ତ୍ରିପୁରାରେ HIV ଭୟ; ୮୨୮ ଛାତ୍ରଛାତ୍ରୀ ହେଲେଣି ସଂକ୍ରମିତ, ଗଲାଣି ୪୭ ଛାତ୍ରଙ୍କ ଜୀବନ !
1 min read
ତ୍ରିପୁରାରୁ ଆସିଛି ଏକ ଭୟଙ୍କର ଖବର, ଯାହାପରେ ସବୁଆଡେ ଖେଳିଯାଇଛି ଆତଙ୍କ | ରାଜ୍ୟରେ ବଢ଼ିବାରେ ଲାଗିଛି ଏଚଆଇଭି ସଂକ୍ରମିତଙ୍କ ସଂଖ୍ୟା । ରାଜ୍ୟରେ ୮୨୮ ଜଣା ଛାତ୍ର ସଂକ୍ରମିତ ଚିହ୍ନଟ ହୋଇଥିବାବେଳେ ୪୭ ଜଣଙ୍କ ଜୀବନ ଯାଇଛି । ଯାହାକୁ ନେଇ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି ଏହି ଖବର । ତେବେ ଏହାକୁ ନେଇ ତ୍ରିପୁରା ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ପ୍ରତିକ୍ରିୟା ପ୍ରକାଶ ପାଇଛି । ତେବେ ଏହି ରିପୋର୍ଟ ବିଭ୍ରାନ୍ତିକର ବୋଲି କୁହାଯାଇଛି । ଏହି ସଂଖ୍ୟା ୨୦୦୭ରୁ ୨୦୨୪ର ରିପୋର୍ଟ ଜଣାପଡିଛି ।
ତେବେ । ତ୍ରିପୁରା ରାଜ୍ୟ ଏଡସ୍ କଣ୍ଟ୍ରୋଲ୍ ସୋସାଇଟି (TSSES) ର ଜଣେ ବରିଷ୍ଠ ଅଧିକାରୀଙ୍କ କହିବାନୁସାରେ, ତ୍ରିପୁରାରେ ଏଚ୍ଆଇଭି ଯୋଗୁଁ ଏବେ ସୁଦ୍ଧା ୪୭ ଜଣଙ୍କର ମୃତ୍ୟୁ ହୋଇଛି ଏବଂ ୮୨୮ ଜଣ ଛାତ୍ର HIV ପଜିଟିଭ୍ ଚିହ୍ନଟ ହୋଇଛନ୍ତି। TSSES ର ନିର୍ଦ୍ଦେଶକ କହିଛନ୍ତି ଯେ ବିଦ୍ୟାଳୟର ଛାତ୍ରମାନେ ବହୁ ପରିମାଣରେ ନିଶାଦ୍ରବ୍ୟ ଗ୍ରହଣ କରୁଛନ୍ତି। ଛାତ୍ରମାନେ ଇଞ୍ଜେକ୍ସନ ଦିଆଯାଉଥିବା ନିଶାଦ୍ରବ୍ୟ ସେବନ କରୁଛନ୍ତି, HIV ର ଏହି ସଂଖ୍ୟା ବିଷୟରେ TSSES ଅଧିକାରୀ କହିଛନ୍ତି ଯେ ଏପର୍ଯ୍ୟନ୍ତ ଆମେ ୮୨୮ ଜଣ ଛାତ୍ରଙ୍କୁ ଏଚ୍ଆଇଭି ପଜିଟିଭ୍(HIV Positive) ଭାବରେ ପଞ୍ଜୀକୃତ କରାଯାଇଛି।
