ବିବାହ ବିଚ୍ଛେଦ ପରେ ହାର୍ଦ୍ଦିକ ଦେବେ ନତାଶାଙ୍କୁ ଏତିକି କୋଟିର ସମ୍ପତ୍ତି…

ଭାରତୀୟ ଷ୍ଟାର ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ଏବଂ ନତାଶା ଷ୍ଟାନ୍‌କୋଭିକ ଙ୍କ ଭାଙ୍ଗିଲା ସାତ ଜନ୍ମର ସମ୍ପର୍କ । ସବୁ ସମ୍ପର୍କ ତୁଟାଇ ଦୁହେଁ ଅଲଗା ହୋଇଯାଇଛନ୍ତି  ।  ଯାହା ନିଜେ ହାର୍ଦ୍ଦିକ ପାଣ୍ଡ୍ୟା ସୋସିଆଲ ମିଡ଼ିଆ ଜରିଆରେ ନିଶ୍ଚିତ କରିଛନ୍ତି ।ହାର୍ଦ୍ଦିକ କହିଛନ୍ତି ଯେ, 4 ବର୍ଷ ଏକାଠି ରହିବା ପରେ ମୁଁ ଏବଂ ନତାଶା ପରସ୍ପରଠୁ ସହମତିରେ ଅଲଗା ହେବାର ନିଷ୍ପତ୍ତି ନେଇଛୁ। ତେବେ  ଏହାରି ମଧ୍ୟରେ  ପୁଣିଥରେ ଆଲୋଚନା ଆରମ୍ଭ ହୋଇଛି ଯେ ଛାଡପତ୍ର ପରେ ହାର୍ଦ୍ଦିକ ପାଣ୍ଡ୍ୟାଙ୍କ ସମ୍ପତ୍ତିରେ ନତାଶା କେତେ ଅଂଶ ପାଇବେ। ତେବେ ଆସନ୍ତୁ ଜାଣିବା ନତାଶାଙ୍କୁ କେତେ ଟଙ୍କା ଦେବେ ହାର୍ଦ୍ଦିକ।

ହାର୍ଦ୍ଦିକ ପାଣ୍ଡ୍ୟା ପ୍ରାୟତ ସର୍ବଦା ହେଡଲାଇନ ରେ ରହିଥାନ୍ତି  | କ୍ରିକେଟ୍ ପିଚ୍‌ରେ ତାଙ୍କର ଅଲରାଉଣ୍ଡର ପ୍ରଦର୍ଶନ ସହିତ ପ୍ରଶଂସକଙ୍କ ହୃଦୟକୁ ଜିତିଥାନ୍ତି , ଏହାସହିତ ପାଣ୍ଡ୍ୟା ମଧ୍ୟ ରୋଜଗାରରେ ଆଗରେ ଅଛନ୍ତି। ଖବର ଅନୁଯାୟୀ, ତାଙ୍କର ମୋଟ ସମ୍ପତ୍ତି ର  ମୂଲ୍ୟ ପ୍ରାୟ 170  କୋଟିରୁ ଅଧିକ ଅଟେ।   ସେ ପ୍ରତ୍ୟେକ ODI ମ୍ୟାଚ୍ ପାଇଁ 20 ଲକ୍ଷ, ଟେଷ୍ଟ ମ୍ୟାଚ୍ ପାଇଁ 30 ଲକ୍ଷ ଏବଂ ଟି -20 ମ୍ୟାଚ୍ ପାଇଁ 15 ଲକ୍ଷ ଟଙ୍କା ପାଇଥାନ୍ତି ।ଏହା ବ୍ୟତୀତ ସେ ଆଇପିଏଲରେ ମଧ୍ୟ ବହୁତ ରୋଜଗାର କରନ୍ତି | ତାଙ୍କର ଆନୁମାନିକ ମାସିକ ରୋଜଗାର ପ୍ରାୟ 1.5 କୋଟି ଟଙ୍କା | କ୍ରିକେଟ୍ ବ୍ୟତୀତ ହାର୍ଦ୍ଦିକ ପାଣ୍ଡ୍ୟା ସୋସିଆଲ ମିଡିଆରେ ମଧ୍ୟ ବହୁତ ଲୋକପ୍ରିୟ ।  ସେ ଅନେକ ବଡ ବ୍ରାଣ୍ଡକୁ ପ୍ରୋମାଟ କରି ବହୁତ ଟଙ୍କା ରୋଜଗାର କରନ୍ତି |   BoAt, Sin Denim, Gulf Oil India, Villain, Dream11, Xlerate, Souled Store, ଆମାଜନ ଆଲେକ୍ସା, ରିଲାଏନ୍ସ ରିଟେଲ, ଷ୍ଟାର ସ୍ପୋର୍ଟସ ରେ ସେ ରୋଜଗାର କରିଥାନ୍ତି  । ତେବେ ଏହା ମଧ୍ୟରେ ଚର୍ଚ୍ଚା ହେଉଛି ଯେ ଯେ ହାର୍ଦ୍ଦିକଙ୍କୁ 170 କୋଟି ଟଙ୍କା ମୂଲ୍ୟର 70 ପ୍ରତିଶତ ସମ୍ପତ୍ତି ନତାଶାଙ୍କୁ ଦେବାକୁ ପଡିବ । ହେଲେ କଥାର ସତ୍ୱତା କେତେ ରହିଛି ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇ ନାହିଁ ।

Advertisement

 ପ୍ରଶଂସକମାନେ ସୋସିଆଲ ମିଡିଆରେ ଏପରି ଅନେକ ପ୍ରଶ୍ନ କରୁଥିବାର ଦେଖିବା ପାଇଁ ମିଳୁଛି । ତେବେ, ନିକଟରେ 2018 ରେ ହାର୍ଦ୍ଦିକ ଏକ ସାକ୍ଷାତକାର ସମୟରେ କହିଥିଲେ ଯେ ସେ ତାଙ୍କର ସମସ୍ତ ସମ୍ପତ୍ତି ତାଙ୍କ ମାଙ୍କ ନାମରେ ରଖିଛନ୍ତି, କାରଣ ସେ ଭବିଷ୍ୟତରେ ଆୟର 50 ପ୍ରତିଶତ କାହାକୁ ଦେବାକୁ ଚାହୁଁନାହାଁନ୍ତି। ନିୟମ ଅନୁସାରେ ହାର୍ଦ୍ଦିକଙ୍କୁ ରକ୍ଷଣାବେକ୍ଷଣ ଭାବରେ ନତାଶାଙ୍କୁ କିଛି ଟଙ୍କା ଦେବାକୁ ପଡିବ । କିନ୍ତୁ ଏହି ରାଶି କ’ଣ ହେବ ସେନେଇ ଏପର୍ଯ୍ୟନ୍ତ କୌଣସି ଘୋଷଣା କରାଯାଇ ନାହିଁ ।