ଘରେ ଶୋଇଥିବା ବେଳେ ଲାଗିଲା ନିଆଁ, ଜଳିଗଲେ ୩ ଭାଇଭଉଣୀ
1 min read
ଘରେ ଶୋଇଥିଲେ ପରିବାର, ହେଲେ ହଠାତ ଘଟିଗଲା ଅଗ୍ନିକାଣ୍ଡ | ଅଗ୍ନିକାଣ୍ଡରେ ୩ ଭଉଣୀ ଜଳିଗଲେ ଜୀବନ୍ତ | ଉତ୍ତରପ୍ରଦେଶ ନୋଏଡାର ସେକ୍ଟର ୮ ରେ ଏପରି ଭୟଙ୍କର ଅଗ୍ନିକାଣ୍ଡ ଘଟିଛି | ଏହାସହ ମୃତ ପିଲାଙ୍କ ମା-ବାପା ଗୁରୁତର ଅବସ୍ଥାରେ ହସ୍ପିଟାଲରେ ଚିକିତ୍ସିତ ହେଉଛନ୍ତି | ତେବେ ଉଭୟ ଜୀବନ ସଙ୍କଟାପନ୍ନ ଥିବା ଡାକ୍ତର କହିଛନ୍ତି |
ସୂଚନା ଅନୁଯାୟୀ, ଉତ୍ତରପ୍ରଦେଶ ନୋଏଡାର ସେକ୍ଟର ୮ ରେ ଜଣଙ୍କ ଘରେ ଲାଗିଯାଇଥିଲା ନିଆଁ | ବୁଧବାର ଦିନ ଭୋର ୪ଟା ବେଳେ ଘରର ୫ ଜଣ ସଦସ୍ୟ ଶୋଇଥିବା ବେଳେ ଏଭଳି ଅଗ୍ନିକାଣ୍ଡ ଘଟିଛି | ବ୍ୟାଟେରୀ ଚାର୍ଜ ବସାଇବା କାରଣରୁ ସର୍ଟ-ସର୍କିଟ ଯୋଗୁଁ ଏହା ଅଗ୍ନିକାଣ୍ଡ ଘଟିଥିବା ନେଇ ଆଶଙ୍କା କରାଯାଉଛି | ୩ ଜଣ ଖଟ ଉପରେ ଶୋଇଥିବା ବେଳେ ବାପା-ମା ଚଟାଣରେ ଶୋଇଥିଲେ | ୩ ପିଲା ଜୀବନ୍ତ ଦଗ୍ଧ ହୋଇଯାଇଥିବା ବେଳେ ବାପା-ମା ଗୁରୁତର ଅବସ୍ଥାରେ ଡାକ୍ତରଖାନାରେ ଚିକିତ୍ସିତ ହେଉଛନ୍ତି | ସୂଚନା ମିଳିବା ପରେ ତୁରନ୍ତ ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ଉଦ୍ଧାରକାର୍ଯ୍ୟରେ ନିୟୋଜିତ ହୋଇଥିଲେ | କିନ୍ତୁ ତିନି ପିଲାଙ୍କୁ ବଞ୍ଚାଇ ପାରିନଥିଲେ | ମୃତକ ୩ ଭଉଣୀଙ୍କ ବୟସ ଜଣଙ୍କର ୧0 ବର୍ଷ ହୋଇଥିବା ବେଳେ, ଅନ୍ୟ ଜଣଙ୍କର ୭ ବର୍ଷ ହୋଇଥିବା ସମୟରେ ସାନ ଭଉଣୀଙ୍କର ୫ ବର୍ଷ ବୋଲି ଜଣାପଡିଛି |
