ଫୁଲ ନୁହେଁ ଚିପ୍ସ ଓ କୁରକୁରେରେ ସଜାହେଲା ବରଗାଡି଼..
1 min read
ଫୁଲର ସଵାରୀ ନେଇ ବାଜା ବଜାଇ ରୋଷଣୀ କରି ବର ଯାଇଥାଏ ବାହାହେବା ପାଇଁ । ଆପଣମାନେ ମଧ୍ୟ ଅନେକ ବରର ଶୋଭାଯାତ୍ରା ଦେଖିଥିବେ । ବର ବସିଥିବା ଗାଡି ଫୁଲରେ ସଜାହୋଇଥାଏ । ଆଉ ସେହି ଫୁଲର ଗାଡ଼ିରେ ବସି ବର କନିଆଁ ଘରକୁ ଯାଇଥାଏ । ହେଲେ କେବେ ଦେଖିଛନ୍ତି ଫୁଲ ବଦଳରେ ବର ଗାଡି ଚିପ୍ସରେ ସଜା ହୋଇଥିବ ।
ଫୁଲର ଜାଗା ନେଇଥିବ ଲେଜ୍ ଓ କୁରକୁରେ । ତାହେଲେ ସମସ୍ତଙ୍କ ପ୍ରଶ୍ନ ନାହିଁ ଆସିବ , ହେଲେ ଏମିତି ହିଁ ହୋଇଛି ଫୁଲ ବଦଳରେ ସବୁଜ ଓ ଲାଲ ରଙ୍ଗର ଲେଜ୍ ଓ କୁରକୁରେ ପ୍ୟାକେଟରେ ବରଗାଡି ସଜା ହୋଇଛି । ବାସ୍ତବରେ ରର ଅସାଧାରଣ କାର ସାଜସଜ୍ଜାର ଏକ ଭିଡିଓ ଇଣ୍ଟରନେଟରେ ଭାଇରାଲ ହୋଇଛି , ଯେଉଁ ଭିଡିଓରେ ଫୁଲ ବଦଳରେ ଲେଜ୍ ଓ କୁରକୁରେ ବର ଗାଡି ସଜା ହୋଇଛି । ଏହି ଭିଡିଓକୁ ୟୁଜର୍ସ ମାନେ ପସନ୍ଦ କରିବା ସହିତ ଅନେକ ପ୍ରତିକ୍ରିୟା ଦେଉଛନ୍ତି ।
ଭାଇରାଲ ଭିଡିଓ ଇନଷ୍ଟାଗ୍ରାମରେ ସତ୍ୟପାଲ ଯାଦବ ନାମକ ଜଣେ ୟୁଜର୍ସ ସେୟାର କରିଛନ୍ତି । ଯେଉଁଥିରେ ବରର କାରକୁ ଆଳୁ ଚିପ୍ସ, ଲେଜ୍ ଓ କୁରକୁରେ ସାମଗ୍ରୀର ପ୍ୟାକେଟରେ ସଜ୍ଜିତ କରାଯାଇଛି । ଗାଡ଼ିରେ କିଛି ଗୋଲାପ ଫୁଲରେ ସଜା ଯାଇଥିବା ଦେଖିବାକୁ ମିଳିଛି ।
