତିରେ ପାଦ ଥାପିଲେ ଉର୍ବଶୀ ରାଉତେଲା, ଜାଣନ୍ତୁ କେଉଁଦଳରୁ ମିଳିଲା ଟିକେଟ୍ ?
1 min read
ପ୍ରସିଦ୍ଧ ସିନେମା ଅଭିନେତ୍ରୀ ଉର୍ବଶୀ ରାଉତେଲା ତାଙ୍କ ଆଗାମୀ ଚଳଚ୍ଚିତ୍ର ‘ଜାହାଙ୍ଗୀର ନ୍ୟାସନାଲ ୟୁନିଭରସିଟି’ ପାଇଁ ଚର୍ଚ୍ଚାରେ ଅଛନ୍ତି । ଫିଲ୍ମ ରିଲିଜ ହେବା ପୂର୍ବରୁ ଉର୍ବଶୀ ରାଉତେଲା ରାଜନୀତି ସହ ଜଡିତ ଏକ ବଡ ବିବୃତ୍ତି ଦେଇଛନ୍ତି। ଯ।ହାକୁ ନେଇ ଏବେ ରାଜନୀତି ମାହୋଲ ସରଗରମ ରହିଛି । ବଲିଉଡ ଅଭିନେତ୍ରୀ ଉର୍ବଶୀ ରାଉତେଲା ଖୁବ୍ ଶୀଘ୍ର ଜେଏନୟୁ ଚଳଚ୍ଚିତ୍ରରେ ନଜର ଆସିବେ। ଏପ୍ରିଲରେ ଫିଲ୍ମ ରିଲିଜ ହେବା ପୂର୍ବରୁ ଉର୍ବଶୀ ରାଉତେଲା ଏକ ବଡ଼ ଘୋଷଣା କରିଛନ୍ତି। ସେ ରାଜନୀତିରେ ଯୋଗ ଦେଉଛନ୍ତି ବୋଲି ଅଭିନେତ୍ରୀ ସୂଚିତ କରିଛନ୍ତି। କେବଳ ଏତିକି ନୁହେଁ ସେ ଟିକେଟ୍ ମଧ୍ୟ ପାଇଛନ୍ତି ବୋଲି କହିଛନ୍ତି।
ଉର୍ବଶୀ ରାଉତେଲା ଜଣେ ଜଣାଶୁଣା ମଡେଲ ଏବଂ ଅଭିନେତ୍ରୀ । ହେଟ୍ ଷ୍ଟୋରୀ ୪, ଗ୍ରେଟ୍ ଗ୍ରାଣ୍ଡ୍ ମସ୍ତି, ସନମ୍ ରେ ଏବଂ ଭର୍ଜିନ ଭାନୁପ୍ରିୟା ଭଳି ଚଳଚ୍ଚିତ୍ରରେ କାମ କରିଥିବା ଉର୍ବଶୀ ପ୍ରାୟ ୧୧ ବର୍ଷ ଧରି ଇଣ୍ଡଷ୍ଟ୍ରିରେ ଅଛନ୍ତି। ଅଭିନୟ ଏବଂ ସୌନ୍ଦର୍ଯ୍ୟର ଯାଦୁ ବିସ୍ତାର କରିବା ପରେ ଉର୍ବଶୀ ରାଜନୀତିରେ ପ୍ରବେଶ କରିବାକୁ ଯୋଜନା କରୁଛନ୍ତି।
ଉର୍ବଶୀ ରାଉତେଲା ରାଜନୀତିରେ ପ୍ରବେଶ କରିବେ କି ?
