ଏହି କାରଣ ପାଇଁ ବନ୍ଧା ହେଲେ କଂଗ୍ରେସ ବିଧାୟକ
1 min read
ବନ୍ଧା ହେଲେ କଂଗ୍ରେସ ବିଧାୟକ । ଅବୈଧ ଖଣି ଖନନ ମାମଲାରେ ହରିୟାଣାରେ ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି) ଗିରଫ କରିଛି । ଗିରଫ ହୋଇଥିବା ନେତାଜଣକ ହେଉଛନ୍ତି ହରିୟାଣାର ସୋନିପଥର କଂଗ୍ରେସ ବିଧାୟକ ସୁରେନ୍ଦ୍ର ପନୱର । ନିକଟରେ ବେଆଇନ ଖଣି ସମ୍ପର୍କିତ ଏକ ମାମଲାରେ ଇଡି ଟିମ ଯମୁନାନଗରର ବିଧାୟକ ସୁରେନ୍ଦ୍ର ପାନୱାର ଏବଂ ପୂର୍ବତନ ବିଧାୟକ ଦିଲବାଗ ସିଂଙ୍କ ଘରେ ଚଢାଉ କରିଥିଲା । ଚଳିତ ବର୍ଷ ଜାନୁୟାରୀରେ ଇଡି ଦ୍ୱାରା ୨୦ଟି ଜାଗାରେ ରେଡ କରାଯାଇଥିଲା ।
ଇଡି ପକ୍ଷରୁ ଯମୁନାନଗର ଅଞ୍ଚଳର ବିଭିନ୍ନ ସ୍ଥାନରେ ହୋଇଥିବା ରେଡ ବେଳେ ୫.୨୯ କୋଟି ନଗଦ ଟଙ୍କା, ୧୮୯ କୋଟି ମୂଲ୍ୟର ସୁନା, ଦୁଇଟି ଗାଡ଼ି ଓ ବହୁ ଡକ୍ୟୁମେଣ୍ଟ ଜବତ ହୋଇଛି । ଏହାବାଦ ଖଣି ପରିସରରୁ ଅବୈଧ ଅସ୍ତ୍ରଶସ୍ତ୍ର, ଗୋଳି ସହ ପ୍ରବଳ ମାତ୍ରାରେ ମଦ ଜବତ ହୋଇଥିଲା । ସେଠାରୁ ଇଡି ଅନେକ ଗୁରୁତ୍ୱପୂର୍ଣ୍ଣ ପ୍ରମାଣ ପାଇଥିଲା । ଯାହା ପରେ ଏବେ ସୁରେନ୍ଦ୍ର ପାନୱାରଙ୍କୁ ଗିରଫ କରାଯାଇଛି । ଅଧିକ ଦିନ ରିମାଣ୍ଡରେ ନେବା ନିମନ୍ତେ ଇଡି ଆଜି ତାଙ୍କୁ ଅମ୍ବାଲା ସ୍ପେଶାଲ କୋର୍ଟରେ ହାଜର କରିବ ବୋଲି ଜଣାପଡିଛି ।
