ରାହୁଲ ନୁହେଁ ରବର୍ଟ ଭଦ୍ରା ଲଢିବେ ନିର୍ବାଚନ , ପୋଷ୍ଟରକୁ ନେଇ ବଢିଲା ଚର୍ଚ୍ଚା ..
1 min read
କଂଗ୍ରେସର ଆମେଠି ପ୍ରାର୍ଥୀଙ୍କୁ ନେଇ ବଢି ଚାଲିଛି ସସପେନ୍ସ । ଆଜି ବି ଏହି ସସପେନ୍ସ ଉପରୁ ଉଠିପାରିନି ପରଦା । କଂଗ୍ରେସ ବର୍ତ୍ତମାନ ପର୍ଯ୍ୟନ୍ତ ଏହି ଆସନ ପାଇଁ ପ୍ରାର୍ଥୀ ଘୋଷଣା କରିନାହିଁ । ତେବେ ଏହାରି ମଧ୍ୟରେ କଂଗ୍ରେସ ନେତ୍ରୀ ପ୍ରିୟଙ୍କା ଗାନ୍ଧୀଙ୍କ ସ୍ୱାମୀ ରବର୍ଟ ଭଦ୍ରାଙ୍କ ଫଟୋ ଥିବା ଏକ ପୋଷ୍ଟର ଏବେ ଚର୍ଚ୍ଚାର ବିଷୟ ପାଲଟିଛି । ସ୍ଥାନୀୟ ଦଳୀୟ କାର୍ଯ୍ୟାଳୟ ବାହାରେ ଭଦ୍ରାଙ୍କ ଫଟୋ ଥିବା ପୋଷ୍ଟର ରେ ଲେଖାଯାଇଛି ‘‘ଆମେଥୀ କୀ ଜନତା କରେ ପୁକାର, ରୋବର୍ଟ ଭଦ୍ରା ଅବ କୀ ବାର୍ ’ ।
ଯାହାର ଅର୍ଥ ହେଉଛି, ଆମେଥୀର ଲୋକ ଏଥର ରୋବର୍ଟ ଭଦ୍ରାଙ୍କୁ ଚାହାନ୍ତି ।ଲୋକସଭା ନିର୍ବାଚନର ପଞ୍ଚମ ପର୍ଯ୍ୟାୟରେ ଆମେଥୀରେ ମେ ୨୦ ତାରିଖରେ ଭୋଟ୍ ଗ୍ରହଣ ହେବ । ନାମାଙ୍କନପତ୍ର ଦାଖଲ କରିବାର ଶେଷ ଦିନ ହେଉଛି ମେ ୩ ତାରିଖ । ଏହି ପୋଷ୍ଟର ସାମ୍ନାକୁ ଆସିବା ପରେ ରବର୍ଟ ଭଦ୍ରା କହିଥିଲେ ତାଙ୍କ ପାଖରେ ଆମେଠିରୁ ସବୁ ଲୋକଙ୍କର ଫୋନ୍ ଆସୁଛି ସମସ୍ତେ କହୁଛନ୍ତି ଏହି ଠାରୁ ନିର୍ବାଚନ ଲଢିବାକୁ ହେଲେ ଶେଷରେ ଦଳ ନିଷ୍ପତ୍ତି ନେବ ।
ତେବେ ରବର୍ଟ ଭଦ୍ରାଙ୍କ ଏହି ବୟାନ ପରେ ରାହୁଲ ନିର୍ବାଚନ ଲଢିବେନି ତାହା ସ୍ପଷ୍ଟ ହୋଇପାରିନି । ତେବେ ଏହାକୁ ନେଇ ସ୍ମ୍ମୃତି ଇରାନୀ ମଧ୍ୟ ଏକ ରାଲିରେ ରାହୁଲଙ୍କୁ କଟାକ୍ଷ କରିଥିଲେ । ସେ ଆମେଠିରୁ ଏକ ରାଲିକୁ ସମ୍ବୋଧିତ କରି କହିଥିଲେ । ଏହା ଭିତରେ ଜିଜାଜୀଙ୍କ ନଜର ଆସନ ଉପରେ ରହିଛି । ସେ କହିଛନ୍ତି, ଯଦି ଭିଣୋଇ ବା ଜିଜା ଜୀ ଆସନ୍ତି, ତିୱାରୀ ଜୀ କହୁଛନ୍ତି ତୁମେ ଘରର କାଗଜପତ୍ର ଲୁଚାଇବା ଉଚିତ, କାରଣ ଭିଣୋଇଙ୍କର ଆଖି ଠିକ ଅଛି । ରବର୍ଟ ଭଦ୍ରାଙ୍କୁ ଟାର୍ଗେଟ କରି ସ୍ମୃତି ଇରାନୀ କହିଛନ୍ତି, ତିୱାରୀ ଜୀ କହୁଛନ୍ତି ଯେ ତୁମେ ଘରର କାଗଜପତ୍ର ଲୁଚାଇବା ଉଚିତ୍, କାରଣ ଜିଜା ଜୀ ତାଙ୍କ ଉପରେ ନଜର ରଖିଛନ୍ତି ।
