ବରକୁ ଛାତ ଉପରକୁ ନେଇ ୫୧ ଲକ୍ଷ ଟଙ୍କାର ନୋଟ ବରମାଳା ପିନ୍ଧାଇଲେ

ରାଜସ୍ଥାନର ଡିଗ୍ ଜିଲ୍ଲାର ମେୱାଟ ଅଞ୍ଚଳର ଖୁଲୱାନା ଗାଁରେ ଏକ ମାମଲା ସାମ୍ନାକୁ ଆସିଛି | ଯେଉଁଥିରେ ଦୁଇ ବରଙ୍କୁ ୫00 ଟଙ୍କିଆ ଲକ୍ଷ ଲକ୍ଷ ଟଙ୍କା ମୂଲ୍ୟର ଫୁଲମାଳ ଦିଆଯାଇଥିଲା। ଡିଗ ଜିଲ୍ଲାର କାମାନ ପୋଲିସ ଷ୍ଟେସନ ଅଞ୍ଚଳର କୁଲୱାନା ଗାଁରେ ୨ ଭାଇଙ୍କ ବିବାହ ହୋଇଥିଲା, ଯେଉଁଠାରେ ବିବାହ ବରଯାତ୍ରୀରେ ଆସିଥିବା ଉଭୟ ଭାଇଙ୍କୁ ୫00 ଟଙ୍କିଆ ଲକ୍ଷ ଲକ୍ଷ ଟଙ୍କାର ୫୧ ଲକ୍ଷ ନୋଟରେ ବରମାଳା ପିନ୍ଧାଯାଇଥିଲା । ତେବେ ବର୍ତ୍ତମାନ ୫୧ ଲକ୍ଷ ଟଙ୍କା ମୂଲ୍ୟର ବରମାଳା ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।

ସାଜିଦ ଏବଂ ତାଙ୍କ ଭାଇଙ୍କ ବିବାହ ଡିଗ ଜିଲ୍ଲାର ମେୱାଟ ଅଞ୍ଚଳରେ ହୋଇଥିଲା | ତେବେ ସାଜିଦଙ୍କ ପରିବାର ଅତି ସାଧାରଣ, କିନ୍ତୁ ବିବାହକୁ ଆସିଥିବା ତାଙ୍କ ସମ୍ପର୍କୀୟମାନେ ସାଜିଦ ଏବଂ ତାଙ୍କ ଭାଇଙ୍କୁ ୫୧ ଲକ୍ଷ ଟଙ୍କା ମୂଲ୍ୟର ନୋଟ୍ ର ବରମାଳା ପିନ୍ଧାଇଥିଲେ । ମେୱାଟ ଅଞ୍ଚଳରେ ଯେତେବେଳେ ବି କୌଣସି ଖୁସିର କାର୍ଯ୍ୟକ୍ରମ କିମ୍ବା ବିବାହ ସମାରୋହ ହୁଏ, ବରମାନଙ୍କୁ ଟଙ୍କା ସହିତ ସମ୍ମାନ ଦେବା ଦୀର୍ଘ ଦିନ ଧରି ଚାଲିଆସୁଛି | ବିବାହରେ ସର୍ବାଧିକ ଟଙ୍କା ନୋଟ ସହିତ ବରକୁ କିଏ ସମ୍ମାନିତ କରିପାରେ ସେନେଇ ଲୋକଙ୍କ ମଧ୍ୟରେ ଏକ ପ୍ରତିଯୋଗିତା ରହିଆସିଛି |

ସୋସିଆଲ ମିଡିଆରେ ପ୍ରତିଦିନ ବିଭିନ୍ନ ପ୍ରକାରର ଭିଡିଓ ଭାଇରାଲ ହୋଇଥାଏ | ଯାହା ବେଳେବେଳେ ମଜାଳିଆ ଏବଂ ବେଳେବେଳେ ବହୁତ ଆଶ୍ଚର୍ଯ୍ୟଜନକ ହୋଇଥାଏ। ଇଣ୍ଟରନେଟ୍‌ରେ ବର୍ତ୍ତମାନ ଅନେକ ବାହାଘର ଭିଡିଓ ଶେୟାର କରାଯାଉଛି। ଏଥିରେ କେତେବେଳେ ନାଚ ତ ଆଉ କେତେବେଳେ କିଛି ହଙ୍ଗାମା ଦେଖିବାକୁ ମିଳିଥାଏ। କିନ୍ତୁ ଏବେ ସାମାଜିକ ଗଣମାଧ୍ୟମରେ ଭିଡିଓ ଭାଇରାଲ ହେବାରେ ଲାଗିଛି, ସେଥିରେ ନୃତ୍ୟ କିମ୍ବା ମାଡ଼ଗୋଳ ନୁହେଁ ବରଂ ଆଉ କିଛି ଦେଖିବାକୁ ମିଳିଥିଲା । ଏହା ଏକ ବାହାଘର ଭିଡିଓ, ଯେଉଁଥିରେ ବର ନିଜ ପରିବାର ଓ ସାଙ୍ଗମାନଙ୍କ ସହ ଠିଆ ହୋଇଥିବା ଦେଖାଯାଉଛି। ବରକୁ ଚାଟ ଉପରକୁ ନିଆଯାଇ ୫୧ ଲକ୍ଷ ଟଙ୍କା ନୋଟରେ ବରମାଳା ପିନ୍ଧାଇଥିଲେ | ଯାହାର ଭିଡ଼ିଓ ବେଶ ଭାଇରାଲ ହେଉଛି |