ରାଇସ୍ ମିଲ ମାଲିକଙ୍କ ଘରେ ପଶି ହାତଗୋଡ ବାନ୍ଧିଲେ , ସୁନା-ଟଙ୍କା ଧରି ଛୁ ମାରିଲେ ।
1 min readସମ୍ବଲପୁର ; ରାତି ଅଧରେ ଘରେ ପସିଲେ ହାତ ଗୋଡ ବାନ୍ଧି ଲୁଟିନେଲେ । ସମ୍ବଲପୁର ବୁର୍ଲା ଥାନା ଅନ୍ତର୍ଗତ ବାବୁବନ୍ଦ ସ୍ଥିତ ଭେଙ୍କେଟେଶ୍ବର ରାଇସ ମିଲ୍ ମାଲିକ ମୋତିଆଲା ରାକେଶ ଙ୍କ ଘରେ ଏମିତି ଡକାୟତି ହୋଇଥିବା ନେଇ ଅଭିଯୋଗ ହୋଇଛି । ଗତକାଲି ବିଳମ୍ବିତ ରାତ୍ରିରେ ଏହି ଡକାୟତି ହୋଇଥିବା ନେଇ ସୂଚନା ରହିଛି ।
କିଛି ଡକାୟତ ମାନେ ବାବୁବନ୍ଧ ସ୍ଥିତ ମିଲ ମାଲିକଙ୍କ ଘରେ ରାତ୍ରି ସମୟର ଫାଇଦା ନେଇ ଘରକୁ ପଶିଥିଲେ । ଏହାସହ ଘର ଥିବା ସପରିବାର ସଦସ୍ୟ ଙ୍କୁ ବାନ୍ଧି ମିଲ ମାଲିକଙ୍କ ଘରେ ଥିବା ୧୦୦ ଗ୍ରାମ ସୁନା ଓ ନଗଦ ୧ ଲକ୍ଷ ଟଙ୍କା ନେଇ ଫେରାର ହୋଇ ଯାଇଥିବା ଅଭିଯୋଗ ହୋଇଛି ।
ବୁର୍ଲା ପୋଲିସ କୁ ଏହି ଘଟଣା ବାବଦରେ ଜଣାଇବା ପରେ ବୁର୍ଲା ଥାନା ଅଧିକାରୀ ଏବଂ ବୁର୍ଲା ଏସଡିପିଓ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିବା ସହ ଘରେ ଲାଗିଥିବା ସିସିଟିଭି ମଧ୍ୟ ଯାଞ୍ଚ କରୁଥିବା ନେଇ ସୂଚନା ରହିଛି ।