ବଜାରରେ ମିଳବନି କରୋନା ଟୀକା , ପ୍ରସ୍ତୁତି ବିକ୍ରି ଉପରେ ଲାଗିଲା କଟକଣା ..
1 min read
ସାରାବିଶ୍ୱରେ ଯେତେବେଳେ କରୋନା ମହାମାରୀ ଭୟଙ୍କର ହୋଇଥିଲା । ଠିକ ସେତିକିବେଳେ ମହାମାରୀକୁ ରୋକିବା ପାଇଁ ବହୁ ପରିମାଣରେ ଟୀକାକରଣ କରାଯାଇଥିଲା । ହେଲେ ଏବେ କରୋନା ଟିକାକୁ ନେଇ ଅନେକ ବିବାଦ ସାମ୍ନାକୁ ଆସିଛି। ଯେଉଁଥିପାଇଁ ଏବେ ଫାର୍ମାସ୍ୟୁଟିକାଲ୍ କମ୍ପାନୀ ଆଷ୍ଟ୍ରୋଜେନେକା ଗ୍ରହଣ କରିଛି ଯେ କୋଭିଡ୍-୧୯ ଟିକା ପାର୍ଶ୍ୱ ପ୍ରତିକ୍ରିୟା ଥାଇପାରେ। ଏହି କାରଣରୁ, ଶରୀରରେ ରକ୍ତ ଜମାଟ ବାନ୍ଧିପାରେ ଯଥା TTS ରୋଗ ହୋଇପାରେ।
ଯାହାପରେ ବର୍ତ୍ତମାନ ଅଗ୍ରଣୀ ଫାର୍ମାସ୍ୟୁଟିକାଲ୍ କମ୍ପାନୀ ଆଷ୍ଟ୍ରା ଜେନେଙ୍କା କରୋନା ଟିକା ଉତ୍ପାଦନ ଏବଂ ଯୋଗାଣକୁ ସମ୍ପୂର୍ଣ୍ଣ ବନ୍ଦ କରିଦେଇଛି। କମ୍ପାନୀ କହିଛି ଯେ ଏହା ବିଶ୍ୱସ୍ତରରେ ଟିକା ପ୍ରତ୍ୟାହାର କରୁଛି। କିଛି ଦିନ ପୂର୍ବରୁ କରୋନା ଟିକାର ଗୁରୁତର ପାର୍ଶ୍ୱ ପ୍ରତିକ୍ରିୟା ସମ୍ପର୍କିତ ଖବର ସାମ୍ନାକୁ ଆସିଥିଲା। ଏହି ଅଭିଯୋଗ ହେତୁ କମ୍ପାନୀ କେବଳ ବ୍ରିଟେନରେ ୫୦ରୁ ଅଧିକ ମାମଲାର ସମ୍ମୁଖୀନ ହୋଇଛି। ତେବେ ଅନ୍ୟ କୌଣସି କାରଣରୁ ବଜାରରୁ ଏହି ଟିକା ହଟାଯାଉଛି ବୋଲି ଫାର୍ମା କମ୍ପାନୀ କହିଛି। ଆଷ୍ଟ୍ରୋଜେନେକା ପକ୍ଷରୁ କୁହାଯାଇଛି ଯେ ଏହି ଟିକା କୋଭିଶିଲ୍ଡ ନାମରେ ଭାରତରେ ଆରମ୍ଭ କରାଯାଇଥିଲା। କିନ୍ତୁ ଏହାର ପାର୍ଶ୍ୱ ପ୍ରତିକ୍ରିୟା ଯୋଗୁଁ କମ୍ପାନୀ ବର୍ତ୍ତମାନ କୋର୍ଟ ଦଲିଲରେ ସ୍ୱୀକାର କରିଛି ଯେ ରକ୍ତ ଜମାଟ ବାନ୍ଧିବା ବ୍ୟତୀତ ଅନ୍ୟ ବିପଜ୍ଜନକ ପାର୍ଶ୍ୱ ପ୍ରତିକ୍ରିୟା ମଧ୍ୟ ହୋଇପାରେ। ମଙ୍ଗଳବାର ଦିନ ଟେଲିଗ୍ରାଫ୍ କମ୍ପାନୀକୁ କହିଛି ଯେ ଏହି ଟିକା ଆଉ ଉତ୍ପାଦନ ହେଉନାହିଁ କିମ୍ବା ଯୋଗାଇ ଦିଆଯାଉ ନାହିଁ।
