ଏହି କାରଣରୁ ଘୁଞ୍ଚିଲା ‘ପୁଷ୍ପା ୨’ର ରିଲିଜ୍ ତାରିଖ ..
1 min read
ଦକ୍ଷିଣର ପ୍ରସିଦ୍ଧ ଅଭିନେତା ଅଲ୍ଲୁ ଅର୍ଜୁନ ବର୍ତ୍ତମାନ ତାଙ୍କର ଆଗାମୀ ଚଳଚ୍ଚିତ୍ର ‘ପୁଷ୍ପା ୨- ଦ ରୁଲର୍’ ପାଇଁ ବର୍ତ୍ତମାନ ଲାଇମଲାଇଟରେ ଅଛନ୍ତି । ଲୋକମାନେ ତାଙ୍କ ଫିଲ୍ମ ରିଲିଜକୁ ଉତ୍ସାହର ସହିତ ଅପେକ୍ଷା କରିଛନ୍ତି। ଏହି ଚଳଚ୍ଚିତ୍ର ରିଲିଜକୁ ଅପେକ୍ଷା କରିଥିବା ପ୍ରଶଂସକମାନଙ୍କ ପାଇଁ ରିହିଛି ଏକ ଗୁରୁତ୍ୱପୂର୍ଣ୍ଣ ଖବର । ଏକ ରିପୋର୍ଟ ଅନୁଯାୟୀ, ‘ପୁଷ୍ପା ୨’ର ରିଲିଜ୍ ତାରିଖକୁ ଘୁଞ୍ଚା ଯାଇଛି । ତେବେ ଏହି ଖବର ପ୍ରକାଶ ପାଇବା ପରେ ଅନେକଙ୍କ ମଧ୍ୟରେ ଅସନ୍ତୋଷ ଦେଖିବା ପାଇଁ ମିଳିଛି । ଆପଣଙ୍କୁ ଜଣାଇବା ପାଇଁ ଚାହିଁବୁ ଯେ, ପୁଷ୍ପା ଦ ରୁଲର୍ ଅଗଷ୍ଟ ୧୫ ରେ ରିଲିଜ୍ ହେବାର ଥିଲା, କିନ୍ତୁ ବର୍ତ୍ତମାନ ଫିଲ୍ମର ରିଲିଜ୍ ତାରିଖକୁ ପରିବର୍ତ୍ତନ କରାଯାଇଛି ବୋଲି ଚର୍ଚ୍ଚା ହେଉଛି ।
ତେବେ ହେଉଥିବା ଚର୍ଚ୍ଚା ଅନୁଯାୟୀ ଏହି ଚଳଚ୍ଚିତ୍ର ନିର୍ଦ୍ଧାରିତ ରିଲିଜ୍ ତାରିଖ ଦିନ ପ୍ରେକ୍ଷାଳୟରେ ମୁକ୍ତିଲାଭ କରିବ ନାହିଁ, ଏହି ଖବର ପ୍ରଶଂସକମାନଙ୍କୁ ଖୁବ ନିରାଶ କରିଛି । ହେଲେ ଏପର୍ଯ୍ୟନ୍ତ ପୁଷ୍ପା-୨ର ନିର୍ମାତା ଏ ନେଇ କୌଣସି ସୂଚନା ପ୍ରକାଶ କରି ନାହାଁନ୍ତି । ପୁଷ୍ପା ୨ ରିଲିଜ୍ ତାରିଖକୁ ସ୍ଥଗିତ ରଖିବାର କାରଣ ହେଉଛି ଫିଲ୍ମ ଏପର୍ଯ୍ୟନ୍ତ ଶେଷ ହୋଇନାହିଁ। ନିର୍ଦ୍ଦେଶକ ସୁକୁମାର ଏପର୍ଯ୍ୟନ୍ତ ଫିଲ୍ମର ସୁଟିଂ ଏବଂ ପୋଷ୍ଟ ପ୍ରଡକ୍ସନ୍ କାମ ଶେଷ କରିନାହାଁନ୍ତି ବୋଲି ଚର୍ଚ୍ଚା ହେଉଛି । ପୂର୍ବରୁ ଫିଲ୍ମର ଗୀତ ସିନେମା ଜଗତରେ ଚହଳ ସୃଷ୍ଟି କରିଛି ଏବଂ ଲୋକଙ୍କ ମନ ଜିଣିବାରେ ସଫଳ ହୋଇଛି ।
