ପଲିଶ୍ରି ମେଳା ପଡିଆରେ ଅବତରଣ କଲା ସନ୍ଦିଗ୍ଧ ହେଲିକେପ୍ଟର , ଲୋକ ଦେଖି ଛାନିଆ ..
1 min read
ଆଜି ସକାଳୁ ସକାଲୁ ଏକ ଧଳା ରଙ୍ଗର ହେଲିକେପ୍ଟର ପଲିଶ୍ରି ମେଳା ପଡିଆରେ ଓହ୍ଲାଇଥିଲା । ଅଚାନକ ଏ ହେଲିକେପ୍ଟର କୁଆଡୁ ଆସିଛି ? କାହିଁକି ଆସିଚି ? ତାହାକୁ ନେଇ ଲୋକମାନେ ଆଲୋଚନା କରିଥିଲେ । ପ୍ରଶାସନ ପାଖରେ ଏନେଇ କୌଣସି ସୂଚନା ନଥିବା ବେଳେ ହେଲିକପ୍ଟରରେ ଏସିଇ ଏୟାର ସର୍ଭିସ୍ ଲେଖା ହୋଇଥିବା ଦେଖିବାକୁ ମିଳିଥିଲା । ଏହି ହେଲିକପ୍ଟରକୁ ନେଇ ଦ୍ୱନ୍ଦ ରହିଥିବା ବେଳେ ବର୍ତ୍ତମାନ ତା’ର କାରଣ ଜଣାପଡିଛି । ହେଲିକେପ୍ଟରର ପ୍ରକୃତ କାରଣ ଜଣାପଡିବା ପରେ ଏବେ ତାହାକୁ ନେଇ ଚାରିଆଡେ ଚର୍ଚ୍ଚା ଚାଲିଛି । ତେଲ ସରି ଯାଇଥିବାରୁ ଜରୁରୀ ଅବତରଣ କରିଥିଲା ହେଲିକପ୍ଟର । ଏହାପରେ ହେଲିକପ୍ଟରରେ ତେଲ ଆଣି ପକାଯାଇବା ଦେଖିବାକୁ ମିଳିଥିଲା । ତେଲ ଆଣି ପକାଇବା ପରେ ପୁଣି ଉଡାଣ ଭରିଥିଲା ହେଲିକପ୍ଟର ।
ସୂଚନାନୁଯାୟୀ ଆଜି ସକାଳୁ ସକାଳୁ ଏକ ଧଳା ରଙ୍ଗର ହେଳିକେପ୍ଟର ଢ଼େଙ୍କାନାଳ ପଲିଶ୍ରି ମେଳା ପଡ଼ିଆ ରେ ଅବତରଣ କରିଥିଲା । ତେବେ ଏହି ହେଳିକେପ୍ଟର ି କେଉଁଠୁ ଆସିଚି, କାହିଁକି ଆସିଚି, ଏ ସଂକ୍ରାନ୍ତରେ ହେଲିକେପ୍ଟର ରେ ଥିବା ପାଇଲଟ ମୁହଁ ଖୋଲିନଥିଲେ ନା ପୋଲିସ ପାଖରେ ଖବର ଥିଲା ନା ଜିଲ୍ଲା ପ୍ରଶାସନ ପାଖରେ । ତେବେ ସନ୍ଦିଗ୍ଧ ହେଲିକପ୍ଟରର ସୂଚନା ପାଇବା ପରେ ପୋଲିସ ଏବଂ ଫ୍ଲାଇଙ୍ଗ ସ୍କ୍ୱାଡ଼ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଥିଲେ । ତେବେ ଆଗକୁ ନିର୍ବାଚନ ଥିବାରୁ ଏପରି ସନ୍ଦିଗ୍ଧ ହେଲିକେପ୍ଟରକୁ ନେଇ ଛାନିଆ ହୋଇପଡିଥିଲେ ସ୍ଥାନୀୟ ଅଧିବାସୀମାନେ ।
