କାନିରେ ପଥର ବନ୍ଧା ଅବସ୍ଥାରେ ଡ୍ୟାମରେ ଭାସୁଛି ମହିଳାଙ୍କ ମୃତଦେହ
1 min read
ହତ୍ୟା କରିଲେ, ଶାଢ଼ୀ କାନିରେ ପଥର ବାନ୍ଧି ଡ୍ୟାମରେ ଫୋପାଡ଼ିଦେଲେ | ଡ୍ୟାମରେ ମୃତଦେହ ଭାସିବାରୁ ସାମ୍ନାକୁ ଆସିଲା ପୁରା ଘଟଣା | କପ୍ତିପଦା ଥାନା ସୋନଡ୍ୟାମରୁ ମିଳିଲା ମହିଳାଙ୍କ ମୃତଦେହ |
ଶାଳଚୁଆ ଅଞ୍ଚଳର ଜଣେ ଯୁବକ ମାଛ ଧରିବା ନିମନ୍ତେ ଜାଲ ପକାଇବାକୁ ଡ୍ୟାମ ଭିତରକୁ ଯାଇଥିଲେ | ଡ୍ୟାମ ଭିତରେ ମୃତଦେହ ଭାସୁଥିବା ଦେଖି ପୋଲିସକୁ ଦେଇଥିଲେ ଖବର | ଖବର ପାଇ କପ୍ତିପଦା ପୋଲିସ ଏବଂ ଅଗ୍ନିଶମ କର୍ମଚାରୀ ଘଟଣାସ୍ଥଳରେ ପହଞ୍ଚିବା ସହିତ ଦମକଳ ବିଭାଗ ଭାସୁଥିବା ମୃତଦେହ କୂଳକୁ ଆଣିବା ପରେ ମୃତକ ଶବଟି ଜଣେ ମହିଳା ବୋଲି ପୋଲିସ ଜାଣିବାକୁ ପାଇଥିଲା | ତେବେ ମୃତକଙ୍କ ପରିଚୟ ମିଳି ପାରି ନ ଥିବା ବେଳେ କୂଳରେ ମୃତଦେହ ପହଞ୍ଚିବା ପରେ ମହିଳାଙ୍କୁ ହତ୍ୟା କରାଯାଇଥିବା ଜଣାପଡିଥିଲା | କାରଣ ମୃତ ମହିଳାଙ୍କ ଶାଢ଼ୀ କାନିରେ ଏକ ବଡ଼ ପଥର ବାନ୍ଧି ତାକୁ ଡ୍ୟାମ ଭିତରକୁ ଫୋପାଡ଼ି ଦିଆଯାଇଥିବା ସ୍ପଷ୍ଟ ହୋଇଥିଲା | ତେଣୁ ମହିଳାଙ୍କୁ ଯୋଜନାବଦ୍ଧ ଭାବେ ହତ୍ୟା କରାଯାଇଥିବା ସନ୍ଦେହ କରି ପୋଲିସ ମୃତଦେହ ଜବତ କରି ତଦନ୍ତ ଆରମ୍ଭ କରିଛି |
