ଏଆଇର ବଡ ସଫଳତା , ଏବେ ବିନା ଚାଳକରେଚାଲିବ ସ୍କୁଟର …
1 min read
ବିନା ଚାଳକରେ ଚାଲିବ ସ୍କୁଟର । ଏକଥା ଶୁଣିବା ପରେ ଆପଣ ଭାବୁଥିବେ ଏହା କେମିତି ସମ୍ଭବ । କେମିତି ଚାଳକ ବିନା ସ୍କୁଟି ଚାଲିବ । ହେଲେ ଏହା ଅସମ୍ଭବ ଲାଗୁଥିଲେବି ସତ । ଏହାକୁ ବାସ୍ତବରେ ପରିଣତ କରିଛି ଭାରତର ଅଗ୍ରଣୀ ଇଲେକ୍ଟ୍ରିକ ସ୍କୁଟର କମ୍ପାନି ଓଲା । ଆର୍ଟିଫିସିଆଲ ଇଣ୍ଟେଲିଜେନ୍ସ ରେ ତିଆରି ହୋଇଛି ଏହି ସ୍କୁଟର । ଓଲା ନିଜର ନୂଆ ଇଲେକ୍ଟ୍ରିକ୍ ସ୍କୁଟର ‘ଓଲା ସୋଲୋ’ ଲଞ୍ଚ କରିଛି । ସୋଲୋକୁ ‘ଭାରତର ପ୍ରଥମ ସ୍ୱୟଂଚାଳିତ ଇଲେକ୍ଟ୍ରିକ୍ ସ୍କୁଟର’ କୁହାଯାଉଛି ।
ଏହି ଇଲେକ୍ଟ୍ରିକ୍ ସ୍କୁଟର ଏହାର ସମ୍ପୂର୍ଣ୍ଣ ସ୍ୱୟଂଚାଳନା କ୍ଷମତା ଏବଂ ଉନ୍ନତ ଏଆଇ ଟେକ୍ନୋଲୋଜି ସହିତ ସହରୀ କମ୍ପ୍ୟୁଟିଂକୁ ପରିବର୍ତ୍ତନ କରିବାକୁ ପ୍ରତିଶ୍ରୁତି ଦେଇଛି । ବର୍ତ୍ତମାନ ସୁଦ୍ଧା ଏହାର ଲଂଚ କିମ୍ବା ମୂଲ୍ୟ ସମ୍ପର୍କରେ କୌଣସି ସୂଚନା ମିଳିନାହିଁ । ଏହା ଏକ ପ୍ରୋଟୋଟାଇପ୍ । ଆର୍ଟିଫିସିଆଲ ଇଣ୍ଟେଲିଜେନ୍ସ ରେ ସଜ୍ଜିତ ସୋଲୋ ଏକ ସମ୍ପୂର୍ଣ୍ଣ ସ୍ୱୟଂଚାଳିତ ଏବଂ ଟ୍ରାଫିକ ଅନୁକୂଳ ସ୍କୁଟର । ଅଭିନବ ଜେୟୁ-ଗାର୍ଡ ଆଡାପ୍ଟିଭ୍ ଆଲଗୋରିଦମ୍ ଦ୍ୱାରା ପରିଚାଳିତ ଏହି ସ୍କୁଟର ପ୍ରତ୍ୟେକ ଯାତ୍ରାରୁ ଶିଖିଥାଏ ଏବଂ ଏକ ସ୍ମାର୍ଟ ଏବଂ ଅଧିକ ସୁରକ୍ଷିତ ଯାତ୍ରା ଅନୁଭୂତି ସୁନିଶ୍ଚିତ କରିଥାଏ । ଏହାବ୍ୟତୀତ ଇନ୍-ହାଉସ୍ ଚିପ୍ ରିୟଲ୍ ଟାଇମ୍ ଟ୍ରାଫିକ୍ ଡାଟା ବ୍ୟବହାର କରି ସହରର ରାସ୍ତାଗୁଡ଼ିକୁ ନିରବଚ୍ଛିନ୍ନ ଭାବେ ଯାତାୟାତ କରିଥାଏ ।
ଓଲା ଏହାର ଏକ ଭିଡିଓ ସୋସିଆଲ ମିଡିଆ ରେ ପୋଷ୍ଟ କରାଯାଇଥିଲା । ତେବେ ଏହି ସ୍କୁଟର କେବେ ବଜାରକୁ ଆସିବ ସେ ସମ୍ପର୍କରେ ବର୍ତ୍ତମାନ ପର୍ଯ୍ୟନ୍ତ କୋଣସି ସୂଚନା ମିଳିନାହିଁ ।
