ମଞ୍ଚରେ ପାଦ ଛୁଇଁଲେ ସାଉଥ ସୁନ୍ଦରୀ ସାମନ୍ଥା ….ଜାଣନ୍ତି କି ଚମକି ପଡି କରନ କହିଲେ କ’ଣ ?
1 min read
ସାଉଥ ସୁନ୍ଦରୀ ସାମନ୍ଥା ଛୁଇଁଲେ ଫିଲ୍ମ ମେକର କରଣ ଜୋହରଙ୍କ ପାଦ । ଏହାକୁ କିନ୍ତୁ ସହଜେ ଗ୍ରହଣ କରି ପାରିଲେନି କରଣ।’Citadel: Honey Bunny’ ର ଶୁଭାରମ୍ଭ ନିମନ୍ତ୍ରଣର ଅନେକ ଫଟୋ ଏବଂ ଭିଡ଼ିଓ ବର୍ତ୍ତମାନ ସୋସିଆଲ ମିଦୀରେ ଭାଇରାଲ ହେବାରେ ଲାଗିଛି | ଏହି ଭିଡ଼ିଓଗୁଡିକ ମଧ୍ୟରୁ ଆସିଛି ଅତ୍ୟନ୍ତ ମଜାଳିଆ ଭିଡ଼ିଓ, ଯାହା ଲୋକଙ୍କ ଦୃଷ୍ଟି କରିଛି ଆକର୍ଷଣ |
ଏହି ଭାଇରାଲ ଭିଡ଼ିଓରେ ଦେଖିବାକୁ ମିଳିଥିଲା ଯେ, ଗତ ୧୯ ତାରିଖରେ ମୁମ୍ବାଇରେ ୱେବ ସିରିଜ ‘Citadel: Honey Bunny’ ର ଫାଷ୍ଟ ଲୁକ୍ ରିଲିଜ୍ କରିବା ନିମନ୍ତେ ଏହି କାର୍ଯ୍ୟକ୍ରମ ଆୟୋଜିତ ହୋଇଥିଲା। ଉକ୍ତ କାର୍ଯ୍ୟକ୍ରମରେ ବରୁଣ ଧୱନ, ସାମନ୍ଥା ପ୍ରଭୁ, କରଣ ଜୋହର ପ୍ରମୁଖ ଆଗ ଧାଡ଼ିର କଳାକାର ଯୋଗ ଦେଇଥିଲେ।
କରଣ ଜୋହର ସମସ୍ତ କାଷ୍ଟମାନଙ୍କୁ ମଞ୍ଚକୁ ଡାକୁଥିଲେ | ଏହି ସମୟରେ ସେ ସମସ୍ତ କାଷ୍ଟଙ୍କୁ ଆଲିଙ୍ଗନ କରିଥିଲେ | ଏହି ସମୟ ମଧ୍ୟରେ ବରୁଣ ହଠାତ୍ କରଣ ଜୋହରଙ୍କ ପାଦକୁ ଛୁଇଁଲେ, ତା’ପରେ କରଣ ହସି ତାଙ୍କୁ ଆଶୀର୍ବାଦ କରିଥିଲେ | ବରୁଣର ଏହି ସଂସ୍କୃତ ଅବତାର ଦେଖି ସାମନ୍ଥା ମଧ୍ୟ କରଣ ଜୋହରଙ୍କ ପାଦ ଛୁଇଁଥିଲେ | ଅଭିନେତ୍ରୀଙ୍କ ଏପରି ଅଙ୍ଗଭଙ୍ଗୀ ଦେଖି କରଣ ଜୋହର ଆଶ୍ଚର୍ଯ୍ୟ ହୋଇଯାଇଥିଲେ ଏବଂ ‘ନା ନା’ କହି ଗୋଡକୁ ପଛକୁ ଟାଣି ନେଇଥିଲେ। କରଣଙ୍କ ଏପରି ପ୍ରତିକ୍ରିୟା ଦେଖି ସେଠାରେ ଉପସ୍ଥିତ ସମସ୍ତେ ହସିବାକୁ ଲାଗିଲେ | ଏହାପରେ କରଣ କହିଥିଲେ, ମୁଁ ଏବେ ମଧ୍ୟ ବୟସ ଦେଇ ଗତି କରୁଛି। ଏତେ ଶୀଘ୍ର ବୟସ୍କଙ୍କ ପରି ଅନୁଭବ ହାସଲ କରିବାକୁ ଚାହୁଁନି। ଏହା ପରେ ବରୁଣ ପଛରୁ କୁହନ୍ତି – ସମସ୍ତେ କରଣଙ୍କ ପାଦ ଛୁଇଁବା ଉଚିତ୍।
ତେବେ ୱେବ ସିରିଜ ‘Citadel: Honey Bunny’ କହିବାକୁ ଗଲେ ଏହି ସିରିଜରେ ବରୁଣ ଓ ସାମନ୍ଥା ଲିଡ ରୋଲ୍ରେ ନଜର ଆସିବେ। ତେବେ ଏହାର ରିଲିଜ ଡେଟ ସାମ୍ଙ୍କୁ ଏପର୍ଯ୍ୟନ୍ତ ଆସିନାହିଁ ।
