BCCIର ବଡ ଘୋଷଣା : ଏଥର ପୁରୁଷ ଏବଂ ମହିଳା କ୍ରିକେଟରଙ୍କୁ ମିଳିବ ସମାନ ଦରମା
1 min read
ନୂଆଦିଲ୍ଲୀ: ଭାରତୀୟ କ୍ରିକେଟର ଐତିହାସିକ ନିଷ୍ପତ୍ତି । ଏଣିକି ସବୁ କ୍ରିକେଟରମାନଙ୍କୁ ମିଳିବ ସମାନ ଦରମା । କଣ ଆପଣମାନଙ୍କୁ ଶୁଣିକି ବି ଆଶ୍ଚର୍ଯ୍ୟ ଲାଗୁଛି କି ! କିନ୍ତୁ ଏହା ସତ । କ୍ରିକେଟରେ ସମସ୍ତଙ୍କୁ ସମାନ ପାଉନା ମିଳିବା ପାଇଁ ଏକ ନୂତନ ପଦକ୍ଷେପ ନେଇଛି ବିସିସିଆଇ । ଏବେ ଉଭୟ ମହିଳା ଓ ପୁରୁଷ କ୍ରିକେଟ ଖେଲାଳୀମାନଙ୍କ ମଧ୍ୟରେ କୌଣସି ଭେଦଭାବ ଦେଖାଦେବ ନାହିଁ । ପୁରୁଷ କ୍ରିକେଟର ମାନଙ୍କ ଭଳି ମହିଳା କ୍ରିକେଟରମାନଙ୍କୁ ମଧ୍ୟ ସେତିକି ଦରମା ମିଳିବ । ଏନେଇ ବିସିସିଆଇର ସଚିବ ଜୟ ଶାହା ଟ୍ୱିଟ୍ କରି ସୂଚନା ଦେଇଛନ୍ତି ।
କ୍ରିକେଟରେ ଲିଙ୍ଗଗତ ସମାନତାର ଏକ ନୂତନ ଯୁଗକୁ ଯିବାବେଳେ ଉଭୟ ପୁରୁଷ ଏବଂ ମହିଳା କ୍ରିକେଟ୍ ଖେଳାଳିଙ୍କୁ ସବୁ କ୍ଷେତ୍ରରେ ସମାନତା ଦିଆଯିବ ବୋଲି ଶାହା କହିଛନ୍ତି ।ସୂଚନା ଅନୁଯାୟୀ ପୁରୁଷ କ୍ରିକେଟରଙ୍କ ପରି ମହିଳା କ୍ରିକେଟରମାନେ ଏବେଠୁ ଟେଷ୍ଟ ପାଇଁ ୧୫ ଲକ୍ଷ , ODI ପାଇଁ ୬ ଲକ୍ଷ, T20 ପାଇଁ ୩ ଲକ୍ଷ ମିଳିବ। ଏହା ସହ ଏହି ନିଷ୍ପତ୍ତିକୁ ସମର୍ଥନ କରିଥିବାରୁ ଜୟ ଶାହା ଓପେକ୍ସ କାଉଁସିଲକୁ ଧନ୍ୟବାଦ ଜଣାଇଛନ୍ତି ।
ଏଭଳି ହେବା ପରେ ଦେଶରେ ମହିଳାମାନଙ୍କର କ୍ରିକେଟକୁ ଏବ ବୃତ୍ତିଭାବେ ଚୟନ କରିବାର ଆଗ୍ରହ ଦେଖାଦେବ । ଏବଂ ଦର୍ଶକେ ଉଭୟକୁ ସମାନ ଗୁରୁତ୍ୱ ଦେବେ । ଏହା ସହ ମହିଳା କ୍ରିକେଟରମାନଙ୍କର ମନବଳ ମଧ୍ୟ ସୁଦୃଢ ହେବ ।
