ଗଣତନ୍ତ୍ରର ମହାପର୍ବ ରେ ଘରେ ବସି ଭୋଟ୍ ଦେବେ ଦିବ୍ୟାଙ୍ଗ ଭୋଟର ..
1 min read
ଆଉ ଦିନ କେଇଟା ପରେ ଦେଶରେ ଅନୁଷ୍ଠିତ ହେବ ଗଣତନ୍ତ୍ରର ମହାପର୍ବ ନିର୍ବାଚନ । ପ୍ରତ୍ୟକ ଭାରତୀୟ ନାଗରିକ ଏହି ମହାପର୍ବରେ ସାମିଲ ହେବେ । ଆଉ ନିଜର ବହୁମୂଲ୍ୟ ମତଦାନ କରି ନିଜ ପସନ୍ଦର ନେତା ବାଛିବେ । ଏହାରି ମଧ୍ୟରେ ଦିବ୍ୟାଙ୍ଗ ଓ ବୟସ୍କଙ୍କ ଲାଗି ମତଦାନକୁ ଅଧିକ ସହଜ କରିଛି ଇସିଆଇ । ଏଥର ସାଧାରଣ ନିର୍ବାଚନରେ ଦିବ୍ୟାଙ୍ଗ ଏବଂ ବୟସ୍କ ମାନଙ୍କ ପାଇଁ ‘ହୋମ ଭୋଟିଂ’ର ବ୍ୟବସ୍ଥା କରିଛି । ଅର୍ଥାତ ଏହି ବର୍ଗର ମତଦାତା ଘରେ ରହି ଭୋଟ ଦେଇପାରିବେ ।
ପୋଲ ପ୍ୟାନେଲ ପକ୍ଷରୁ ଜାରି କରାଯାଇଥିବା ସୂଚନା ଅନୁସାରେ, ୮୫ ବର୍ଷରୁ ଅଧିକ ବୟସର ଭୋଟର ଏବଂ ୪୦% ଅକ୍ଷମତା ଥିବା ଦିବ୍ୟାଙ୍ଗ ଗୃହ ଭୋଟ୍ ସୁବିଧା ପାଇପାରିବେ । ଏହି ବର୍ଗର ଭୋଟରମାନେ ମତଦାନର ପ୍ରଥମ ଏବଂ ଦ୍ୱିତୀୟ ପର୍ଯ୍ୟାୟ ପାଇଁ ନିଜର ଭୋଟ୍ ଦେବା ଆରମ୍ଭ କରିଦେଇଛନ୍ତି । ଦେଶରେ ୮୫ ବର୍ଷରୁ ଅଧିକ ବୟସ ଥିବା ଭୋଟର ସଂଖ୍ୟା ୮୧ ଲକ୍ଷ ରହିଥିବା ବେଳେ ୯୦ ଲକ୍ଷରୁ ଅଧିକ ଦିବ୍ୟାଙ୍ଗ ଭୋଟର ରହିଛନ୍ତି । ମୁଖ୍ୟ ନିର୍ବାଚନ ଆୟୁକ୍ତ ରାଜୀବ କୁମାରଙ୍କ ସମେତ ନିର୍ବାଚନ କମିଶନର ଜ୍ଞାନେଶ କୁମାର ଓ ଡଃ ସୁଖବୀର ସିଂ ସାନ୍ଧୁଙ୍କ କହିବାନୁସାରେ ହୋମ ଭୋଟିଂ ସୁବିଧା ଦ୍ୱାରା ଏହି ବର୍ଗଙ୍କ ଲାଗି ଏକ ସମ୍ମାନ ଭାବକୁ ପ୍ରତିପାଦିତ କରିବ । ତେବେ ପ୍ରଥମ ପର୍ଯ୍ୟାୟରେ ମତଦାନ କରିଥିବା ଭୋଟରମାନେ ଭାରତୀୟ ନିର୍ବାଚନ ଆୟୋଗକୁ କୃତଜ୍ଞତା ଜଣାଇଛନ୍ତି । ଇସିଆଇର କହିବାନୁସାରେ, ଘରୁ ମତଦାନ ସମୟରେ ମତଦାନ କର୍ମଚାରୀ ଏବଂ ସୁରକ୍ଷା କର୍ମୀଙ୍କ ସହିତ ଜଣେ ଗୁପ୍ତଚର ମଧ୍ୟ ରହିବେ । ଏହାଦ୍ୱାରା ଭାରତୀୟ ନିର୍ବାଚନ ଆୟୋଗ ଗଣତନ୍ତ୍ରକୁ ସୁଗମ କରିବା ଦିଗରେ ଏହି ନିର୍ଣ୍ଣାୟକ ପଦକ୍ଷେପ ନେଇଛି । ଯେଉଁଠି ଶାରୀରିକ ସୀମିତତା କିମ୍ବା ବୟସ ନିର୍ବିଶେଷରେ ପ୍ରତ୍ୟେକ ନାଗରିକଙ୍କ ସ୍ୱର ବା ମତ ଗୁରୁତ୍ୱପୂର୍ଣ୍ଣ ।
