ପୂର୍ବ ଶତ୍ରୁତାକୁ କେନ୍ଦ୍ରକରି ଛୁରାମାଡ
1 min read
ଭୁବନେଶ୍ୱର : ରାଜଧାନୀରେ ଦିନକୁ ଦିନ ବଢିବାରେ ଲାଗିଛି ଅପରାଧ । ପ୍ରତ୍ୟକଦିନ ଏଠି ଦେଖାଦେଉଛି ହତ୍ୟା,ଆତ୍ମହତ୍ୟା ,ଚୋରୀ,ଲୁଟ୍ ଭଳି ଅନେକ ବଡ ବଡ ଅପରାଧ । ତେବେ ଗତକାଲି ରାତିରେ ରାଜଧାନୀ ର ଲକ୍ଷ୍ମୀସାଗର କଦଳୀଗୋଦାମ ଅଞ୍ଚଳରେ ଘଟିଯାଇଛି ଏକ ବିଭତ୍ସହତ୍ୟା ଉଦ୍ୟାମ ।
ପୂର୍ବ ଶତ୍ରୁତାକୁ କେନ୍ଦ୍ରକରି ଜଣେ ବ୍ୟକ୍ତିକୁ ଛୁରା ମାଡ ହୋଇଛି । ଆହତ ବ୍ୟକ୍ତି ଜଣଙ୍କ ହେଲେ ଶେଖ ଅବଦୁଲ । ଛୁରା ମାଡରେ ତାଙ୍କ ପେଟ ଓ ପିଞ୍ଜରାରେ ଗଭୀର ଆଘାତ ଲାଗିଥିବାରୁ , ଗୁରୁତର ଅବସ୍ଥାରେ ଗତକାଲି ରାତିରେ ତାଙ୍କୁ ଚିକିତ୍ସାଳୟରେ ଭର୍ତ୍ତି କରାଯାଇଥିଲା ।
ସୂଚନା ଅନୁ୍ଯାୟୀ ଗତକାଲି ରାତିରେ କୌଣସି କଥାକୁ ନେଇ ଅବଦୁଲ୍ଙ୍କ ସହ ଆଦିତ୍ୟ ନାମକ ଜଣେ ଯୁବକଙ୍କ ପରିବାରର ଝଗଡା ହୋଇଥିଲା । ଏହି ସମୟରେ ଆଦିତ୍ୟ ଏକ ଛୁରା ଆଣି ରାଗରେ ଅବଦୁଲ ଉପରେ ଆକ୍ରମଣ କରିଥିଲା । ଏହାପରେ ଅବଦୁଲଙ୍କ ପରିବାର ସେଠାରେ ପହଞ୍ଚି ତାଙ୍କୁ ଚିକିତ୍ସାଳୟରେ ଭର୍ତ୍ତି କରାଇବା ସହ ଲକ୍ଷ୍ମୀସାଗର ଥାନାରେ ଅଭିଯୋଗ କରିଥିଲେ । ଏନେଇ ପୋଲିସ ଆଦିତ୍ୟଙ୍କୁ ଅଟକ ରଖି ପଚରା ଉଚରା ଚଲାଇଛି ।