ଏହି ପ୍ରସଙ୍ଗରେ ଏକ ଚିଠି ମଧ୍ୟ ଜାରି କରାଯାଇଛି ଯେଉଁଥିରେ ଲେଖାଯାଇଛି ଯେ ଏପ୍ରିଲ, ୧୯୯୯ ପରଠାରୁ ତ୍ରିପୁରାରେ ଜାତୀୟ ଏଡସ୍ ନିୟନ୍ତ୍ରଣ କାର୍ଯ୍ୟକ୍ରମ କାର୍ଯ୍ୟକାରୀ ହେଉଛି। ଜାତୀୟ ଏଡସ୍ ନିୟନ୍ତ୍ରଣ ସଂଗଠନ ନିୟନ୍ତ୍ରଣ ପାଇଁ ସମସ୍ତ ପଦକ୍ଷେପ ନିଆଯାଇଛି | ଏଚ୍ଆଇଭିରେ ପୀଡିତ ମୋଟ ଲୋକ: ତ୍ରିପୁରା ସାମ୍ବାଦିକ ସଂଘ, ୱେବ୍ ମିଡିଆ ଫୋରମ୍ ଏବଂ ଟିଏସ୍ଏସ୍ଏସ୍ ଦ୍ୱାରା ଆୟୋଜିତ ମିଡିଆ କର୍ମଶାଳାରେ TSSES ର ଯୁଗ୍ମ ନିର୍ଦ୍ଦେଶକ ସୁବ୍ରଜିତ ଭଟ୍ଟାଚାର୍ଯ୍ୟ ତ୍ରିପୁରାରେ ଏଚ୍.ଆଇ.ଭି.ର ପରିସ୍ଥିତିର ବିସ୍ତୃତ ବିବରଣୀ ଉପସ୍ଥାପନ କରିଛନ୍ତି। ଏହି ରିପୋର୍ଟ ଅନୁସାରେ ତ୍ରିପୁରାରେ ୮୨୮ ଜଣ ଛାତ୍ରଙ୍କୁ ଏଚ୍ଆଇଭି ପଜିଟିଭ୍(HIV Positive) ଭାବରେ ପଞ୍ଜୀକୃତ କରାଯାଇଛି ଏଥିମଧ୍ୟରୁ ୫୭୨ ଜଣ ଛାତ୍ର ଜୀବିତ ଥିବା ବେଳେ ୪୭ ଜଣଙ୍କର ମୃତ୍ୟୁ ହୋଇଛି |
ଅଧିକାରୀ କହିଛନ୍ତି ଯେ ଏପର୍ଯ୍ୟନ୍ତ ୨୨୦ ଟି ସ୍କୁଲ ଏବଂ ୨୪ ଟି କଲେଜ ଏବଂ ବିଶ୍ୱବିଦ୍ୟାଳୟ ଚିହ୍ନଟ କରାଯାଇଛି ଯେଉଁଠାରେ ଛାତ୍ରଛାତ୍ରୀମାନେ ନିଶା ସେବନ କରିଥିବା ଜଣାପଡିଛି। ଏହି ତଥ୍ୟ ସଂଗ୍ରହ ପ୍ରାୟ ସମସ୍ତ ବ୍ଲକ ଏବଂ ସବଡିଭିଜନକୁ ଅନ୍ତର୍ଭୁକ୍ତ କରି ରାଜ୍ୟର ୧୬୪ ସ୍ୱାସ୍ଥ୍ୟ ସୁବିଧା ଠାରୁ ସଂଗ୍ରହ କରାଯାଇଥିଲା | ବର୍ତ୍ତମାନ ଏହି ଖବର ଉପରେ ରାଜ୍ୟ ସରକାର ସ୍ପଷ୍ଟୀକରଣ ଦେଇଛନ୍ତି।
TSSES ର ନିର୍ଦ୍ଦେଶକ କହିଛନ୍ତି ଯେ, ପ୍ରତିଦିନ ୫ ରୁ ୭ ଏଡସ ମାମଲା ସାମ୍ନାକୁ ଆସୁଛି | ଏହି ରିପୋର୍ଟରେ ମଧ୍ୟ ଏହା କୁହାଯାଇଛି ଆଣ୍ଟି ରେଟ୍ରୋ ଭାଇରାଲ ଥେରେପି ପାଇଁ ମେ ୨0୨୪ ସୁଦ୍ଧା ୮ ହଜାର ସଂଖ୍ୟାରୁ ଅଧିକ ରେଜିଷ୍ଟ୍ରି କରାଯାଇଛି | ଏଥିମଧ୍ୟରୁ ଏଚ୍ଆଇଭିରେ ପୀଡିତ ଲୋକଙ୍କ ସଂଖ୍ୟା ହେଉଛି ୫,୬୭୪। ସେଥିମଧ୍ୟରୁ ୪,୫୭୦ ଜଣ ପୁରୁଷ ହୋଇଥିବାବେଳେ ୧,୧୦୩ ଜଣ ମହିଳା ଅଟନ୍ତି। ସେମାନଙ୍କ ମଧ୍ୟରେ କେବଳ ଜଣେ ରୋଗୀ ଟ୍ରାନ୍ସଜେଣ୍ଡର ଅଟନ୍ତି। ଛାତ୍ରମାନଙ୍କ ବିଷୟରେ କହିବାକୁ ଗଲେ ୮୨୭ ଜଣ ହୋଇଛନ୍ତି ସଂକ୍ରମିତ |
