କୁଏତ ଅଗ୍ନିକାଣ୍ଡ ଘଟଣା : ଅନ୍ୟଙ୍କୁ ବଞ୍ଚାଇଲେ ହେଲେ ନିଜର ଜୀବନ ଦେଇ..
1 min read
ଆଜି ଦୁନିଆ ଆସିବା ଆଗରୁ ବାପାର ଛାଇ ମୁଣ୍ଡ ଉପରୁ ଉଠିଗଲା , ପେଟ ଭିତରେ ଥାଇ ଆଜି ଅନାଥ ହୋଇଗଲା କଅଁଳ ଶିଶୁ l ସୁଦୁର କୁଏତ ରେ ଚାଲିଯାଇଛି ସ୍ୱାମୀର ଜୀବନ l ଏପଟେ ଛାତି ଫଟେଇ କାନ୍ଦୁଛି ସ୍ତ୍ରୀ l ସ୍ୱାମୀଙ୍କ ମୃତ୍ୟକୁ ଆଜିବି ସହଜରେ ଗ୍ରହଣ କରିପାରୁନି ସ୍ତ୍ରୀ l କେମିତି ବା ଗ୍ରହଣ କରିବ ସ୍ୱାମୀ କଥା ଦେଇଯାଇଥିଲେ ଶୀଘ୍ର ଘରକୁ ଆସିବେ ବୋଲି ଆଉ ଆଜି ସେ ଏମିତି ଧୋକା ଦେଇ ଅଧା ବାଟରୁ ହାତ ଛାଡିଦେବେ ବୋଲି ସେ ଜାଣିନଥିଲେ l ବୁଧବାର ଆରବ ମହାଦେଶ ର କୁଏତ ରେ ୬ ମହଲା ବିଲଡିଂ ରେ ଅଗ୍ନିକାଣ୍ଡ ଘଟିଥିଲା ଆଉ ସେହି ଅଗ୍ନିକାଣ୍ଡ ଆଜି ଉଜାଡି ଦେଇଛି ସୁନାର ସଂସାର l
ସୂଚନାନୁଯାୟୀ ତିଗିରିଆ ଥାନା ଅନ୍ତର୍ଗତ କରଡ଼ାପଲ୍ଲୀ ଗ୍ରାମର ୩୩ ବର୍ଷୀୟ ଯୁବକ ଜହୁର ଙ୍କର ମୃତ୍ୟୁ ହୋଇଛି l ଖବର ଅନୁଯାୟୀ କରଡ଼ାପଲ୍ଲୀ ଗ୍ରାମର ସମସୁର ମହମ୍ମଦ ଙ୍କ ତୃତୀୟ ପୁତ୍ର ମହମ୍ମଦ ଜହୁର ଦକ୍ଷିଣ କୁଏତ ର ମଙ୍ଗଫ ସହର ନାଶେରା ଅଲ୍ଲଵଦ୍ଧା ଟ୍ରେଡିଙ୍ଗ କମ୍ପାନୀ ରେ ସିବିଲ ଲାବୋରା୍ଟରୀ ଟେକନିସିୟାନ ଭାବେ କାର୍ଯ୍ୟରତ ଥିଲେ l ବୁଧବାର ଭୋର ସମୟ ରେ ମସଜିଦ ରେ ପ୍ରାର୍ଥନା (ନମାଜ ) ପାଠ ପରେ ୬ ମହଲା ବିଲଡିଂ ର ୫ମ ମହଲା ରେ ରହୁଥିବା ପ୍ରକୋଷ୍ଟ କୁ ଯାଉଥିବା ସମୟରେ ହଠାତ ଅଗ୍ନିକାଣ୍ଡ ଘଟିବାରୁ ଶୋଇଥିବା ଅନ୍ୟ ସାଥିମାନଙ୍କୁ ନିଦରୁ ଉଠାଇଥିଲେ l ହେଲେ କିଛି ସାଙ୍ଗ ୬ ମହଲା ଉପର କୁ ଯାଇ ଜୀବନ ବଞ୍ଚାଇ ଥିବା ବେଳେ ସେ ତଳକୁ ଆସି ପ୍ରବଳ ଧୂଆଁ ରେ ଅଣନିଶ୍ୱାସୀ ହୋଇ ଗୁରୁତର ଅବସ୍ଥାରେ ଦମକଳ ବାହିନୀ ଦ୍ଵାରା ଉଦ୍ଧାର ହୋଇ ଡାକ୍ତରଖାନା ରେ ଚିକିତ୍ସାଧିନ ଅବସ୍ଥା ମୃତ୍ୟୁ ବରଣ କରିଥିଲେ l
ସେଠାରେ ଥିବା ସମ୍ପର୍କୀୟ ଙ୍କ ଦ୍ଵାରା ଚି଼ହ୍ନଟ ପରେ ତାଙ୍କର ମୃତ୍ୟଦେହ ଭାରତ ପଠାଇଛି l ଜହୁର ଙ୍କ ମୃତ୍ୟୁ ଖବର ପାଇଲା ପରେ ଦୁଃଖରେ ପରିବାର ଲୋକ ଭାଙ୍ଗି ପଡିଛନ୍ତି l ଜହୁର ସ୍ତ୍ରୀ ଏବେ ୭ ମାସର ଗର୍ଭବତୀ ଅଛନ୍ତି l ମୃତ୍ୟୁ ଖବର ପାଇଲା ପରେ ସ୍ଥାନୀୟ ଅଞ୍ଚଳ ରେ ଶୋକ ର ଛାୟା ଖେଳି ଯାଇଛି l ସୂଚନା ଯୋଗ୍ୟ କି ଉକ୍ତ ବିଲଡିଂ ରେ ୧୯୫ ରୁ ଅଧିକ ଲୋକ ରହୁଥିଲେ l ଅଗ୍ନିକାଣ୍ଡ ରେ ଭାରତ ର ବିଭିନ୍ନ ରାଜ୍ୟ ର ୪୦ ରୁ ଅଧିକ ଯୁବକ ଙ୍କ ମୃତ୍ୟୁ ହୋଇଛି l
