କାନରେ ଧଳା ବ୍ୟାଣ୍ଡେଜ୍ ; ଆମେରିକାରେ ହୋଇଛି ନୂଆ ଫ୍ୟାସନ ଟ୍ରେଣ୍ଡ
1 min read
ଆମେରିକାରେ ଆରମ୍ଭ ହୋଇଛି ନୂଆ ଫ୍ୟାସନ | ଡାହାଣ କାନରେ ଧଳା ବ୍ୟାଣ୍ଡେଜ୍ ପିନ୍ଧିବା ଫ୍ୟାସନ ଟ୍ରେଣ୍ଡ | ଗୁଳିମାଡରେ ଆହତ ପୂର୍ବତନ ରାଷ୍ଟ୍ରପତି ତଥା ରିପବ୍ଲିକାନ ପାର୍ଟି ପ୍ରାର୍ଥୀ ଡୋନାଲ୍ଡ ଟ୍ରମ୍ପ ଡାହାଣ କାନରେ ଧଳା ବ୍ୟାଣ୍ଡେଜ୍ ଲଗାଇ ସାଧାରଣରେ ଦେଖାଯିବା ପରେ ତାଙ୍କ ସମର୍ଥକମାନେ ଏହାକୁ ଆପଣାଇଛନ୍ତି।
ନିକଟରେ ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ଏକ ନିର୍ବାଚନ ରାଲିରେ ଗୁଳିମାଡ଼ କରାଯାଇଥିଲା । ନିର୍ବାଚନ ରାଲିରେ ଆକ୍ରମଣକାରୀ ତାଙ୍କ ଉପରକୁ ଅନେକ ଗୁଳି ଚଳାଇଥିଲେ। ଏହି ଆକ୍ରମଣରେ ସେ ଆହତ ହୋଇଥିଲେ ଏବଂ ତାଙ୍କ ଡାହାଣ କାନର ଉପର ଅଂଶରେ ଆଘାତ ଲାଗିଥିଲା | ଆଘାତ ପରେ ରିପବ୍ଲିକାନ୍ ନ୍ୟାସନାଲ କନକ୍ଲେଭରେ ଡୋନାଲ୍ଡ ଟ୍ରମ୍ପ ତାଙ୍କର ପ୍ରଥମ ପ୍ରଦର୍ଶନ କରିଥିଲେ। ତାଙ୍କ ଡାହାଣ କାନରେ ଏକ ବ୍ୟାଣ୍ଡେଜ୍ ବନ୍ଧା ହୋଇଥିଲା | ଟ୍ରମ୍ପ କନକ୍ଳେଭକୁ ଆସିଥିଲେ ଏବଂ ଜନତା ତାଙ୍କୁ କରତାଳି ଦେଇ ସ୍ୱାଗତ କରିଥିଲେ।
Advertisement
