ମୋଦିଙ୍କ ଶପଥ ବେଳେ ଘରର ସବୁ ଲାଇଟ ଲିଭାଇ ବସିଥିଲେ ମମତା ଦିଦି ..

ମୋଦି ଶପଥ ନେଉଥିବାବେଳେ ଘରର ସବୁ ଆଲୋକ ବନ୍ଦ କରି ଅନ୍ଧାରରେ ବସିଥିଲେ ଦିଦି। ଭାରତୀୟ ତୃଣମୂଳ କଂଗ୍ରେସ (ଟିଏମସି) ସାଂସଦ ସାଗରିକା ଘୋଷ ଏ ବିଷୟରେ ସୂଚନା ଦେଇ କହିଛନ୍ତି ଯେ  ଟିଏମସି ସୁପ୍ରିମୋ ମମତା ବାନାର୍ଜୀ ରବିବାର ସନ୍ଧ୍ୟାରେ ମୋଦୀ ଏବଂ କେନ୍ଦ୍ରମନ୍ତ୍ରୀଙ୍କ ଶପଥ ଗ୍ରହଣ ସମାରୋହ ରେ ତାଙ୍କ ଘରର ସମସ୍ତ ଲାଇଟ୍ ବନ୍ଦ କରି ଅନ୍ଧାରରେ ବସିଥିଲେ। ସେ କହିଛନ୍ତି ଯେ ଭାରତୀୟ ଜନତା ପାର୍ଟି  ନୂଆ ନେତା ଚୟନ କରିବା ଉଚିତ। ସମଗ୍ର ନିର୍ବାଚନ ପ୍ରଚାର ତାଙ୍କ ଉପରେ କେନ୍ଦ୍ରୀଭୂତ ହୋଇଥିଲେ ମଧ୍ୟ ଲୋକସଭା ନିର୍ବାଚନରେ ସଂଖ୍ୟାଗରିଷ୍ଠତା ହାସଲ କରି ପାରିନଥିବାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସ୍ଥାନରେ କେହି ଜଣେ ପ୍ରଧାନମନ୍ତ୍ରୀ ହେବା ଉଚିତ।

ସାଗରିକା ଘୋଷ ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ରେ ଲେଖିଛନ୍ତି, ନରେନ୍ଦ୍ର ମୋଦୀଙ୍କ ଶପଥ ଗ୍ରହଣ ଉତ୍ସବ ପାଳନ କରୁଥିବା ସମସ୍ତଙ୍କୁ ମମତା ବାନାର୍ଜୀଙ୍କ ବାର୍ତ୍ତା। ସମଗ୍ର ତଥାକଥିତ ‘ସମାରୋହ’ରେ ସେ ସମସ୍ତ ଲାଇଟ୍ ବନ୍ଦ କରି ଅନ୍ଧାରରେ ବସିଥିଲେ କାରଣ ‘ପ୍ରଧାନମନ୍ତ୍ରୀ’ ଜନାଦେଶ ହରାଇଛନ୍ତି ଏବଂ ଜନତା ତାଙ୍କୁ ପ୍ରତ୍ୟାଖ୍ୟାନ କରିଛନ୍ତି। ” ସାଗରିକା  ଲେଖିଛନ୍ତି, ” ବାରାଣସୀରେ ସେ ପ୍ରାୟ ହାରିଥିଲେ, ଅଯୋଧ୍ୟାରେ ହାରିଥିଲେ, ନିଜକୁ କେନ୍ଦ୍ରରେ ରଖି ଏକ ହାଇଭୋଲଟେଜ୍ ନିର୍ବାଚନ ପ୍ରଚାର ସତ୍ତ୍ୱେ ସେ ସଂଖ୍ୟାଗରିଷ୍ଠତା ହାସଲ କରିପାରିନଥିଲେ। ମୋଦୀଙ୍କୁ ବଦଳାଯିବା ଦରକାର । ବିଜେପି ନୂଆ ନେତା ଚୟନ କରିବା ଦରକାର। ” ତେବେ ମୋଦିଙ୍କ ଶପଥ ଗ୍ରହଣ ସମାରୋହରେ ଟିଏମସି ଯୋଗ ଦେଇନଥିଲେ ।