ସାବଧାନ ବଜାରକୁ ଆସୁଛି ନକଲି ‘ଟାଟା ଚା’
1 min read
କଟକ : କଣ ଆପଣ ବଜାରରୁ ଟାଟ ଚା କିଣୁଛନ୍ତି କି ! ତେବେ ହୋଇ ଯାଆନ୍ତୁ ସାବଧାନ । ବଜାରରେ ବିକ୍ରି ହେଉଛି ନକଲି ଟାଟା ଚା । ପୁର୍ବରୁ କଟକ ଜିଲ୍ଲାରେ ନକଲି ତେଲ, ଘିଅ, ଡିଟରଜେଣ୍ଟ୍ ଫ୍ୟାକ୍ଟ୍ରି,ମସଲା, ସସ୍ ଓ ଜର୍ଦ୍ଦା କରାଖାନା ଠାବ ହେବା ପରେ ବର୍ତ୍ତମାନ ନକଲି ଟାଟା ଚା’ ଜବତ କରିଛି ପୁଲିସ।
ସୂଚନା ଅନୁଯାୟୀ ନିଶ୍ଚିନ୍ତକୋଇଲି ଥାନା କଟିକଟା ବଜାରର ଏକ ଭେରାଇଟି ଷ୍ଟୋରରେ ରିଜବାନ ନକଲି ଚା’ ବିକ୍ରୀ କରୁଥିବା ପୁଲିସ କୌଣସି ସୂତ୍ରରୁ ଖବର ପାଇଥିଲା। ଗତକାଲି ନିଶ୍ଚିନ୍ତକୋଇଲି ପୁଲିସ ହଠାତ୍ ଦୋକାନ ଉପରେ ଚଢ଼ାଉ କରିଥିଲା। ଚଢ଼ାଉ ବେଳେ ବହୁ ସଂଖ୍ୟାରେ ଟାଟା ଚା’ ପ୍ୟାକେଟ ଜବତ କରିଥିଲା।
ଯାହ ଉପରେ କେବଳ ଟାଟାର ପ୍ୟାକେଟ୍ ଥିଲା କିନ୍ତୁ ତା ଅରଜିନାଲ କୋଡ୍ ବା ସ୍କାନର ନଥିଲା । ତେବେ କୌଣସି ଏକ କମ୍ପାନୀ ଏପରି କମ୍ ଦାମର ଚା ପ୍ରସ୍ତୁତ କରି ଟାଟା ପ୍ୟାକେଟ୍ ରେ ଭରି ଦୋକାନକୁ ପଠାଯାଉଛି । ବର୍ତ୍ତମାନ ପୋଲିସ ଦୋକାନଟି ଉପରେ ଚଢାଉ କରି ସମ୍ପୂର୍ଣ୍ଣ ମାମଲା ପଛରେ ଆଉ କେଉଁ କେଉଁ ଦୋକାନୀ ବା ବ୍ୟବସାୟୀ ମାନେ ରହିଛନ୍ତି ତାହା ଜାଣିବା ପାଇଁ ତଦନ୍ତ ଆରମ୍ଭ କରିଦେଇଛି ।
