କଚୋଡି ଖାଉଥିବା ବେଳେ ଲୋକଙ୍କ ଉପରେ ଚଢ଼ିଗଲା ଓକିଲଙ୍କ ମର୍ସଡିଜ କାର
1 min read
କଚୋଡ଼ି ଦୋକାନରେ ଲୋକେ କଚୋଡି ଖାଉଥିବା ବେଳେ ହେଲା ଭୟଙ୍କର ଦୁର୍ଘଟଣା | ଦୋକାନରେ ହଠାତ ପଶି ଆସିଲା ଏକ ଦ୍ରୁତଗତି ଗାଡି | ତେବେ ଅନିୟନ୍ତ୍ରିତ କାର ଦ୍ରୁତ ଗତିରେ ଦିଲ୍ଲୀର ରାଜପୁର ରୋଡ୍ ସିଭିଲ୍ ଲାଇନର ସବୁଠାରୁ ପ୍ରସିଦ୍ଧ ଫତେହ ଚାନ୍ଦ କାଚୋରୀ ବିକ୍ରେତାଙ୍କ ଦୋକାନରେ ପଶିଯାଇଥିଲା। ଏହି ସମୟରେ ଦୋକାନରେ ଲୋକମାନେ କଚୋଡି ଖାଉଥିଲେ | ଏହି ଘଟଣା ରବିବାର ଦିନ ପ୍ରାୟ ୩ଟା ସମୟରେ ଘଟିଥିଲା | ତେବେ ପୋଲିସ ମୁତାବକ ଏହି ଦୁର୍ଘଟଣାରେ ୫ ଜଣ ଆହତ ହୋଇଛନ୍ତି | ପୋଲିସ ମାମଲା ରୁଜୁ କରି ଡ୍ରାଇଭରକୁ ଗିରଫ କରିଛି। ଅଭିଯୁକ୍ତ କାର ଡ୍ରାଇଭର ପାରାଗ ମେନି ନୋଏଡାର ବାସିନ୍ଦା ବୋଲି ଜଣାପଡିଛି।
ଏହି ଘଟଣାର ସିସିଟିଭି ଫୁଟେଜ୍ ମଧ୍ୟ ସାମ୍ନାକୁ ଆସିଛି। ଯେଉଁଥିରେ କିଛି ଲୋକ ଦୋକାନ ବାହାରେ ଠିଆ ହୋଇ କାଚୋରୀ ଖାଉଛନ୍ତି | ଏହି ସମୟରେ, ଏକ ଧଳା ରଙ୍ଗର ମର୍ସିଡିଜ୍ କାର ଦ୍ରୁତ ଗତିରେ ଆସି ଏହି ଲୋକଙ୍କୁ ଦେଇଥିଲା ଧକ୍କା | ନିକଟସ୍ଥ ଲୋକମାନେ ଆହତମାନଙ୍କୁ ସାହାଯ୍ୟ କରିବା ପାଇଁ ଆଗେଇ ଆସିଥିଲେ |
ଦୁର୍ଘଟଣାରେ ଆହତ ହୋଇଥିବା ଲୋକଙ୍କୁ ତୁରନ୍ତ ଚିକିତ୍ସା ପାଇଁ ତିର୍ଥା ରାମ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଦିଲ୍ଲୀ ପୋଲିସର ସୂଚନାନୁସାରେ, ଅଭିଯୁକ୍ତ ଜଣେ ଓକିଲ ଏବଂ ତାଙ୍କ ପତ୍ନୀ ମଧ୍ୟ ସେ କାରରେ ଥିଲେ। ଭୁଲରେ ଏହି ଦୁର୍ଘଟଣା ଘଟିଥିଲା |
ପ୍ରାଥମିକ ଡାକ୍ତରୀ ପରୀକ୍ଷା ଅନୁଯାୟୀ ଡ୍ରାଇଭର ମଦ୍ୟପାନର ପ୍ରଭାବରେ ନଥିଲା, ତଥାପି ପରୀକ୍ଷା ପାଇଁ ରକ୍ତ ନମୁନା ନିଆଯାଇଛି। ଏବଂ ଗାଡି ଜବତ କରାଯିବା ସହ ଅଧିକ ତଦନ୍ତ ଜାରି ରଖିଛି ।
