ନାବାଳିକା ଝିଅର ସନ୍ଦେହଜନକ ମୃତ୍ୟୁ !….ମୃତ ଦେହ ରଖି ଲୋକେ ଗାଁରେ କଲେ ରାସ୍ତା ଅବରୋଧ
1 min read
ପଟ୍ଟାମୁଣ୍ଡାଇ ଗ୍ରାମାଞ୍ଚଳ ଥାନା ଅନ୍ତର୍ଗତ ବଡ଼ପଡା ପଞ୍ଚାୟତ ମିଞ୍ଜାଉଣୀ ଗ୍ରାମରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି I ଏହି ଗ୍ରାମର ମା ଛେଉଣ୍ଡ ନାଁ ବାଳିକା ଝିଅର ଗତକାଲି ରାତିରେ ଆକସ୍ମିକ ସନ୍ଦେହଜନକ ମୃତ୍ୟୁ ଘଟିଛି I ଏହି ଘଟଣାକୁ ନେଇ ସାରା ଗାଁ ରେ ଉତ୍ତେଜନା ପ୍ରକାଶ ପାଇଛି I ଉକ୍ତ ନାବାଳିକାର ମୃତ ଦେହକୁ ଧରି ଗ୍ରାମବାସୀ ଗାଁ ରାସ୍ତା ଅବରୋଧ କରିଛନ୍ତି I ସ୍ଥାନୀୟ ପୋଲିସ ଘଟଣାସ୍ଥଳରେ ପହଞ୍ଚି ଏହି ସମବେଦନଶୀଳ ମାମଲାର ଛାନଭିନ ଆରମ୍ଭ କରିଛି I ପ୍ରକାଶ ଯେ ପଟ୍ଟାମୁଣ୍ଡାଇ ଗ୍ରାମାଞ୍ଚଳ ଥାନା ଅନ୍ତର୍ଗତ ବଡ଼ପଡା ମିଞ୍ଜାଉଣୀ ଗ୍ରାମର ୧୧ବର୍ଷ ବୟସ୍କ ମା ଛେଉଣ୍ଡ ନାବାଳିକା ଝିଅ ଗୁଡ଼ିର ଗତକାଲି ରାତିରେ ଆକସ୍ମିକ ସନ୍ଦେହଜନକ ମୃତ୍ୟୁ ଘଟିଛି I ଗୁଡ଼ିର ଜନ୍ମକଲା ମା ‘ର ମୃତ୍ୟୁ ହୋଇଯାଇଥିବାବେଳେ ବାପା ବାହାରେ ରହି କାମ କରନ୍ତି I
ଏହି ଖବର ଜାଣିବା ପରେ ଗ୍ରାମରେ ଉତ୍ତେଜନା ପ୍ରକାଶ ପାଇଥିଲା I ଗ୍ରାମବାସୀମାନେ ମୃତ ଗୁଡ଼ିର ମୃତ ଦେହକୁ ଧରି ଗାଁ ରାସ୍ତା ଅବରୋଧ କରିଥିଲେ I ଏଥି ସହିତ ବହୁ ଗ୍ରାମବାସୀ ପଟ୍ଟାମୁଣ୍ଡାଇ ଗ୍ରାମାଞ୍ଚଳ ଥାନାରେ ଲିଖିତ ଅଭିଯୋଗ କରି ଏହି ଘଟଣାର ବିଧିବଦ୍ଧ ତଦନ୍ତ ଦାବୀ କରିଛନ୍ତି Iଗ୍ରାମବାସୀଙ୍କ କହିବା କଥା ଯେ ଗୁଡ଼ିର ମାଆ ମୃତ୍ୟୁ ବରଣ କରିଥିବା ବେଳେ ବାପା ବାହାରେ ରେ ରହି କାମ କରୁଛନ୍ତି । ମା ଛେଉଁଣ୍ଡ ଗୁଡିକୁ ତାଙ୍କ ଦାଦା ସିଦ୍ଧାନ୍ତ ସ୍ବାଇଁ ପିଟି ପିଟି ମାରିଦେଇଥିବା ନେଇ ଗ୍ରାମବାସୀ ସନ୍ଦେହ ପ୍ରକଟ କରିବା ସହିତ ବିଧିବଦ୍ଧ ତଦନ୍ତ ପାଇଁ ଗ୍ରାମାଞ୍ଚଳ ଥାନାରେ ଅଭିଯୋଗ କରିଛନ୍ତିI ତେବେ ଝିଆରୀ ଗୁଡ଼ିର ମୃତ୍ୟୁ ପରେ ତାଙ୍କ ଦାଦା ସିଦ୍ଧାନ୍ତ ସ୍ବାଇଁ ସକାଳୁ ସକାଳୁ କେଉଁ ଆଡେ ପଳାଇ ଯାଇଛନ୍ତି। ସିଦ୍ଧାନ୍ତଙ୍କ ବାପା ଓ ମୃତ ଗୁଡ଼ିର ଜେଜେ ତ୍ରିଲୋଚନ ସ୍ବାଇଁ ଗୁଡିର ମୃତ ଦେହକୁ ନେଇ ମେଡିକାଲ ଯାଇଥିଲେI ଶବ ବ୍ୟବଛେଦ ପରେ ଗୁଡ଼ିର ଶବ ଗାଁକୁ ଆସିଵା ପରେ ଗାଁ ରେ ଉତ୍ତେଜନା ପ୍ରକାଶ ପାଇଥିଲା I ଗାଁ ଲୋକମାନେ ମୃତ ଗୁଡ଼ିର ଶବ ଧରି ଗାଁ ରାସ୍ତା ଅବରୋଧ କରିବା ସହିତ ମା ଛେଉଁଣ୍ଡ ୧୧ବର୍ଷର ଝିଅ ଗୁଡିର ମୃତ୍ୟୁ ପାଇଁ ଦାୟୀ ଆସାମୀକୁ ତୁରନ୍ତ ଗିରଫ କରିବା ପାଇଁ ଦାବୀ କରିଥିଲେ I
ଆସାମୀ ଗିରଫ ହେବା ପର୍ଯ୍ୟନ୍ତ ଗ୍ରାମବାସୀ ଗୁଡିର ମୃତ ଦେହ ରାସ୍ତାରେ ରଖି ରାସ୍ତା ଅବରୋଧ ଆନ୍ଦୋଳନ ଜାରି ରଖିବେ ବୋଲି ଚେତାବନୀ ଦେଇଛନ୍ତି I ଗ୍ରାମ ବାସୀ ପ୍ରକାଶ କରିଛନ୍ତି ଯେ ମାଆର ମୃତ ପରେ ତିନି ଝିଅ ଓ ଗୋଟିଏ ପୁଅ ପରିବାର ମଧ୍ୟରେ ବହୁ ଅସୁବିଧାରେ ରହୁଥିଲେ। ସେମାନେ ଅନେକ ସମୟରେ ନିର୍ଯ୍ୟାତିତ ହେଉ ଥିବାବେଳେ ଗୁଡିକୁ ପରିବାର ଲୋକମାନେ ପ୍ରାୟ ସମୟରେ ମାଡ଼ ମାରିଥାନ୍ତି I ମା ଛେଉଣ୍ଡ ନାବାଳିକା ଝିଅ ଗୁଡ଼ି ଆକସ୍ମିକ ସନ୍ଦେହଜନକ ମୃତ୍ୟୁ ପରେ ଆଜି ଗ୍ରାମବାସୀ ମାନେ ଏକତ୍ରିତ ହୋଇ ଗ୍ରାମାଞ୍ଚଳ ଥାନାରେ ଦାଦା ସିଦ୍ଧାନ୍ତ ଙ୍କ ନାମରେ ଲିଖିତ ଅଭିଯୋଗ କରିବା ସହିତ ତୁରନ୍ତ ଅଭିଯୁକ୍ତକୁ ଗିରଫ କରିବାକୁ ଦାବି କରିଛନ୍ତିI ଏହି ଘଟଣା ପଟ୍ଟାମୁଣ୍ଡାଇ ଅଞ୍ଚଳରେ ଆଲୋଡନ ସୃଷ୍ଟି କରିଛି I
