ମନମୋହନ ସାମଲ କଲେ ନିର୍ବାଚନ ପ୍ରଚାର , ଦଳୀୟ ପ୍ରାର୍ଥୀ କର୍ମୀଙ୍କ ବଢାଇଲେ ମନୋବଳ …
1 min read
ଆଜି ନିର୍ବାଚନ ପ୍ରଚାରରେ ଆସି ବାରିପଦା ନିର୍ବାଚନମଣ୍ଡଳୀ ପ୍ରାର୍ଥୀ ଙ୍କ ପାଇଁ ପ୍ରଚାର କରିଲେ ବିଜେପି ରାଜ୍ୟ ସଭାପତି ମନମୋହନ ସାମଲ। ଖୁଣ୍ଟା ଦୁବରାଜପୁର ପଡିଆ ଠାରେ ଆୟୋଜିତ କାର୍ଯ୍ୟକ୍ରମରେ ଯୋଗ ଦେଇ ବିଜେପି ବିଧାୟକ ପ୍ରାର୍ଥୀ ପ୍ରକାଶ ସୋରେନଙ୍କ ପାଇଁ କରିଲେ ପ୍ରଚାର। ହେଲିକ୍ୟାପ୍ଟରରେ ଆସି ସମାବେଶରେ ଯୋଗ ଦେଇଥିବା ବେଳେ ବିଜେପି ସରକାର ଆସିଲେ ଚିଟଫଣ୍ଡ କ୍ଷତିଗ୍ରସ୍ତ ହିତାଧିକାରୀଙ୍କୁ ଟଙ୍କା ଫେରସ୍ତ କରିବ, ଏହା ସହିତ ଚାଷ ଜମିକୁ ଜଳ ଯୋଗାଣର ସୁବିଧା କରିବେ ବୋଲି ନିଜ ଅଭିଭାଷଣରେ କହିଥିଲେ ମନମୋହନ।
ବିଜେପି ପ୍ରାର୍ଥୀ ପ୍ରକାଶ ସୋରେନଙ୍କ ପାଇଁ ପ୍ରଚାର କରିବାକୁ ମନମୋହନ ସାମଲଙ୍କ ସହିତ ମୟୁରଭଞ୍ଜ ମହାରାଜା ପ୍ରବୀଣ ଚନ୍ଦ୍ର ଭଞ୍ଜଦେଓ ମଧ୍ୟ ସାମିଲ ହୋଇଥିଲେ। ୨୫ ବର୍ଷ ସରକାର ଲୋକଙ୍କ ଉନ୍ନତି ପାଇଁ କାର୍ଯ୍ୟ କରି ନ ଥିବା ବେଳେ ବିଜେପି ଆସିଲେ ରୋଜଗାର ଦେବା ସହିତ ବନବାସି ଭାଇ ଭଉଣୀ ମାନଙ୍କ ପାଇଁ ସ୍ୱତନ୍ତ୍ର ସଂରକ୍ଷଣ ବ୍ୟବସ୍ଥା କରିବେ ବୋଲି କହିଥିଲେ। ଏହା ସହିତ ମୟୁରଭଞ୍ଜରେ ୯ ବିଧାନସଭା ଆସନ ବିଜେପି ମୂଳପୋଛ କରିବ ବୋଲି କହିଛନ୍ତି ମନମୋହନ। ଏହି ସମାବେଶରେ ପ୍ରାୟ ୮ ହଜାର ରୁ ଉର୍ଦ୍ଧ ଜନସମାଗମ ହୋଇଥିବା ଦେଖିବାକୁ ମିଳିଥିଲା।