ଜେଏନୟୁ ଚଳଚ୍ଚିତ୍ର ରିଲିଜ୍ ହେବା ପୂର୍ବରୁ ଉର୍ବଶୀ ରାଉତେଲା ରାଜନୀତିରେ ଯୋଗଦେବାକୁ ସୂଚନା ଦେଇଛନ୍ତି । କେବଳ ଏତିକି ନୁହେଁ, ନିର୍ବାଚନ ଲଢିବା ପାଇଁ ତାଙ୍କୁ ଟିକେଟ୍ ମଧ୍ୟ ମିଳିଛି ବୋଲି ଅଭିନେତ୍ରୀ କହିଛନ୍ତି। ତେବେ ସେ ରାଜନୀତିରେ ପ୍ରବେଶ କରିବେ କି ନାହିଁ ତାହା ଏପର୍ଯ୍ୟନ୍ତ ସ୍ଥିର କରିନାହାଁନ୍ତି। ନିକଟରେ, ଯେତେବେଳେ ଉର୍ବଶୀଙ୍କୁ ଇନଷ୍ଟାଣ୍ଟ ବଲିଉଡ ସହ ବାର୍ତ୍ତାଳାପରେ ପଚରାଯାଇଥିଲା ଯେ ସେ ରାଜନୀତିରେ କେତେ ଆଗ୍ରହ ଦେଖାଉଛନ୍ତି, ସେତେବେଳେ ଅଭିନେତ୍ରୀ ଏହା ଉପରେ ଏକ ବଡ଼ ବିବୃତ୍ତି ଦେଇଛନ୍ତି। ଉର୍ବଶୀ ରାଉତେଲା କହିଛନ୍ତି, “ମୁଁ ଟିକେଟ୍ ପାଇସାରିଛି। ତେଣୁ ମୁଁ ରାଜନୀତିର ଏକ ଅଂଶ ହେବି କି ନାହିଁ ତାହା ସ୍ଥିର କରିବାକୁ ପଡିବ।” ଉର୍ବଶୀ ଏହା ମଧ୍ୟ କହିଛନ୍ତି ଯେ ସେ ଏପର୍ଯ୍ୟନ୍ତ ନିଷ୍ପତ୍ତି ନେଇ ନାହାଁନ୍ତି। ସେ ପ୍ରଶଂସକମାନଙ୍କୁ କହିଥିଲେ ଯେ ସେ ରାଜନୀତିରେ ଯୋଗଦେବେ କି ନାହିଁ। ତେବେ କେଉଁ ରାଜନୈତିକ ଦଳ ତାଙ୍କୁ ଟିକେଟ ଦେଇଛନ୍ତି ସେନେଇ ଅଭିନେତ୍ରୀ କିଛି କହି ନାହାଁନ୍ତି।
କେବେ ରିଲିଜ୍ ହେବ ଜେଏନୟୁ ?
ବିନୟ ଭର୍ମାଙ୍କ ନିର୍ଦ୍ଦେଶରେ ନିର୍ମିତ ଜେଏନୟୁ ବିଶ୍ୱବିଦ୍ୟାଳୟ ଭିତରେ ଜାତୀୟ ବିରୋଧୀ କାର୍ଯ୍ୟକଳାପ କିପରି ଘଟୁଛି ତାହା ଦର୍ଶାଇବ। ସିଦ୍ଧାର୍ଥ ବୋଡ୍କା, ଉର୍ବଶୀ ରାଉତେଲା, ପୀୟୁଷ ମିଶ୍ର, ବିଜୟ ରାଜ ଏବଂ ଅତୁଲ ପାଣ୍ଡେଙ୍କ ଭଳି ଅଭିନେତାମାନେ ଏହି ଚଳଚ୍ଚିତ୍ରରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଛନ୍ତି। ନିକଟରେ ଫିଲ୍ମର ଟିଜର ରିଲିଜ ହୋଇଥିଲା, ଯାହା ଅନେକ ଲୋକଙ୍କ ଦୃଷ୍ଟି ଆକର୍ଷଣ କରିଥିଲା । ଏହି ଚଳଚ୍ଚିତ୍ରଟି ୫ ଏପ୍ରିଲ ୨୦୨୪ ରେ ପ୍ରେକ୍ଷାଳୟରେ ମୁକ୍ତିଲାଭ କରୁଛି ।
