ମୋହନ ସରକାରଙ୍କ ପ୍ରଥମ ବଜେଟରେ କଣ ହେବ ଘୋଷଣା ?
1 min read
ଜୁଲାଇ ୨୨ ରୁ ଅରରମ୍ଭ ହୋଇଯାଇଛି ଓଡିଶା ବିଧାନସଭାର ବଜେଟ୍ ଅଧିବେଶନ । ଆଜି ୨୫ ଜୁଲାଇରେ ବିଜେି ସରକାରଙ୍କ ପ୍ରଥମ ବଜେଟ୍ ଉପସ୍ଥାପନା ହୋଇଛି । ଲୋକସଭା ଭବନରେ ଓଡିଶା ମୁଖ୍ୟମନ୍ତ୍ରୀ ମୋହନ ଚରଣ ମାଜିଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ସମ୍ପୂର୍ଣ୍ଣ ବଜେଟ୍ ପ୍ରସ୍ତାବକୁ ଅନୁମୋଦନ କରାଯାଇଛି। କୁହାଯାଉଛି ଯେ ଏହି ସମୟର ବଜେଟ୍ ପୂର୍ବ ସରକାରଙ୍କ ବଜେଟ୍ ତୁଳନାରେ ବହୁତ ଅଧିକ। ସୂଚନା ଅନୁଯାୟୀ, ଚଳିତ ବର୍ଷ ଓଡିଶାର ବଜେଟ୍ ଯୋଜନା ତିନି ଲକ୍ଷ କୋଟିକୁ ବୃଦ୍ଧି ପାଇପାରେ। ୨୦୨୪-୨୫ ଆର୍ଥିକ ବର୍ଷ ପାଇଁ ସମ୍ପୂର୍ଣ୍ଣ ବଜେଟ୍ ଉପସ୍ଥାପିତ ହେବ । ଏହା ନୂତନ ସରକାରଙ୍କ ପ୍ରଥମ ବଜେଟ୍ ହେବ।
ମୁଖ୍ୟମନ୍ତ୍ରୀ ମୋହନ ଚରଣ ମାଜି ବଜେଟ୍ ଉପସ୍ଥାପନ କରିବେ
ଅର୍ଥ ବିଭାଗର ଦାୟିତ୍ୱରେ ଥିବା ମୁଖ୍ୟମନ୍ତ୍ରୀ ମୋହନ ଚରଣ ମାଜି ଆଜି ବଜେଟ୍ ଉପସ୍ଥାପନ କରିଛନ୍ତି । ପୂର୍ବ ସରକାର ଚାରି ମାସର ମଧ୍ୟବର୍ତ୍ତୀକାଳୀନ ବଜେଟ୍ ଆଣିଥିଲେ। ବଜେଟର ବୈଧତା ଜୁଲାଇ ୩୧ ରେ ସମାପ୍ତ ହେବ । ଯେହେତୁ ସମ୍ପୂର୍ଣ୍ଣ ବଜେଟ୍ ପାସ୍ କରିବାରେ ବିଳମ୍ବ ହେବ, ତେଣୁ ଲିଖିତ ଆବଣ୍ଟନ ପ୍ରସ୍ତାବ ଜୁଲାଇ ୩୦ ସୁଦ୍ଧା ଆସିବ ଏବଂ ଜୁଲାଇ ୩୧ ସୁଦ୍ଧା ବ୍ୟୟ ଆବଣ୍ଟନ ବିଲ୍ ଅଣାଯିବ।
ତେବେ ନୂଆ ସରକାରରେ କେଉଁ କେଉଁ ଦିଗ ପ୍ରତି ଫୋକସ୍ ରହିବ, ତାଉପରେ ନଜର ଅଟକିଛି। ରାଜ୍ୟ ବଜେଟର ଆକାର କେତେ ବଢ଼ିବ? ଜନକଲ୍ୟାଣ ଯୋଜନା ନେଇ କ’ଣ ନୂଆ ଘୋଷଣା ହେବ, ଏହା ଉପରେ ସମସ୍ତଙ୍କ ଆଖି। ମୋହନ ମାଝୀଙ୍କ ସରକାର ଧାନର ସର୍ବନିମ୍ନ ସହାୟକ ମୂଲ୍ୟ ୩୧୦୦ ଟଙ୍କା କରିବା ଓ ମହିଳାଙ୍କ ପାଇଁ ସୁଭଦ୍ରା ଯୋଜନା ଲାଗୁ କରିବାକୁ ଘୋଷଣା କରିଛନ୍ତି। ଏହାଛଡ଼ା ବାର୍ଦ୍ଧକ୍ୟ ଭତା ୩ ହଜାର ଟଙ୍କାକୁ ବଢ଼ାଇ, ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା ବଦଳରେ ଆୟୁଷ୍ମାନ ଯୋଜନା ଲାଗୁ ନେଇ ସରକାରଙ୍କ ଆଭିମୁଖ୍ୟ ବଜେଟରୁ ସ୍ପଷ୍ଟ ହେବ। ଅନ୍ୟପଟେ କାଳିଆ ଯୋଜନାକୁ ନେଇ ଗତକାଲି ବିଧାନସଭାରେ କୃଷିମନ୍ତ୍ରୀ ରଖିଥିବା ଉତ୍ତର ଏହି ଯୋଜନାର ଭବିଷ୍ୟତକୁ ନେଇ ଦ୍ୱନ୍ଦ୍ୱ ବଢାଇଛି। ଏଭଳି ସ୍ଥଳେ କାଳିଆ ଯୋଜନା ବାବଦରେ ଅର୍ଥ ବ୍ୟୟବରାଦ ହେଉଛି ନା ନାହିଁ ତାହା ଉପରେ ହିତାଧିକାରୀଙ୍କ ନଜର ରହିବ।
ଏବେ ଉଭୟ କେନ୍ଦ୍ର ଓ ରାଜ୍ୟରେ ବିଜେପିର ଡବଲ ଇଞ୍ଜିନ ସରକାର ଚାଲିଛି। ତେଣୁ କିଛି ମହତ୍ୱାକାଂକ୍ଷୀ ଯୋଜନାର ଘୋଷଣା ମଧ୍ୟ ହୋଇପାରେ ଏହି ବଜେଟରେ। କେନ୍ଦ୍ର ବଜେଟରେ ଓଡ଼ିଶା ତୁଳନାରେ ଆନ୍ଧ୍ର ଓ ବିହାରକୁ ଅଧିକ ଅନୁଦାନ ମିଳିଲା ବୋଲି ଅଭିଯୋଗ ହୋଇଛି। ଏପରି ସ୍ଥଳେ ରାଜ୍ୟ ବଜେଟ୍ କ’ଣ କ’ଣ ନୂଆ ଘୋଷଣା ହେବ, ତାକୁ ଓଡ଼ିଶାବାସୀଙ୍କ ନଜର ରହିଛି।
