ରାହୁଲଙ୍କ ଫଟୋ ପୋଷ୍ଟ କରି ଟ୍ରୋଲ ହେଲେ କଙ୍ଗନା …
1 min read
ବଲିଉଡରେ ବିବାଦୀୟ ଅଭିନେତ୍ରୀ କଙ୍ଗନା । ସର୍ବଦା ବିଭିନ୍ନ ଘଟଣାରେ ବିବାଦୀୟ ବୟାନ ଦେଇ ଚର୍ଚ୍ଚାରେ ରୁହନ୍ତି । ଏବେ ରାଜନୀତିରେ ପାଦ ଦେବା ପରେ ପୁଣିଥରେ ତାଙ୍କ ବିବାଦୀୟ ବୟାନ ପାଇଁ ଚର୍ଚ୍ଚାରେ ରହିଛି । ଏଥର ବିବାଦୀୟ ବୟାନ ପାଇଁ ନୁହେଁ ବରଂ କଂଗ୍ରେସର ବରିଷ୍ଠ ନେତା ରାହୁଲ ଗାନ୍ଧିଙ୍କ ଫୋଟୋ ପୋଷ୍ଟ କରି ଏବେ ଟ୍ରୋଲର ଶିକାର ହୋଇଛନ୍ତି କଙ୍ଗନା । କଙ୍ଗନା ତାଙ୍କର ଅଫିସିଆଲ ଇନଷ୍ଟାଗ୍ରାମ ହ୍ୟାଣ୍ଡେଲରେ ରାହୁଲଙ୍କ ଏକ ଫଟୋ ଶେୟାର କରିଛନ୍ତି। ଯାହାକୁ ନେଇ ହଇଚଇ ସୃଷ୍ଟି ହୋଇଛି।
ସେହି ଫଟୋରେ ରାହୁଲ ଗାନ୍ଧୀଙ୍କ ମୁଣ୍ଡରେ ମୁସଲମାନ ସମ୍ପ୍ରଦାୟର ଟୋପି ରହିବା ସହ ତାଙ୍କ କପାଳରେ ଚନ୍ଦନ ଓ ତିଳକ ଲଗାଯାଇଛି ଏବଂ ତାଙ୍କ ବେକରେ ଏକ କ୍ରସ ମଧ୍ୟ ଅଛି। ଏହି ଫଟୋ ତଳେ ଲେଖାଯାଇଛି, ଜାତିଜୀବୀଙ୍କ ଠାରୁ ନ ପଚାରି ଜାତି ଜନ ଗଣନା କରିବା ଉଚିତ। ତେବେ ଏହି ଏଡିଟେଡ ଫଟୋ ପୋଷ୍ଟ କରି କଙ୍ଗନାଙ୍କୁ ଟ୍ରୋଲର ଶିକାର ହେବାକୁ ପଡିଛି। ଅନ୍ୟ ଏକ ପୋଷ୍ଟ କରି କଙ୍ଗନା ରାହୁଲ ଗାନ୍ଧୀଙ୍କୁ ମଧ୍ୟ ଟାର୍ଗେଟ କରିଛନ୍ତି। କଙ୍ଗନା କହିଛନ୍ତି, ଦ୍ୱିତୀୟ ଥର ପାଇଁ ଭାରତକୁ ଭାଗ ଭାଗ କରିବା କଥା କୁହ ନାହିଁ। କୌଣସି ଭାରତୀୟଙ୍କ ତାଙ୍କ ଜାତି ପଚାରିବା ପରି ଛୋଟ କଥାବାର୍ତ୍ତା କରନ୍ତୁ ନାହିଁ। ନିଜ ଘରକୁ ନିଆଁ ଲଗାଇବା ଭଳି କାର୍ଯ୍ୟ କରନ୍ତୁ ନାହିଁ। ତେବେ ଏହି ଫୋଟୋ ପୋଷ୍ଟ କରିବା ପରେ ଏବେ ସମସ୍ତେ କଙ୍ଗନା ଙ୍କୁ ଟ୍ରୋଲ କରୁଛନ୍ତି ।
