ବାଜି ମାରିନେଲେ ବର୍ଷା , ୪୨ ହଜାରରୁ ଅଧିକ ଭୋଟରେ ହାରିଲା ବିଜେପି(ଭିଡିଓ)
1 min read
ଭୁବନେଶ୍ୱର : ଆସିଲା ପଦ୍ମପୁର ଉପନିର୍ବାଚନ । ଶେଷରେ ବାଜି ଜିତିଲେ ବିଜେଡି ପ୍ରାର୍ଥୀ ବର୍ଷା ସିଂ ବରିହା । ବର୍ଷା ସିଂହ ବରିହା ୧ ଲକ୍ଷ ୧୯ ହଜାର ୬୪୭ ଖଣ୍ଡ ଭୋଟ୍ ପାଇଛନ୍ତି। ବିଜେପିର ପ୍ରଦୀପ ପୁରୋହିତ ୭୭ ହଜାର ୫୪୧ ଖଣ୍ଡ ଭୋଟ୍ ପାଇଥିବା ବେଳେ କଂଗ୍ରେସ ପ୍ରାର୍ଥୀ ସତ୍ୟଭୂଷଣ ସାହୁଙ୍କୁ ୩୫୬୧ ଖଣ୍ଡ ଭୋଟ୍ ମିଳିଛି। ତେବେ ବର୍ଷା ୪୨, ୧୦୬ ଭୋଟ୍ରେ ବିଜେପି ପ୍ରାର୍ଥୀ ପ୍ରଦୀପ ପୁରୋହିତଙ୍କୁ ପରାସ୍ତ କରିଛନ୍ତି।
ଆଜି ସକାଲ ୮ ଟା ବେଳୁ ହିଁ ଭୋଟ ଗଣତି ଆରମ୍ଭ ହୋଇଥିଲା । ତେବେ ପ୍ରଥମ ରାଉଣ୍ଡରୁ ହିଁ ବିଜେଡି ନିଜ ପ୍ରତିଦ୍ୱନ୍ଦିମାନଙ୍କଠାରୁ ଗଣତିରେ ଆଗୁଆ ରହିଥିଲା । ପ୍ରଥମରାଉଣ୍ଡରେ ୧୭୨୧ ଖଣ୍ଡ ଭୋଟରେ ଆଗୁଆଥିବା ବେଳେ ୧୦ ରାଉଣ୍ଡ ପର୍ଯ୍ୟନ୍ତ ଏଭଳି ଚାଲିଥିଲା । ଠିକ୍ ପଞ୍ଚମ ରାଉଣ୍ଡ ବେଳକୁ ବିଜେଡି ନିଜର ଆକଳନ ଅନୁଯାୟୀ ଉତ୍ସବ ମନାଇଥିଲା । ସତକୁସତ ୧୦ ରାଉଣ୍ଡର ଶେଷରେ ପ୍ରାୟ ୧୯ ହଜାର ୪୨୭ ଖଣ୍ଡ ଭୋଟରେ ଆଗୁଆ ରହିଥିଲେ ବିଜେଡି ପ୍ରାର୍ଥି ବର୍ଷା ବରିହା । ତେବେ ଭିଭିପାଟ୍ ମ୍ୟାଚିଂ ଚାଲିଥିବାରୁ ନିର୍ବାଚନ କମିଶନଙ୍କ ପକ୍ଷରୁ ଆନୁଷ୍ଠାନିକ ବିଜୟ ଘୋଷଣା କରାଯାଇ ନାହିଁ।
