ଅଜବ ପ୍ରେମର ଗଜବ କାହାଣୀ , ଚାକରକୁ ବାହାହେଲେ ମାଲିକିଆଣୀ
1 min read
ନୂଆଦିଲ୍ଲୀ : ଆଜି କାଲି ଟଙ୍କା ପଇସା ଦବା ନବା ଦୁନିଆରେ ସ୍ୱାର୍ଥ ସାଜିଛି ସବୁ ସମ୍ଫର୍କର ମୂଳ ମଞ୍ଜି । କିନ୍ତୁ ନିକଟରେ ଏକ ଏଭଳି ସତ ଘଟଣା ସାମ୍ନାକୁ ଆସିଛି ଯାହାକୁ ଶୁଣିଲେ ଆପଣ ମାନେ ଆଶ୍ଚର୍ଯ୍ୟ ହୋଇଯିବେ । ଏପରି କାହାଣୀ କେବଳ ଆପଣମାନେ ଫିଲ୍ମ ଆଉ ସିରିଏଲରେ ଦେଖିଥିବେ । କିନ୍ତୁ ଏଠି ବାସ୍ତବରେ ହିଁ ଘଟିଛି କିଛି ଏଭଳି ଘଟଣା ଯାହା ଆମ ମାନଙ୍କୁ ମଧ୍ୟ ବିଶ୍ୱାସ ହେଉନି । ଆଜି କାଲିର ପାଖାପଖି ୯୦ ଭାଗ ଝିଅ ନିଜ ପାଇଁ ସ୍ୱପ୍ନର ରାଜକୁମାର ଦେଖନ୍ତିା ତାଙ୍କ ଭବିଷ୍ୟତ ସ୍ୱାମୀ ଏମିତି ହେଇଥିବା ସେମତି ଷ୍ଟାଟସ୍ ଥିବ । କିନ୍ତୁ ଆମ ପଡୋଶୀ ଦେଶ ପାକିସ୍ତାନରୁ ଏକ ନିଆରା କାହାଣୀ ସାମ୍ନାକୁ ଆସିଛି । ଯାହାକି ବର୍ତ୍ତମାନ ଏକ ଚର୍ଚ୍ଚାର ବିଷୟ ପାଲଟିଯାଇଛି ।
ପାକିସ୍ତାନ ଅନ୍ତର୍ଗତ ପଞ୍ଜାବରେ ଏପରି ଏକ ‘ଅଜବ ପ୍ରେମ କି ଗଜବ କାହାନୀ’ ସାମ୍ନାକୁ ଆସିଛି ।
୨୦ ବର୍ଷୀୟ ଯୁବତୀ ନିଜ ଘରେ ଥିବା ୨୫ ବର୍ଷିୟ ଚାକରର ସଚ୍ଚୋଟତା ଦ୍ୱାରା ଏତେ ପ୍ରଭାବିତ ହୋଇଛନ୍ତି ଯେ ତାଙ୍କୁ ଜୀବନସାଥୀ କରିନେଇଛନ୍ତି । ଯୁବତୀଙ୍କ ପରିବାର ଲୋକ ତାଙ୍କୁ ମେଣ୍ଢା ଚରାଇବା କାମରେ ନିୟୋଜିତ କରିଥିଲେ । ବର୍ତ୍ତମାନ ନିଜେ ଯୁବତୀ ଜଣକ ୟୁଟ୍ୟୁବ୍ ଚ୍ୟାନେଲରେ ଏହାର ଖୁଲାସା କରିଛନ୍ତି । ଏହି ଭିଡିଓ ବର୍ତ୍ତମାନ ଭାଇରାଲ ହେବାରେ ଲାଗିଛି । ମୁସ୍କାନ ଓ ଆମୀରଙ୍କ ପ୍ରେମକାହାଣୀ ଏବେ ପାକିସ୍ତାନରେ ଚର୍ଚ୍ଚା । ମୁସ୍କାନ ୟୁଟ୍ୟୁବ ଚ୍ୟାନେଲରେ କହିଛନ୍ତି, ତାଙ୍କ ଘରେ ଚାରୋଟି ମେଣ୍ଢା ଅଛନ୍ତି ।
ସେଗୁଡ଼ିକର ଯତ୍ନ ନେବା ପାଇଁ ଆମିରଙ୍କୁ ନିୟୋଜିତ କରାଯାଇଥିଲା । ସେ ଖୁବ୍ ସଚ୍ଚୋଟ ଏବଂ ତାଙ୍କର କାମ ମଧ୍ୟ ଭଲ । କୌଣସି କାମରେ ହେରାଫେରି କରନ୍ତି ନାହିଁ । ତାଙ୍କ ସଚ୍ଚୋଟତା ପାଇଁ ସେ ଆମିରଙ୍କୁ ହୃଦୟ ଦେଇ ବସିଥିଲେ ଏବଂ ଆମିରଙ୍କୁ ବିବାହ ପାଇଁ ପ୍ରସ୍ତାବ ଦେଇଥିଲେ । ତେବେ ମୁସ୍କାନଙ୍କ କଥା ଶୁଣି ଆମୀର ଆଶ୍ଚର୍ୟ୍ୟ ହୋଇଯାଇଥିଲେ । ମାଲିକାଣୀ ତାଙ୍କୁ ଯେ ବିବାହ ପାଇଁ କହିବେ, ସେ ବିଶ୍ୱାସ କରିପାରୁ ନଥିଲେ । ତେବେ ଏଥିପାଇଁ ମୁସ୍କାନ ତାଙ୍କୁ ସନ୍ଧ୍ୟା ପର୍ୟ୍ୟନ୍ତ ସମୟ ଦେଇଥିଲେ । ଅନେକ ଚିନ୍ତା କରିବା ପରେ ତଥା ଆମୀର ତାଙ୍କ ପରିବାର ଲୋକଙ୍କ ପରାମର୍ଶ କରି ବିବାହ ପାଇଁ ରାଜି ହୋଇଥିଲେ । ତେବେ ଚାକର ହାତକୁ ନିଜ ଝିଅକୁ ଟେକି ଦେବା ପାଇଁ ଟିକିଏ ବି ସଙ୍କୋଚ କରିନଥିଲେ ମୁସ୍କାନଙ୍କ ମା । କାରଣ ତାଙ୍କୁ ବି ଆମିରଙ୍କ ସଚ୍ଚୋଟତା ଖୁବ୍ ପସନ୍ଦ ଥିଲା । ବିବାହ ପରେ ଆମିର କରୁଥିବା କାମ ପାଇଁ ଆଉ ତିନି ଜଣ ଲୋକଙ୍କୁ ମୁସ୍କାନ ରଖିଛନ୍ତି । ବର୍ତ୍ତମାନ ଆମିରଙ୍କୁ ବିବାହ କରି ସବୁକିଛି ପାଇଯାଇଛି ବୋଲି ସେ କହିଛନ୍ତି ।
