ଭୂସ୍ଖଳନ ପୀଡିତଙ୍କ ପାଇଁ ସାହାଯ୍ୟର ହାତ ବଢାଇଲେ ସାଉଥ ସୁପରଷ୍ଟାର ଅଲ୍ଲୁ ଅର୍ଜୁନ୍

ନିକଟରେ କେରଳର ୱାୟାନାଡାରେ ପ୍ରବଳ ବର୍ଷା ହେତୁ ଭୂସ୍ଖଳନ ଘଟିଛି ଯେଉଁଥିରେ ଅନେକ ଲୋକ ପ୍ରାଣ ହରାଇଛନ୍ତି। ଅନେକ ନିଜ ଘରୁ ଭୂମିହୀନ ହୋଇଯାଇଛନ୍ତି। ଗତ ଏକ ସପ୍ତାହରୁ ଉଦ୍ଧାରକାରୀ ଦଳର ସର୍ଚ୍ଚ ଅପରେସନ୍ ଚାଲିଛି।

ଏଭଳି ପରିସ୍ଥିତିରେ ଶନିବାର ସୁପରଷ୍ଟାର ମୋହନଲାଲ ୱାୟାନାଡାର ପ୍ରଭାବିତ ଅଞ୍ଚଳ ପରିଦର୍ଶନ କରିବା ସହ ୩ କୋଟି ଟଙ୍କା ଆର୍ଥିକ ସହାୟତା ଘୋଷଣା ମଧ୍ୟ କରିଥିଲେ। ଏବେ ରବିବାର ଦିନ ପୁଷ୍ପା ୨ ଅଭିନେତା ଅଲୁ ଅର୍ଜୁନ ମଧ୍ୟ ଏକ ସାହାଯ୍ୟ ହାତ ବଢ଼ାଇଛନ୍ତି।

ଅଲୁ ଅର୍ଜୁନ ଇନଷ୍ଟାଗ୍ରାମରେ ଏକ ପୋଷ୍ଟ ସେୟାର କରି ଭୂସ୍ଖଳନ ଘଟଣାରେ ନିଜର ଦୁଃଖ ପ୍ରକାଶ କରିଛନ୍ତି। ସେ ଲେଖିଛନ୍ତି, ‘ୱାୟାନାଡାରେ ହୋଇଥିବା ଭୂସ୍ଖଳନ ଯୋଗୁଁ ମୁଁ ଗଭୀର ଦୁଃଖିତ। କେରଳ ମୋତେ ସବୁବେଳେ ବହୁତ ଭଲପାଇବା ଦେଇଛି ଏବଂ ପୁନଃ ନିର୍ମାଣ ପାଇଁ କେରଳ CM ରିଲିଫ ପାଣ୍ଠିକୁ ୨୫ ଲକ୍ଷ ଟଙ୍କା ଦାନ କରି ମୁଁ ପୁଣିଥରେ ସହଯୋଗ କରିବାକୁ ଚାହୁଁଛି | ତୁମର ସୁରକ୍ଷା ଏବଂ ଶକ୍ତି ପାଇଁ ପ୍ରାର୍ଥନା |