ରାଧିକା ଅନନ୍ତଙ୍କ ବିବାହକୁ ଫିକା କରିଦେବ ବର୍ଷା..
1 min read
ଫିକା ପଡ଼ିଯିବ ଅନନ୍ତ ରାଧିକା ଙ୍କ ବାହାଘର । କାରଣ ଆଜି ସକାଳୁ ମୁମ୍ବାଇ ଏବଂ ଏହାର ଉପକଣ୍ଠ ଅଞ୍ଚଳରେ ପ୍ରବଳ ବର୍ଷା । ଯାହାଫଳରେ ବର୍ଷା ସହରରେ ବ୍ୟାପକ ବ୍ୟାଘାତ ସୃଷ୍ଟି କରିବା ସହ ଟ୍ରାଫିକ ବ୍ୟବସ୍ଥାକୁ ମଧ୍ୟ ପ୍ରଭାବିତ କରିଛି । ଭାରତୀୟ ପାଣିପାଗ ବିଭାଗ (ଆଇଏମଡି) ଶୁକ୍ରବାର ଏବଂ ଶନିବାର ସହର ପାଇଁ ଅରେଞ୍ଜ ଆଲର୍ଟ ଜାରି କରିଥିବା ବେଳେ ପ୍ରବଳ ବର୍ଷା ଜାରି ରହିବ ବୋଲି ଆଶା କରାଯାଉଛି। ତେବେ ଏହାରି ମଧ୍ୟରେ ବିଶିଷ୍ଟ ଶିଳ୍ପପତି ମୁକେଶ ଅମ୍ବାନୀଙ୍କ ସାନ ପୁଅ ଅନନ୍ତ ଅମ୍ବାନୀ ଏବଂ ରାଧିକା ମର୍ଚାଣ୍ଟଙ୍କ ବିବାହ ପାଇଁ ପ୍ରସ୍ତୁତି ହେଉଥିବା ବେଳେ ଏହି ଖରାପ ପାଗ ଯୋଗୁ ବାଧା ସୃଷ୍ଟି କରୁଛି ।
ଅନନ୍ତ ରାଧିକା ଙ୍କ ବିବାହରେ ବିଭିନ୍ନ ଦେଶରୁ ବହୁ ମାନଗଣ୍ୟ ବ୍ୟକ୍ତି ଯୋଗ ଦେବାକୁ ଥିବା ବେଳେ ବର୍ଷା ସବୁ ଯୋଜନାକୁ ଫିକା କରୁଛି । ଆସନ୍ତା ୩-୪ ଘଣ୍ଟା ମଧ୍ୟରେ ମୁମ୍ବାଇ ଜିଲ୍ଲାର ବିଚ୍ଛିନ୍ନ ସ୍ଥାନରେ ପ୍ରବଳ ବର୍ଷା ହେବାର ସମ୍ଭାବନା ରହିଛି ବୋଲି ପାଣିପଗେ ବିଭାଗ ସକାଳ ୮.୩୦ରେ ପୂର୍ବାନୁମାନ କରିଛି। ରାତି ପ୍ରାୟ ୪ଟା ସମୟରେ ମଧ୍ୟ ୩.୮ ମିଟର ଉଚ୍ଚ ଜୁଆର ହେବାର ଆଶଙ୍କା ରହିଛି। ଏହି ବର୍ଷା ମୁମ୍ବାଇ ବିମାନବନ୍ଦରରୁ ବିମାନ ସେବା ଉପରେ ମଧ୍ୟ ପ୍ରଭାବ ପକାଇଛି। ବର୍ଷା ମୁମ୍ବାଇ ବିମାନ ଚଳାଚଳ ଉପରେ ପ୍ରଭାବ ପକାଇଥିବା ବେଳେ ଯାତ୍ରୀମାନଙ୍କୁ ବିମାନ ସ୍ଥିତି ଯାଞ୍ଚ କରିବାକୁ ପରାମର୍ଶ ଦିଆଯାଇଛି।
